गलातियों 4:3 - काँगड़ी

³ तिंआं ई अहां भी परमात्मे जो जाणने ते पैहल्लैं इस संसारे दे नियमां कने रीति रिवाजां दे गुलाम थे।

गलातियों 4:3 Iomraidhean Croise

मत्ती 11:28

“हे सारे मेहनत करणे आल़ेयो कने थके मान्दे लोको, मिन्जो अल्ल ओआ; मैं तुहां जो अराम दिंगा।

यूहन्ना 8:31

ताह़लू यीशुयैं तिन्हां यहूदियां नैं जिन्हां तिस पर बसुआस कित्या था, ग्लाया, “जे तुहां मेरे वचनां मताबक चलगे, तां सच्च बिच्च तुहां मेरे चेले बणगे।

प्रेरितां दे कम्म 15:10

तां हुण तुहां क्जो परमात्मे दी परीक्षा करदे हन कि चेलेयां दिया गर्दना पर ऐदेया जुंगल़ा रखा, जिसियो ना तां अहां दे स्याणे चुक्की सकदे थे कने ना तां अहां चुक्की सकदे हन।”

रोमियो 7:14

क्जोकि अहां जाणदे हन कि व्यबस्था तां आत्मिक ऐ, अपर मैं माणु ऐ कने पापे दे बसे च ऐ।

रोमियो 8:15

क्जोकि तुहां लोकां जो गुलामी दी आत्मा नीं मिलियो, जिसाते भिरी डरणा लग्गी जान, अपर पवित्र आत्मा अहां जो परमात्मे दे बच्चे बणांदा ऐ, जिसियो अहां “हे अब्बा, हे पिता” ग्लाई नैं पुकारदे हन।

2 कुरिन्थियों 11:20

क्जोकि जाह़लू तुहां जो कोई दास बणाई लैंदा ऐ, या तुहां अल्ल जेह्ड़ा कुच्छ ऐ, तिसियो भी लेई लैंदा ऐ, या धोखा देई नैं फायदा चुक्की लैंदा ऐ, या अपणे आप्पे जो तुहां ते बड्डा बणांदा ऐ, या तुहां दे मुँऐ पर चपेड़ मारदा ऐ, तां तुहां तिसदी झेली लैंदे हन।

गलातियों 2:4

एह़ तिन्हां झूठे भाऊआं दिया बज़ाह ते होएया, जेह्ड़े चोरी छिपे अहां दिया मंडल़िया च आईयो थे, कि तिसा अजादिया दा जेह्ड़ी यीशु मसीह च अहां जो मिलियो ऐ, भेत लेई करी अहां जो दास बणान।

गलातियों 3:19

तां भिरी मूसा दी व्यबस्था क्जो दित्ती गेई? व्यबस्था इसतांई दित्ती, कि लोक एह़ समझी लैन कि पाप सच्च-बिच्च क्या ऐ, अपर परमात्मैं व्यबस्था इसतांई बणाई तांजे एह़ मसीह दे ओणे दे बग्ते तिकर बणी रैंह्, जेह्ड़ा अब्राहमे दे वंशे दा ऐ, कने जिसदे बारे च वादा कित्या था। परमात्मैं व्यबस्था मूसा जो सुअर्गदूतां दे जरिये दित्ती जेह्ड़ा परमात्मे कने लोकां दा बचौलिया था।

गलातियों 4:2

अपर सैह़ बग्त ओणे तिकर जेह्ड़ा पितैं पक्का कित्या ऐ, कि जागत सम्भाल़णे आल़े कने प्रबन्ध करणे आल़े दे अधिकार दे अधीन रैंह्दा ऐ।

गलातियों 4:24

इन्हां सारियां गल्लां च होर मतलब भी ऐ, एह़ जणासां समझा दो वादे हन, इक्क तां सीनै प्हाड़े दा जिसते दास ई पैदा हुंदे हन; कने सैह़ हाजिरा ऐ।

गलातियों 4:25

कने हाजिरा जो समझा, कि सैह़ अरब दा सीनै प्हाड़ ऐ, कने अज्जे दा यरूशलेम सैहर तिसदे बराबर ऐ, क्जोकि सैह़ अपणे जागतां सौगी गुलामिया च ऐ।

गलातियों 4:31

इसतांई हे प्यारे साथी बसुआसियो, अहां दासी जणासा दे बच्चे नीं हन, जेह्ड़ी व्यबस्था ऐ। अपर अहां तिसा जणासा दे बच्चे हन, जेह्ड़ी बुढ़े दी लाड़ी ऐ सैह़ बसुआस ऐ।

गलातियों 4:8

जाह़लू तुहां परमात्मे जो नीं जाणदे थे तिस बग्त तुहां तिन्हां दे गुलाम थे, जेह्ड़े सच्ची च परमात्मा नीं हन।

गलातियों 4:9

अपर हुण तां तुहां दा रिस्ता परमात्मे सौगी बणी गेआ ऐ, मिन्जो एह़ ग्लाणा चाइदा कि परमात्मैं इस रिस्ते दी सुरुआत तुहां सौगी करी लियो ऐ, तां तिन्हां कमजोर कने फ़ालतू सिक्षां दे पास्से क्जो फिरा दे हन, क्या तुहां तिन्हां दे दुवारी भिरी गुलाम बणना चांह़दे हन?

कुलुस्सियों 2:20

जाह़लू ते तुहां दा पापी सभाव यीशु मसीह सौगी मरी गेआ ऐ, तां तुहां जो इस संसारे दे कायदे कानूना जो मन्नणे दी कोई जरूरत नीं ऐ। इसतांई हुण भी तुहां इस संसारे दे कायदे कानूना जो क्जो मनदे हन, जिसते लगदा ऐ कि तुहां हुण भी इस संसारे दे बसे च हन।

कुलुस्सियों 2:8

ध्यान रखा कि कोई तुहां लोकां जो तिन्हां बेकार गल्लां ते वेबकूफ ना बणा। एह़ बेकार गल्लां सुणने च तां ज्ञाने दियां लगदियां हन, क्जोकि एह़ गल्लां तां सिर्फ संसारे दे लोकां दे पास्से ते हन, अपर मसीह दे पास्से ते नीं।

इब्रानियों 5:12

सच्ची तां एह़ ऐ कि इस बग्ते तिकर तां तुहां जो सिक्षा दैणे आल़ा बणी जाणा चाइदा था, अपर तुहां जो हुण भी कुसी ऐदेय माणुये दी जरूरत ऐ, जेह्ड़ा तुहां जो दुवारी परमात्मे दी सिक्षा दियां गल्लां सुरू ते सखां। तुहां तां ऐदेय बणी गै हन कि तुहां जो अनाजे दे बदले अह्ल्ली तिकर दुद ई चाइदा।

इब्रानियों 7:16

यीशु कुसी भी माणुये दिया व्यबस्था या लेविये दे गोत्रे ते तालुक रखणे आल़ी व्यबस्था दे मताबक याजक नीं बणेया, अपर ज़िन्दगिया दिया सामर्थी मताबक जिसा दा कोई अन्त नीं ऐ याजक बणेया ऐ।