इफिसियों 4:3 - काँगड़ी

³ कने इसियो अपणिया तरफा ते खरा करणे दी कोसस करदे रेह्आ, तांजे तुहां लगातार मिल्ली नैं रैह़न, क्जोकि परमात्मे दिया आत्मा दे जरिये तुहां इक्क कित्यो हन।

इफिसियों 4:3 Iomraidhean Croise

मरकुस 3:24

कने जे कुसी राजे दे राज्जे च बैर पेई जां, तां तिस राजे दा राज किंआं मजबूत होई सकदा ऐ?

यूहन्ना 13:34

मैं तुहां जो इक्क नौआं हुक्म दिंदा कि इक्की दूये नैं प्यार रखा; जिंआं मैं तुहां नैं प्यार रखेया ऐ, तिंआं ई तुहां भी इक्की दूये नैं प्यार रखा।

1 कुरिन्थियों 1:10

हे प्यारे साथी बसुआसियो, मैं तुहां नैं अहां दे प्रभु यीशु मसीह दे नांऐ नैं विणती करदा ऐ कि तुहां सारे इक्की दूये नैं सेहमत होआ, तांजे तुहां च बैर नीं पोयैं, अपर अपणे मकसदां कने इरादेयां च इक्क मन होई नैं मिल्ली करी रेह्आ।

2 कुरिन्थियों 13:11

कने हे प्यारे साथी बसुआसियो, मैं इन्हां सब्दां सौगी चिठ्ठी बंद करदा ऐ। खुस रेह्आ, सिद्ध बणदे जा, इक्की दूये जो हौंसला दिंदे रेह्आ, इक्क मन रेह्आ, मिल्ली जुली नैं रेह्आ। ताह़लू प्यार कने सांति दा परमात्मा तुहां सौगी रैंह्गा।

इफिसियों 4:13

एह़ लगातार हुंदा रैंह्गा, कि जाह़लू तिकर अहां सारे अहां दे बसुआसे कने परमात्मे दे पुत्तरे दे ज्ञाने दे जरिये इक्क मन नीं होई जान। तां अहां मसीह साइआं सिद्ध बणगे कने पूरे तरीके नैं तिस साइआं हुंगे।

इफिसियों 4:4

अहां सारे बसुआसी इक्क सरीरे दे अंगा साइआं हन, कने अहां सारेयां इक्क ई पवित्र आत्मा पाया ऐ, ठीक तिंआं सैह़ आसा भी इक्क ई ऐ, जिसा च तुहां परमात्मे दे लोक होणे तांई सद्देयो थे।

1 थिस्सलुनीकियों 5:13

कने तिन्हां दे कम्मां दिया बज़ाह ते प्यारे नैं तिन्हां जो बड़ा ई आदर मान जोग्गे समझा। कने अप्पु च मेल-जोल करी नैं रेह्आ।

इब्रानियों 12:14

सबना नैं मेल-जोल रखा, कने पवित्र ज़िन्दगी जीणे तांई हर तरीके नैं कोसस करदे रेह्आ। जिसदे बगैर कोई भी प्रभु जो कदी नीं दिक्खी सकदा।