गलातियों 1:1 - काँगड़ी

¹ मैं पौलुस जेह्ड़ा इक्क प्रेरित ऐ एह़ चिठ्ठी तुहां जो लिखदा ऐ, जेह्ड़ा कि ना तां माणुआं दे पास्से ते कने ना माणुये दे जरिये चुणेया था, अपर यीशु मसीह कने पिता परमात्मे दे जरिये जिन्हीं तिसियो मरेयां ते जिन्दा कित्ता।

गलातियों 1:1 Iomraidhean Croise

यूहन्ना 10:30

मैं कने पिता इक्को ई हन।”

यूहन्ना 20:21

यीशु भिरी तिन्हां नैं ग्लाणा लग्गा, “तुहां जो सांति मिल्ले; जिंआं पितैं मिन्जो घल्लेया ऐ, तिंआं ई मैं भी तुहां जो इस संसारे च घल्लदा ऐ।”

यूहन्ना 5:19

इसा गल्ला पर यीशुयैं तिन्हां नैं ग्लाया, “मैं तुहां नैं सच्च-सच्च ग्लांदा ऐ, पुत्तर अप्पु ते कुच्छ नीं करी सकदा, सिर्फ तिन्हां कम्मां करी सकदा, जेह्ड़ा सैह़ अपणे पिता परमात्मे जो करदे दिक्खदा ऐ। क्जोकि जिन्हां-जिन्हां कम्मां जो सैह़ करदा ऐ तिन्हां जो पुत्तर भी तिसा रीतिया नैं करदा ऐ।

प्रेरितां दे कम्म 22:10

ताह़लू मैं ग्लाया, ‘हे प्रभु, मैं क्या करैं?’ प्रभुयैं मिन्जो नैं ग्लाया, ‘उठी करी दमिश्क सैहरे जो चली जा, कने जेह्ड़ा कुच्छ तेरे करणे तांई ठैहराया ऐ तित्थु तिज्जो नैं सब दस्सी दैणा।’

प्रेरितां दे कम्म 3:15

कने तुहां सदा दी ज़िन्दगिया दा रस्ता दस्सणे आल़े जो तुहां मारी दित्ता, जिसियो परमात्मैं मरेयां ते जिन्दा कित्ता; कने इसा गल्ला दे अहां गवाह हन।

प्रेरितां दे कम्म 9:6

अपर हुण उठी करी सैहरे जो जा, कने जेह्ड़ा मैं चांह़दा ऐ तू करैं, सैह़ तिज्जो नैं दस्सेया जांगा।”

रोमियो 1:1

मैं पौलुस इसा चिठ्ठिया लिखा दा ऐ, जेह्ड़ा यीशु मसीह दा दास ऐ, कने प्रेरित होणे तांई परमात्मे दे जरिये चुणेया ऐ, कने तिस सुसमाचारे दा प्रचार करणे तांई लग्ग कित्या ऐ, जेह्ड़ा परमात्मे दे पास्से ते ऐ।

रोमियो 10:9

जे तू अपणे मुँऐ नैं यीशुये जो प्रभु जाणी नैं अंगीकार करैं, कने अपणे मने च बसुआस करैं कि परमात्मैं तिसियो मरेयां ते जिन्दा कित्या, तां तू पक्का उद्धार पांगा।

रोमियो 14:9

क्जोकि मसीह इसतांई मरेया कने जिन्दा भी होई गेआ कि सैह़ मरेयां कने जिन्देया दून्नी दा प्रभु होयैं।

1 कुरिन्थियों 1:1

एह़ चिठ्ठी पौलुस कने अहां दे भाऊ सोस्थिनेसे दे पास्से ते ऐ। मैं पौलुस जेह्ड़ा परमात्मे दी इच्छा ते यीशु मसीह दा प्रेरित होणे तांई सद्देया ऐ।

2 कुरिन्थियों 1:1

एह़ चिठ्ठी पौलुस कने अहां दे भाऊ तीमुथियुसे दे पास्से ते ऐ। मैं पौलुस जेह्ड़ा परमात्मे दी इच्छा ते यीशु मसीह दा प्रेरित ऐ। मैं एह़ चिठ्ठी परमात्मे दी तिसा कलीसिया दे नांऐ पर लिखा दा ऐ, जेह्ड़ी कुरिन्थुस सैहरे च ऐ, कने परमात्मे दे सारे पवित्र लोकां दे नांऐ पर जेह्ड़े अखाया प्रदेसे च रैंह्दे हन:

