गलातियों 2:3 - काँगड़ी

³ अपर मेरा साथी तीतुस जेह्ड़ा इक्क यूनानी ऐ कने जिसदा खतणा नीं होएया था। अपर यरूशलेम सैहरे दिया कलीसिया दे अगुआं तिसियो अपनाया। तिन्हां तिसियो खतणा करणे तांई मजबूर नीं कित्ता।

गलातियों 2:3 Iomraidhean Croise

प्रेरितां दे कम्म 15:24

“अहां सुणेया ऐ, कि अहां च कुच्छ लोक तित्थु जाई करी, तुहां जो अपणियां गल्लां नैं डराई दित्ता; कने तुहां दे मन बदली दित्ते हन अपर अहां तिन्हां जो कोई हुक्म नीं दित्या था।

प्रेरितां दे कम्म 16:3

पौलुसे दी इच्छा थी कि सैह़ तिस सौगी चल्लैं; कने जेह्ड़े यहूदी माणु तिन्हां जगांह च थे तिन्हां दिया बज़ाह ते तिसदा खतणा कित्ता, क्जोकि सैह़ सारे जाणदे थे, कि तिसदा बुढ़ा यूनानी था।

2 कुरिन्थियों 2:13

मैं अपणे बसुआसी भाऊ तीतुसे जो तित्थु नीं दिख्या तां मेरे मने जो चैन नीं मिल्ला। इसतांई मैं त्रोआस सैहरे दे बसुआसियां ते विदा होई नैं मकिदुनिया प्रदेसे जो बापस आई गेआ।

गलातियों 2:1

चौदा साल्लां बाद मैं बरनबासे सौगी भिरी यरूशलेम सैहरे जो गेआ, कने तीतुसे जो भी सौगी लेई गेआ।

2 तीमुथियुस 4:10

क्जोकि देमासें इस संसारे दियां चीज्जां जो प्यारा समझी करी मिन्जो छड्डी दित्ता ऐ, कने थिस्सलुनीक सैहरे जो चली गेआ। कने क्रेसकेंस गलातिया प्रदेसे जो कने तीतुस दलमतिया प्रदेसे जो चली गेआ ऐ।

तीतुस 1:4

तीतुसे दे नां जेह्ड़ा बसुआसे च मेरा सच्चा पुत्तर ऐ; मैं प्रार्थना करदा ऐ, कि पिता परमात्मे कने अहां दे उद्धार करणे आल़े यीशु मसीह दे पास्से ते तिज्जो अनुग्रह कने सांति मिलदी रैंह्।