इफिसियों 5:2 - काँगड़ी

² कने तुहां इक्की दूये नैं प्यार करा, जिंआं मसीयैं भी तुहां नैं कित्या ऐ, कने अहां दे पापां जो दूर करणे तांई अप्पु जो बलिदान करी दित्ता, कने परमात्मा खुस होएया, क्जोकि एह़ बलिदान तिस तांई मिठ्ठी खुसबुया साइआं होएया।

इफिसियों 5:2 Iomraidhean Croise

मत्ती 20:28

जिंआं कि मैं माणुये दा पुत्तर इसतांई नीं आया कि अपणी सेवा करवां, अपर इसतांई आया कि अप्पु सेवा करैं, कने मतेआं जो छड्डाणे तांई अपणे प्राण दैं।”

यूहन्ना 13:34

मैं तुहां जो इक्क नौआं हुक्म दिंदा कि इक्की दूये नैं प्यार रखा; जिंआं मैं तुहां नैं प्यार रखेया ऐ, तिंआं ई तुहां भी इक्की दूये नैं प्यार रखा।

यूहन्ना 6:51

सदा दी ज़िन्दगी दी रोटी मैं ऐ, जेह्ड़ी सुअर्ग ते लुत्थियो। जे कोई इसा रोटिया च खां, तां सैह़ सदा जिन्दा रैंह्गा; कने जेह्ड़ी रोटी मैं संसारे दे लोकां जो सदा दी ज़िन्दगिया तांई दैणी, सैह़ मेरा सरीर ऐ।”

रोमियो 15:16

कि मैं होरनी जातिआं दे लोकां तांई यीशु मसीह दा सेवक बणी नैं इक्क याजकें साइआं परमात्मे दे सुसमाचारे दी सेवा करैं। तां होरनी जातिआं दे लोकां जो पवित्र आत्मा दे जरिये पवित्र कित्ते जाणे ते बाद, परमात्मे सौगी मिल्लांदा ऐ, जिसते सैह़ खुस हुंदा ऐ।

रोमियो 4:25

यीशु मसीह अहां दे अपराधां तांई पकड़ुआया गेआ, कने अहां जो धर्मी बणाणे तांई परमात्मे तिसियो मरेयां ते जिन्दा भी कित्ता।

रोमियो 8:3

क्जोकि जेह्ड़े कम्म मूसा दिया व्यबस्था अहां दे पापी सभावे दिया बज़ाह ते कमजोर होई नैं नीं करी सकी। सैह़ कम्म परमात्मैं करी दित्ते हन, मतलब जिन्हीं अहां दे पापां दी माफी तांई अपणे पुत्तरे जो बलिदान होणे तांई घल्लेया, कने जिन्हीं अहां पापी माणुआं साइआं सरीर धारण कित्ता, कने परमात्मैं मसीह दे सरीरे च पापे जो सज़ा दा हुक्म दित्ता।

रोमियो 8:37

अपर इन्हां सारियां गल्लां च अहां तिसदे जरिये ते जिन्हीं अहां नैं प्यार कित्या ऐ, अहां अल्ल उम्मीदा ते बधी करी जीत्त ऐ।

1 कुरिन्थियों 16:14

जेह्ड़ा कुच्छ करदे हन प्यारे नैं करा।

1 कुरिन्थियों 5:7

जिंआं यहूदी अपणे घरां ते फसह दा त्योहार मनाणे ते पैहल्लैं सारा खमीर कड्डी दिंदे हन, तिंआं ई तुहां जो भी इस बुरे माणुये जो इसा कलीसिया ते कड्डी दैणा चाइदा, तां तुहां इक्क ताजी रोटिया साइआं हुंगे, जेह्ड़ी बिना खमीरे ते बणियो ऐ, कने असल च तुहां ऐई हन। क्जोकि अहां दे फसह दा त्योहार असल च मसीह दे बलिदाने दे जरिये पूरा होएया ऐ।

2 कुरिन्थियों 2:14

अपर परमात्मे दा धन्यावाद होयैं, क्जोकि मसीह च अहां दी एकता दिया बज़ाह ते सैह़ अहां जो हमेसा अप्पु सौगी चलांदा ऐ, कने अहां जो जीत्त दिंदा ऐ। कने परमात्मा मसीह दे ज्ञाने जो इक्क मिठ्ठी खुसबुया साइआं अहां दे जरिये हर जगाह फैलांदा ऐ।

2 कुरिन्थियों 2:15

अहां ई परमात्मे तांई मसीह दी मिठ्ठी खुसबु हन, तिन्हां सबना च जेह्ड़े उद्धार पांदे जा दे हन, कने तिन्हां सबना च भी जेह्ड़े नास हुंदे जा दे हन।