गलातियों 1:15

अपर परमात्मे दी जाह़लू इच्छा होई कि मिन्जो च अपणे पुत्तरे जो प्रगट करैं, तिसा इच्छा जो पूरा करणे तांई तिन्हीं मिन्जो मेरे पैदा होणे ते पैहल्ले ई चुणी लेआ, कने अनुग्रह दे जरिये अपणे कम्मां तांई सद्दी लेआ। तांजे मैं होरनी जातिआं च तिसदा सुसमाचार सणा। इन्हां कम्मां दे बारे च मैं कुसी भी माणुये ते सलाह नीं लेई।

गलातियों 1:17

कने जेह्ड़े मिन्जो ते पैहल्ले दे प्रेरित चुणेयो थे, तिन्हां नैं मिलणे तांई मैं यरूशलेम सैहरे जो नीं गेआ। अपर जितणी तौल़ी होई सकेया अरब देसे जो चली गेआ कने तित्थु ते दुवारी दमिश्क सैहरे जो बापस आई गेआ।

इफिसियों 3:8

मिन्जो पर जेह्ड़ा सारे परमात्मे दे लोकां च लोक्के ते भी लोक्का ऐ, परमात्मे दा एह़ अनुग्रह मिन्जो पर होएया, मैं होरनी जातिआं जो सैह़ सुसमाचार सणा, कि यीशु मसीह ऐदिआं आसीषां दा जरिया ऐ, जिन्हां दी कोई सीमा नीं ऐ,

2 तीमुथियुस 1:1

मैं पौलुस जेह्ड़ा परमात्मे दी इच्छा ते यीशु मसीह दा प्रेरित ऐ; कने तिसा सदा दी ज़िन्दगिया दे वादे मताबक जेह्ड़ी यीशु मसीह पर बसुआस करणे दे जरिये मिलदी ऐ।

तीतुस 1:3

कने हुण ठीक बग्ते पर परमात्मे अहां पर सुसमाचारे जो प्रगट कित्या ऐ। अहां दे उद्धार करणे आल़े परमात्मे मिन्जो एह़ जिम्मेवारी दित्तियो ऐ, कने इस कम्मे जो करणे तांई हुक्म दित्या ऐ।

इब्रानियों 13:20

सांति दैणे आल़ा परमात्मा तुहां जो सामर्थ दैं। जिन्हीं अहां दे प्रभु यीशु मसीह जो सदा दे वादे दे खूने दे जरिये मरेयां ते जिन्दा कित्ता। यीशु भेड्डां दा म्हान रखवाल़ा ऐ।

1 पतरस 1:21

यीशु मसीह दे जरिये तुहां परमात्मे पर बसुआस करदे हन, तांजे तुहां दा बसुआस कने आसा तिस परमात्मे पर होयैं, जिन्हीं मसीह जो मरेयां ते जिन्दा कित्ता कने तिसियो महिमा दित्ती।

प्रकाशितवाक्य 1:18

कने मैं सैह़ ऐ जेह्ड़ा हमेसा जिन्दा ऐ, इक्क बग्त था जाह़लू मैं मरी गेआ था, अपर हुण मैं जिन्दा ऐ कने हमेसा जिन्दा रैंह्गा; कने मौत्त कने अधोलोक दी चाबियां मिन्जो अल्ल ई हन।

प्रकाशितवाक्य 1:5

कने यीशु मसीह दे पास्से ते जेह्ड़ा बसुआसे जोग्गा गवाह कने मरेयां ते जिन्दा होणे आल़ेआं च जेठा कने धरतिया दे राजेयां दा हाकम ऐ, तुहां जो अनुग्रह कने सांति मिलदी रैंह्। जेह्ड़ा अहां नैं प्यार रखदा ऐ, कने तिन्हीं अपणे खूने दे जरिये अहां जो पापां ते छड्डाया ऐ।

प्रकाशितवाक्य 2:8

भिरी तिन्हीं मिन्जो नैं एह़ भी ग्लाया, कि “स्मुरना सैहरे दी कलीसिया दे सुअर्गदूत जो एह़ लिख: मैं जेह्ड़ा पैहल्ला कने आखरी ऐ, इक्क बग्त था जाह़लू मैं मरी गेआ था, अपर हुण मैं जिन्दा ऐ, तिसदा ग्लाणा ऐई ऐ: