याकूब 1:3 - काँगड़ी

³ क्जोकि तुहां जाणदे हन, कि जाह़लू तुहां दा बसुआस परखेया जांदा ऐ, तां तुहां बड़े सबरे नैं परमात्मे पर बसुआस रखी नैं परीक्षां जो झेलदे हन।

याकूब 1:3 Iomraidhean Croise

लूका 21:19

अपणे सबरे नैं तुहां अपणे प्राणा जो बचाई रखगे।

रोमियो 15:4

पवित्रशास्त्रे च जेह्ड़ा कुच्छ लिख्या था, सैह़ अहां जो सिक्षा दैणे तांई लिख्या गेआ था, तांजे अहां जो तिसा सिक्षा नैं सबर कने हौंसला मिलदा रैंह्, कने इस तरीके नैं अहां अपणी आसा बणाई रखन।

रोमियो 2:7

जेह्ड़े लोक खरे कम्मां च मजबूत रेई नैं महिमा, कने आदर, कने सदा दी ज़िन्दगिया दिया तोपा च हन, तिन्हां जो परमात्मा सदा दी ज़िन्दगी दिंगा;

रोमियो 8:25

अपर जिसा चीज्जा जो अहां नीं दिक्खदे, जे तिसा दी उम्मीद रखदे हन, तां सबर करी नैं तिसादा इन्तजार भी करदे हन।

रोमियो 8:28

अहां जाणदे हन, कि जेह्ड़े लोक परमात्मे नैं प्यार रखदे हन, तिन्हां तांई सारियां गल्लां मिल्ली नैं भलाई ई पैदा करदियां हन, मतलब तिन्हां ई तांई जेह्ड़े तिसदिया इच्छा दे मताबक चुणेयो हन।

2 कुरिन्थियों 4:17

अहां दा अज्जे दा दुख छोटा कने जादा बग्ते तिकर रैहणे आल़ा नीं ऐ। क्जोकि तिसदा नतीजा सदा दी महिमा ऐ, कने सैह़ तिन्हां सारियां गल्लां ते जेह्ड़ियां अहां सोची सकदे हन, बड़ियां म्हान हन।

कुलुस्सियों 1:11

तां मैं प्रार्थना करदा ऐ, कि परमात्मा अपणी महिमा दी सामर्थी दा इस्तेमाल करी नैं तुहां जो मजबूत करैं। इसतांई तुहां बड़े हौंसले कने खुसिया सौगी अपणियां मुसीबतां जो झेली सकन।

2 थिस्सलुनीकियों 1:4

इसतांई अहां परमात्मे दी कलीसिया दे बसुआसी तुहां दे बारे च घमंड करदे हन, बेसक तुहां दुखां कने मुसीबतां च होई नैं जा दे हन, भिरी भी तुहां इन्हां जो बड़े सबरे नैं लगातार झेलदे हन, कने मसीह पर बसुआस करदे हन।

2 थिस्सलुनीकियों 3:5

अहां प्रार्थना करदे हन, कि प्रभु यीशु मसीह तुहां जो एह़ दस्सें, कि परमात्मा तुहां नैं कितणा प्यार करदा ऐ, कने मुसीबतां च किंआं मजबूत रैहणा ऐ, जिंआं यीशु मसीह था।

इब्रानियों 10:36

ऐदेय बग्ते च तुहां जो सबर रखणा जरूरी ऐ, तांजे परमात्मे दी इच्छा जो पूरी करी नैं जेह्ड़ा तुहां तांई वादा कित्या ऐ, सैह़ मिल्लैं।

इब्रानियों 12:1

अहां दे चौंन्नी पास्से मते सारे लोकां दियां ज़िन्दगिया दे ऐदेय उदारण हन, जेह्ड़े अहां जो दस्सदे हन कि बसुआस क्या ऐ। इसतांई ओआ, हर इक्क रोकणे आल़ी चीज्ज कने उलझाणे आल़े पापे जो दूर करी नैं, सैह़ दौड़ जिस च अहां जो दौड़णा ऐ अहां सबर रखी नैं दौड़न।

1 पतरस 1:7

इन्हां दुखां दा मकसद एह़ दस्सणा ऐ कि तुहां सच्च बिच्च परमात्मे पर भरोसा रखदे हन कि नीं, तुहां दा यीशु मसीह पर बसुआस सोन्ने ते भी बड़ा जादा कीमती ऐ, ठीक तिंआं ई जिंआं इक्क नास होणे आल़ा सोन्ना अग्गी च परखेया जांदा ऐ, तांजे तुहां दा बसुआस भी इन्हां दुखां दे बावजूद मजबूत रैंह्, तां यीशु मसीह दे बापस ओणे आल़े दिने च एह़ तुहां तांई तारीफ, महिमा कने आदरे दी बज़ाह हुंगा।

2 पतरस 1:6

क्जोकि तुहां जो एह़ नीं पता होणा चाइदा कि दूयेयां नैं किंआं बर्ताब करणा ऐ, अपर तुहां जो अपणे आप्पे पर काबू भी करणा चाइदा, कने तुहां जो सिर्फ अपणे आप्पे पर काबू ई नीं करणा चाइदा, अपर दुखां च सबर भी रखणा चाइदा, कने तुहां जो सिर्फ सबर ई नीं रखणा चाइदा, अपर तुहां जो ऐदई ज़िन्दगी जीणा चाइदी, जेह्ड़ी परमात्मे जो खुस करदी ऐ,