इफिसियों 5:3 - काँगड़ी

³ तुहां परमात्मे दे लोक हन, इसतांई ऐत्थु तिकर कि तुहां बिच्च ब्यभिचार कने कुसी भी किस्मा दियां गंदियां चीज्जां या लालचे दी झलक भी नीं होणी चाइदी;

इफिसियों 5:3 Iomraidhean Croise

मत्ती 15:19

क्जोकि बुरे बचार, खून, परस्त्रीगमन, ब्यभिचार, चोरी, झूठी गवाही कने निंदा मने ते निकल़दी ऐ।

लूका 12:15

कने तिन्हीं तिन्हां नैं ग्लाया, “चौकन्ने रेह्आ, कने हर किस्मां दे लालचे ते अपणे आप्पे जो बचाई रखा; क्जोकि कुसी दी ज़िन्दगी तिसदिया धन-दौलता दिया बढ़तिया नैं नीं हुंदा।”

लूका 16:14

फरीसी जेह्ड़े लालची थे, एह़ सारियां गल्लां सुणी करी तिसदा मजाक करणा लग्गे।

प्रेरितां दे कम्म 15:20

अपर तिन्हां जो चिठ्ठी लिखी घल्लन, कि सैह़ मूर्तियां दे सामणै चढ़ाईयां चीज्जां ते, ब्यभिचार, गल़ा घोटी करी मारेयो जानवरां दे मासे ते कने खूने ते दूर रैह़न।

प्रेरितां दे कम्म 20:33

मैं कुसी दे सोन्ने चाँदी, कने कपड़ेयां दा लालच नीं कित्ता।

रोमियो 1:29

इसतांई सैह़ हर किस्मां दे बुरे कम्म, दुष्टता, लालच, बैरभाव नैं भरोई गै; जल़स, हत्या, झगड़े, छल कपट, रिस करणा, कने चुगलखोर,

रोमियो 16:2

कने तुहां बसुआसी लोकां जो चाइदा, कि तिसादा प्रभु च सुआगत करा; कने जिसा कुसी गल्ला च तिसा जो तुहां ते जरूरत ऐ, तिसा दी मदत करा। क्जोकि तिन्नै मतेआं दी कने मेरी भी बड़ी मदत कित्तियो ऐ।

रोमियो 6:13

कने ना अपणे सरीरे दे अंगा जो बुरे कम्मां दे हत्थयार होणे तांई पाप जो सौंपा, अपर अप्पु जो मरेयां ते जिन्दा होएया जाणी नैं अपणी ज़िन्दगी परमात्मे जो देआ, कने अपणे सरीरे दे अंगा जो धार्मिकता दे हत्थयार होणे तांई पूरी ज़िन्दगी परमात्मे जो देई देआ।

1 कुरिन्थियों 10:8

कने ना अहां ब्यभिचार करन, जिंआं तिन्हां च कितणेयां लोकां कित्ता; कने नतीजा एह़ होएया कि इक्की दिने च त्रैई हज़ार लोक मरी गै।

1 कुरिन्थियों 5:1

ऐत्थु तिकर सुणने च ओंदा ऐ, कि तुहां दी कलीसिया च कुच्छ लोक ब्यभिचार करदे हन, अपर देहया ब्यभिचार जेह्ड़ा होरनी जातिआं दे लोकां च भी नीं हुंदा ऐ, कि इक्क मरद अपणिया सौतेलिया माँऊ जो रखैल बणाई नैं रखदा ऐ।

1 कुरिन्थियों 6:13

तुहां च कुच्छ ग्लांगे, कि खाणा अहां दे सरीरे तांई, कने अहां दे सरीर खाणे तांई हन, सैह़ सच्च ऐ अपर परमात्मा सरीरां जो भी कने खाणे जो भी नास करगा, जाह़लू अहां सुअर्गे च होणा। अहां जो अपणे सरीरां दे जरिये सैई करणा चाइदा, जेह्ड़ा प्रभु चांह़दा ऐ, क्जोकि एह़ सरीर प्रभु दे हन।

1 कुरिन्थियों 6:18

ब्यभिचारे ते दूर रेह्आ। माणुये दे जरिये कित्ते गै होर पाप तिसदे सरीरे ते बाहर हन, अपर ब्यभिचार करणे आल़ा अपणे सरीरे दे खलाफ पाप करदा ऐ।

