Biblia Todo Logo
Bìoball air-loidhne

- Sanasan -




याकूब 1:2 - काँगड़ी

2 हे मेरे प्यारे साथी बसुआसियो, जाह़लू तुहां हर किस्मां दियां परीक्षां च पोन, तां इन्हां परीक्षां जो बड़िया खुसिया दी गल्ल समझा।

Faic an caibideil Dèan lethbhreac




याकूब 1:2
21 Iomraidhean Croise  

प्रेरित इसा गल्ला ते खुस होई करी महासभा दे सामणै ते चली गै, कि अहां यीशुये दे नांऐ तांई बेइज्जत होणे जोग्गे तां ठेहरै हन।


सिर्फ ऐई नीं, अपर अहां मुसीबतां च भी खुसी मनांदे हन, एह़ जाणी नैं कि मुसीबता ते सबर,


क्जोकि मसीह दिया बज़ाह ते तुहां पर ऐदेया अनुग्रह होएया कि ना सिर्फ तिस पर बसुआस करा अपर तिस तांई दुख भी झेला,


तुहां दा मसीह च बसुआस कने तुहां दी सेवा परमात्मे तांई चढ़ाईया बल़िया साइआं ऐ। जे सैह़ मिन्जो मारी भी दैन, तमी मैं खुस ऐ, कने तुहां सबना सौगी खुसी मनांदा ऐ।


तिंआं ई तुहां भी खुस होआ, कने मिन्जो सौगी खुसी मना।


हुण मैं तिन्हां दुखा दिया बज़ाह ते जेह्ड़े तुहां तांई झेला दा ऐ, खुसी मनांदा ऐ। कने मैं तिसदे सरीरे, मतलब कलीसिया तांई अपणे सरीरे च कने मसीह दे दुखां च बाक्कि रेई गेई कमियां जो पूरा करदे-करदे अपणी जिम्मेवारी निभा दा ऐ।


क्जोकि तुहां कैदियां दे दुखे च भी दुखी होये, कने अपणी धन दौलत भी खुसिया नैं लुटणा दित्ती। एह़ जाणी करी कि तुहां अल्ल सुअर्गे च इक्क होर भी खास कने सदा काल तिकर रैहणे आल़ी धन दौलत ऐ।


धन ऐ सैह़ माणु, जेह्ड़ा परीक्षा च पक्का रैंह्दा ऐ, क्जोकि सैह़ परीक्षा च सफल होई नैं सदा दी ज़िन्दगिया दा सैह़ मुकट पांगा जेह्ड़ा वादा परमात्मे अपणे प्यार करणे आल़ेआं नैं कित्या ऐ।


हे प्यारे साथी बसुआसियो, धोखे च मत रेह्आ।


हे प्यारे साथी बसुआसियो, एह़ गल्ल तुहां जाणी लेआ; हर इक्क माणु सुणने तांई तौल़ करणे आल़ा कने ग्लाणे च सबर रखणे आल़ा कने गुस्से च देर करणे आल़ा होयैं,


दिक्खा, अहां सबर रखणे आल़ेआं जो धन ग्लांदे हन। तुहां अय्यूब दे सबर दे बारे च तां सुणेया ई ऐ, कने प्रभु दे पास्से ते जेह्ड़ा तिसदा प्रतिफल़ होएया तिसियो भी जाणी लेआ ऐ, जिसते प्रभु दी बड़ी जादा करूणा कने दया प्रगट हुंदी ऐ।


परमात्मे एह़ सारे कम्म कित्ते, जेह्ड़े एह़ दस्सदे हन कि सैह़ अपणे लोकां जो तिन्हां दियां मुसीबतां ते बचाणा जाणदा ऐ, कने बुरे लोकां जो न्याय दे दिने तिकर लगातार सज़ा दैणा भी जाणदा ऐ,


जेह्ड़े दुख तिज्जो झेलणा पोंगे, तिन्हां ते मत डर। अपर चौकनै रेह्आ; क्जोकि सैतान तुहां च कुच्छ लोकां जो जेलखाने च पाणे आल़ा ऐ तांजे तुहां परखे जान; कने तुहां जो दसा दिनां तिकर दुख झेलणा पोंगा। प्राण दैणे तिकर बसुआसे जोग्गा बणी रैह्, तां मैं तिज्जो ज़िन्दगिया दा मुकट दिंगा।


Lean sinn:

Sanasan


Sanasan