2 कुरिन्थियों 8:9

तुहां अहां दे प्रभु यीशु मसीह दा अनुग्रह जाणदे हन, कि सैह़ अमीर होई नैं भी तुहां तांई कंगाल बणी गेआ, तांजे तिसदे कंगाल होई जाणे ते तुहां अमीर होई जान।

गलातियों 1:4

यीशु मसीयैं अपणी ज़िन्दगी अहां दे पापां तांई देई दित्ती, तांजे अहां दे परमात्मे दी कने पिता दिया इच्छा मताबक अहां जो इस बग्ते दे बुरे संसारे ते छड्डां।

गलातियों 2:20

जाह़लू मसीह सूल़िया पर मरेया, तां मैं भी मरी गेआ, कने हुण जेह्ड़ा मिन्जो च जिन्दा ऐ, सैह़ मैं नीं अपर मसीह ऐ; कने हुण जिंआं मैं जीआ दा ऐ तां सिर्फ तिस बसुआसे दे जरिये जेह्ड़ा परमात्मे दे पुत्तरे पर ऐ, जिन्हीं मिन्जो नैं प्यार कित्ता कने मिन्जो तांई अपणे आप्पे जो देई दित्ता।

इफिसियों 1:4

खास करी नैं मसीह सौगी अहां दे रिस्ते दिया बज़ाह ते परमात्मे अहां जो इस संसारे जो बणाणे ते पैहल्ले चुणी लेआ। तांजे सैह़ अहां जो पवित्र कने बेकसूर समझैं।

इफिसियों 3:17

इसतांई बसुआसे दे जरिये मसीह तुहां दे मनां च बसें कि तुहां प्यारे च जड़ पकड़ी नैं कने नींई भरी नैं,

इफिसियों 3:19

कने मैं प्रार्थना करदा ऐ, कि तुहां मसीह दे तिस प्यारे जो जाणी सकन, जिसते तुहां दा सभाव परमात्मे दे सभावे साइआं बणी जां।

इफिसियों 4:15

अपर प्यारे नैं सच्च ग्लाणे दे जरिये कने सारियां गल्लां च अहां जो मसीह साइआं सिद्ध बणना चाइदा, जेह्ड़ा कलीसिया दा सिर ऐ,

इफिसियों 4:2

सारी दीनता कने नम्रता सौगी, कने सबर रखी करी प्यारे नैं इक्की दूये दे बर्ताबे जो झेली लेआ;

इफिसियों 5:15

इसतांई ध्याने नैं दिक्खा, कि तुहां अपणिया ज़िन्दगिया जो किंआं जीआ दे हन, वेअक्लेयां साइआं नीं अपर अक्लमंदा साइआं ज़िन्दगी जीआ।

इफिसियों 5:25

हे लाड़ेयो, अपणिया-अपणिया लाड़िया नैं प्यार रखा जिंआं मसीयैं भी कलीसिया नैं प्यार करी नैं अपणे आप्पे जो तिसा तांई बलिदान करी दित्ता।

फिलिप्पियों 4:18

मिन्जो अल्ल सब कुच्छ ऐ, अपर मता सारा ऐ; जेह्ड़ियां चीज्जां तुहां इपफ्रुदीतुस दे हत्थे ते घल्लियां थियां तिन्हां जो लेई नैं मैं रज्जी गेआ, सैह़ तां सुख आल़ी सुगंधा साइआं, कने अपनाणे जोग्गा बलिदान ऐ, जिन्हां जो याजक परमात्मे जो चढ़ांदे हन, जिसियो परमात्मा अपनांदा कने खुस हुंदा ऐ।

कुलुस्सियों 3:14

अपर सबना ते बड्डी गल्ल एह़ ऐ, कि इक्की दूये नैं प्यार भाव बणाई रखा। इआं करणे नैं तुहां इक्क जुट होई जांगे।

1 थिस्सलुनीकियों 4:9

अपर बसुआसी भाईचारे दे प्यारे दे बारे च एह़ जरूरत नीं ऐ कि मैं कुच्छ लिखें, क्जोकि अप्पु च प्यार रखणा तुहां अप्पु ई परमात्मे ते सिखया ऐ,

1 तीमुथियुस 2:6

सारे लोकां जो सैतान कने पापे दे बसे ते छड्डाणे तांई मसीयैं अप्पु जो बलिदान करी दित्ता कने तिसदा बलिदान ठीक बग्ते पर इसा गल्ला दा सबूत था कि परमात्मा सारे लोकां जो छुटकारा दैणा चांह़दा था।