2 कुरिन्थियों 12:21

कने कुत्थी इआं ना होयैं कि जाह़लू मैं बापस औयें तां मेरा परमात्मा तुहां सामणै मिन्जो सर्मिंदा नीं करी दैं, कने मिन्जो मतेआं तांई भिरी सोक करणा पोयैं, जिन्हां पैहल्ले पाप कित्या था कने गंदे कम्म, ब्यभिचार कने लुचपण ते, जेह्ड़ा तिन्हां कित्ते, मन नीं बदलेया।

इफिसियों 5:12

क्जोकि तिन्हां लोकां दे बुरे कम्मां दी चर्चा करणा भी सर्मा दी गल्ल ऐ।

इफिसियों 5:5

क्जोकि तुहां एह़ खरे कित्ते जाणदे हन कि कोई भी ब्यभिचारी, या गंदे कम्म करणे आल़ा, या लालची माणु, जेह्ड़ा मूर्तिपूजा दे बराबर ऐ, मसीह कने परमात्मे दे राज्जे च कदी भी हिस्सेदार नीं हुंगा।

फिलिप्पियों 1:27

सिर्फ इतणा करा, कि तुहां दा चाल-चलण मसीह दे सुसमाचारे मताबक होयैं, कि चां मैं आई नैं तुहां जो दिक्खैं, चां ना भी औयें, तुहां दे बारे च ऐई सुणैं कि तुहां इक्को ई इरादे च मजबूत रेह्आ, कने इक्क मन होई नैं सुसमाचार दे बसुआसे तांई मेहनत करदे रैंह्दे हन,

कुलुस्सियों 3:5

इसतांई बुरे कम्मां करणा छड्डी देआ, जेह्ड़े तुहां दे पापी सभावे सौगी जुड़ेयो हन, जेह्ड़े धरतिया पर हन, मतलब ब्यभिचार, मने च गंदगी, वासना, बुरी सोच। कने लालची मत बणा जेह्ड़ा मूर्तिपूजा दे साइआं ऐ।

1 थिस्सलुनीकियों 4:3

क्जोकि परमात्मे दी इच्छा एह़ ऐ, कि तुहां पवित्र बणा मतलब ब्यभिचारे ते बची रेह्आ,

1 थिस्सलुनीकियों 4:7

क्जोकि परमात्मैं अहां जो असुद्ध ज़िन्दगी जीणे तांई नीं, अपर पवित्र ज़िन्दगी जीणे तांई सद्देया ऐ।

1 तीमुथियुस 2:10

अपर इन्हां चीज्जां जो करणे दे बजाये तिन्हां जो दूये लोकां तांई भलाई दे कम्म करी नैं अप्पु छैल़ बणाणा चाइदा क्जोकि मसीह जणासां जो इआं करणा सजदा।

1 तीमुथियुस 3:3

सैह़ पियक्कड़ कने मारपीट करणे आल़ा ना होयैं, अपर नरम दिले दा होयैं, कने ना लड़णे आल़ा, कने ना धन-दौलता दा लालची होयैं।

1 तीमुथियुस 6:10

क्जोकि धन-दौलता दा लालच सारियां बुराईआं दी जड़ ऐ, जिसा जो पाणे तांई कोसस करदे-करदे कुच्छ लोक बसुआसे ते भटकी नैं अपणे आप्पे जो हर किस्मां दे दुखां च पाई दित्या ऐ।

2 तीमुथियुस 3:2

क्जोकि माणु मतलबी, धन-दौलता दा लालची, डींगमार, घमंडी, निंदा करणे आल़ा, माँऊ-बुढ़े दा हुक्म नीं मन्नणे आल़ा, एहसान फरामोस, अपवित्र,

तीतुस 1:11

ऐदेयां लोकां जो सिक्षा दैणे दी इजाजत मत देआ, क्जोकि जाह़लू सैह़ ऐदई सिक्षा दिंदे हन, जेह्ड़ी तिन्हां जो नीं दैणी चाइदी, क्जोकि एह़ लोक सारे परवारां दा बसुआस नास करदे हन, सैह़ एह़ तां करदे हन कि पैसा हासल करी सकन।

तीतुस 1:7

क्जोकि अगुआ परमात्मे दा भण्डारी होणे दिया बज़ाह ते बेकसूर होणा चाइदा; ना जिद्द करणे आल़ा, ना गुस्सा करणे आल़ा, ना पियक्कड़, ना मारपीट करणे आल़ा, कने ना नीच कमाईया दा लालची होयैं,

तीतुस 2:3

तिंआं ई स्याणियां जणासा जो भी जीणा चाइदा, जिसते परमात्मे जो इज्जत मिल्लैं। सैह़ दोस लगाणे आल़ी कने पियक्कड़ नीं होणी चाइदी, अपर खरियां गल्लां जो सखाणे आल़ी होणी चाइदी।

