इफिसियों 4:5 - काँगड़ी5 अहां सारेयां अल्ल इक्क ई प्रभु यीशु मसीह ऐ, अहां सारे सिर्फ प्रभु यीशु मसीह पर ई बसुआस करदे हन, कने अहां दा सिर्फ यीशु मसीह दे नांऐ पर बपतिस्मा होएया ऐ, Faic an caibideil |
इफिसियों 4:5
28 Iomraidhean Croise
मैं एह़ चिठ्ठी परमात्मे दी तिसा कलीसिया दे नांऐ पर लिखा दा जेह्ड़े कुरिन्थुस सैहरे च रैंह्दे हन, मतलब तिन्हां दे नांऐ पर जेह्ड़े यीशु मसीह च पवित्र कित्ते गै, कने पवित्र होणे तांई सद्देयो हन; कने तिन्हां सारेयां दे नांऐ पर भी जेह्ड़े हर जगाह अहां दे कने अपणे प्रभु यीशु मसीह दे नांऐ नैं प्रार्थना करदे हन।
जेह्ड़े तुहां दे अगुऐ थे, कने जिन्हां तुहां जो परमात्मे दा वचन सणाया ऐ। तिन्हां जो याद रखा, कने ध्याने नैं तिन्हां दिया ज़िन्दगिया जो दिक्खा, कि किंआं तिन्हां अपणी ज़िन्दगी जी, कने सैह़ मरने तिकर परमात्मे दे बसुआसे च बफादार बणी रैह्। इसतांई अहां जो भी तिंआं ई तिस पर बसुआस करणा चाइदा जिंआं तिन्हां कित्या था।
पराणे बग्ते च तिन्हां दा उद्धार अहां दे इस बग्ते दे उद्धारे दा उदारण ऐ, जाह़लू अहां बपतिस्मा लेआ था। जिस पांणिये च अहां बपतिस्मा लेआ था, अहां दे सरीरां दे मैल्ले जो दूर नीं करदा, अपर एह़ इसा गल्ला जो दस्सदा ऐ, कि अहां परमात्मे ते माफी मंगियो ऐ, तांजे गांह तांई अहां दा मन दुखी नीं रैंह्। अहां जो माफी मिल्ली सकदी ऐ, क्जोकि यीशु मसीह दुवारी भिरी जिन्दा होई गेआ ऐ।
हे मेरे प्यारे साथी बसुआसियो, हलांकि मैं परमात्मे दे उद्धारे दे बारे च बड़ी मेहनत करी नैं तुहां जो लिखा दा था, जिस च अहां सारे साझी हन, मैं तुहां जो एह़ लिखणे तांई मजबूर होएया, कि तुहां जो सच्चाईया दी लड़ाई लड़णे तांई हौंसला देई सकैं। परमात्मैं अपणे लोकां जो एह़ सच्चाई इक्क ई बरी देई दित्तियो, जेह्ड़ी कदी नीं बदलदी।
Sanasan