1 तीमुथियुस 4:12

इस तरीके नैं बर्ताब कर कोई भी तेरी जुआनिया दिया बज़ाह ते तेरी बेइज्जती नीं करैं, अपर तिज्जो अपणे सब्दां च जेह्ड़ा तू ग्लांदा ऐ, अपणे चाल-चलण च, प्यारे च, मसीह दे बसुआस च, कने पवित्र ज़िन्दगिया च बसुआसी लोकां तांई खरा उदारण बण।

तीतुस 2:14

जेह्ड़ा अप्पु अहां तांई सूल़िया पर चढ़ी गिया, कि अहां जो हर किस्मा दिया बुराईया ते छड्डाई लैं, कने पापां ते सुद्ध करी नैं अप्पु तांई इक्क ऐदई प्रजा बणां जेह्ड़ी खरे कम्मां तांई पूरे जोशे नैं हमेसा त्यार रैंह्।

इब्रानियों 8:3

हर इक्क महायाजके जो पापां दी माफी तांई भेंट कने बलिदान चढ़ाणे तांई चुणेया जांदा ऐ, इसा बज़ाह ते जरूरी ऐ, अहां दे महायाजक यीशुये अल्ल भी कुच्छ चढ़ाणे तांई होयैं।

इब्रानियों 9:14

तां मसीह दा खून, जिन्हीं अपणे आप्पे जो सदा जिन्दा रैहणे आल़ी आत्मा दे जरिये परमात्मे सामणै बेकसूर बल़िया दे रूपे च चढ़ाई दित्ता, जिन्दे परमात्मे दी सेवा करणे तांई अहां दे जमीरे जो पापी कम्मां ते क्जो नीं सुद्ध करगा?

इब्रानियों 9:23

याजके तांई एह़ जरूरी ऐ, कि तम्बू कने तिसदियां सारियां चीज्जां जेह्ड़ियां सुअर्गे दियां चीज्जां दी नकल हन, इसतांई इन्हां जो जानवरां दे बलिदानां दे जरिये सुद्ध कित्ती जान। अपर सुअर्गे दियां चीज्जां जो सुद्ध करणे तांई जानवरां दे खूने ते बधी करी म्हान बलिदाने दी जरूरत ऐ।

इब्रानियों 9:26

नीं तां संसारे दी सुरूआती ते लेई नैं मसीह जो बार-बार दुख झेलणा पोंदा। अपर हुण इस जुगे दे अन्त च सैह़ इक्क ई बरी प्रगट होएया ऐ, तांजे अपणे ई बलिदाने दे जरिये पापां जो दूर करी दैं।

1 पतरस 4:8

साबना ते बड्डी गल्ल एह़ ऐ कि इक्की दूये नैं प्यार रखा, क्जोकि जे तुहां इक्की दूये नैं प्यार करदे हन तां तुहां हमेसा तिन्हां देयां अपराधां जो माफ करणे तांई त्यार रैंह्दे हन, जेह्ड़ियां तिन्हां कित्तियां हन।

1 यूहन्ना 3:16

अहां प्यार इसते जाणेया, कि यीशु मसीयैं अहां तांई अपणे प्राण देई दित्ते; इसतांई अहां जो भी भाऊआं तांई अपणे प्राण दैणा चाइदे।

1 यूहन्ना 3:23

परमात्मे दा हुक्म एह़ ऐ कि अहां तिसदे पुत्तर यीशु मसीह दे नांऐ पर बसुआस करन, कने जिंआं तिन्हीं अहां जो हुक्म दित्या ऐ तिसदे मताबक अप्पु च प्यार रखन।

प्रकाशितवाक्य 1:5

कने यीशु मसीह दे पास्से ते जेह्ड़ा बसुआसे जोग्गा गवाह कने मरेयां ते जिन्दा होणे आल़ेआं च जेठा कने धरतिया दे राजेयां दा हाकम ऐ, तुहां जो अनुग्रह कने सांति मिलदी रैंह्। जेह्ड़ा अहां नैं प्यार रखदा ऐ, कने तिन्हीं अपणे खूने दे जरिये अहां जो पापां ते छड्डाया ऐ।

प्रकाशितवाक्य 5:9

सैह़ एह़ नौआं गीत गा थे, “इसा कताब जो लैणे दा, कने इसा दियां सील्लां खोलणे दा हक्क तिज्जो अल्ल ऐ, क्जोकि तू इक्क मेम्ने साइआं बलिदान होई करी अपणे खूने नैं हर इक्क गोत्र, भासा, देस कने जातिया ते परमात्मे तांई लोकां जो खरीदी लेआ ऐ;