इब्रानियों 12:16

तुहां च कोई माणु ब्यभिचारी ना होयैं, कने ना अब्राहमे दे पोतरू एसावे साइआं पापी होयैं, जिन्हीं इक्क बरी दे खाणे दे बदले अपणे जेठे होणे दी पदवी बेची दित्ती।

1 पतरस 5:2

जिंआं गुआल़ा अपणियां भेड्डां दी रखवाल़ी करदे हन, तिंआं ई तुहां भी तिन्हां सारेयां दी रखवाल़ी करा, जेह्ड़े परमात्मे तुहां जो दित्यो हन, इसा सेवा जो अपणिया खुसिया नैं मन लगाई नैं करा, क्जोकि परमात्मा ऐई चांह़दा ऐ, तुहां इसियो कुसी दबाबे दिया बज़ाह ते मत करा कने ना ई धन-दौलता दे लालचे तांई अपर सिर्फ परमात्मे कने लोकां दी सेवा करणे तांई।

2 पतरस 2:10

खास करी नैं परमात्मा तिन्हां झूठे सिक्षकां जो जरूर सज़ा दिंगा, जेह्ड़े बुरिआं इच्छां दे पचांह़ सरीरे मताबक चलदे कने परमात्मे दे अधिकारां जो घटिया समझदे हन, सैह़ ढीठ, कने जिद्दी हन, कने ऐत्थु तिकर कि सुअर्गदूतां दी निंदा करदे हन।

2 पतरस 2:14

सैह़ हर जणासा नैं जिसा जो दिक्खदे हन ब्यभिचार करणा चांह़दे हन, कने सैह़ पाप करणे तांई मौका तोपदे रैंह्दे हन। सैह़ तिन्हां लोकां जो धोखा दिंदे हन, जेह्ड़े बसुआसे च कमजोर हन कने सैह़ तिन्हां दी पाप करणे च अगुआई करदे हन। क्जोकि तिन्हां दियां बुरिआं इच्छां कने लालच जेह्ड़े लगातार बधदे जा दे हन, तिन्हां दिया बज़ाह ते ई परमात्मा तिन्हां जो सज़ा दिंगा।

2 पतरस 2:3

कने एह़ झूठे सिक्षक लालची होई जांगे, कने अपणे फायदे तांई मनगढ़ंत काहणिया बणाई नैं तुहां जो धोखा दिंगे। परमात्मे बड़ी पैहल्लैं ई एह़ फैसला लेई लेआ था, कि सैह़ इन्हां दा नास करगा, कने सैह़ एह़ करणे तांई बिलकुल त्यार ऐ। सैह़ पक्का तिन्हां जो नास करगा।

प्रकाशितवाक्य 2:14

अपर मेरी तिज्जो नैं एह़ शकायत ऐ: कि तेरे ऐत्थु कुच्छ लोक तां ऐदेय हन, जेह्ड़े बिलाम दी सिक्षा जो मनदे हन, जिन्हीं बालाके जो इस्राएली लोकां जो भटकाणे तांई सखाया कि सैह़ मूर्तियां सामणै चढ़ाईयां चीज्जां जो खान कने ब्यभिचार करन।

प्रकाशितवाक्य 2:21

मैं तिसा जो मने बदलणे दा मौका दित्ता, अपर सैह़ अपणे ब्यभिचारे ते अपणे मने नीं बदलणा चांह़दी।

प्रकाशितवाक्य 21:8

अपर डरफोकां, बेबसुआसियां, कने घिनौनेयां, हत्यारेयां, ब्यभिचारियां, जादू-टूणा करणे आल़ेआं, मूर्तिपूजकां, कने सारे झूठेयां दा हिस्सा तिसा झीला च मिलगा, जेह्ड़ा अग्गी कने गंधका नैं जल़दी रैंह्दी ऐ; सैह़ दूई मौत्त ऐ।”

प्रकाशितवाक्य 22:15

अपर कुत्ते, जादू-टूणा करणे आल़े, ब्यभिचारी, हत्यारे, मूर्ति दी पूजा करणे आल़े, हर इक्क झूठ दा साथ दैणे आल़े, झूठ ग्लाणे आल़े बाहर रैंह्गे।

प्रकाशितवाक्य 9:21

कने जेह्ड़ा खून, टूणा, ब्यभिचार, कने चोरियां, तिन्हां कित्तियां थियां, तिन्हां ते मन नीं बदलेया।