इफिसियों 4:2 - काँगड़ी

² सारी दीनता कने नम्रता सौगी, कने सबर रखी करी प्यारे नैं इक्की दूये दे बर्ताबे जो झेली लेआ;

इफिसियों 4:2 Iomraidhean Croise

मत्ती 11:29

मेरा जुंगल़ा अपणे ऊपर चुक्की लेआ, कने मिन्जो ते सीखा; क्जोकि मैं नम्र कने मने च दीन ऐ, कने तुहां अपणे मने च अराम पांगे।

मरकुस 9:19

एह़ सुणी नैं यीशुयैं तिन्हां जो जवाब देई नैं ग्लाया, “हे बेबसुआसियो, मैं काह़लू तिकर तुहां सौगी रैंह्गा? कने काह़लू तिकर तुहां दी झेलगा? इसियो मिन्जो अल्ल लेयोआ।”

प्रेरितां दे कम्म 20:19

मतलब बड़िया दीन होई नैं, कने टेपल़े चढ़ाई-चढ़ाई करी, कने तिन्हां परीक्षां च जेह्ड़ियां यहूदी माणुआं दिया बज़ाह ते मिन्जो पर आई पेई, मैं प्रभु दी सेवा करदा रेह्आ;

रोमियो 15:1

जरूरी ऐ कि अहां, जेह्ड़े बसुआसे च मजबूत हन, कमजोर लोकां दी मदत करन, ना कि अपणे आप्पे जो खुस करन।

1 कुरिन्थियों 13:7

सैह़ सारियां गल्लां झेली लैंदा ऐ, सारियां गल्लां दा बसुआस करदा ऐ, सारियां गल्लां दी आस रखदा ऐ, सारियां गल्लां च सबर रखदा ऐ।

गलातियों 6:2

जाह़लू अहां च कोई मुसीबता च होयैं, तां इक्की दूये दी मदत करा। इआं करी नैं ई मसीह दी व्यबस्था जो मनदे हन।

इफिसियों 1:4

खास करी नैं मसीह सौगी अहां दे रिस्ते दिया बज़ाह ते परमात्मे अहां जो इस संसारे जो बणाणे ते पैहल्ले चुणी लेआ। तांजे सैह़ अहां जो पवित्र कने बेकसूर समझैं।

कुलुस्सियों 1:11

तां मैं प्रार्थना करदा ऐ, कि परमात्मा अपणी महिमा दी सामर्थी दा इस्तेमाल करी नैं तुहां जो मजबूत करैं। इसतांई तुहां बड़े हौंसले कने खुसिया सौगी अपणियां मुसीबतां जो झेली सकन।

1 तीमुथियुस 6:11

अपर हे परमात्मे दे जण तीमुथियुस, तू इन्हां गल्लां ते दूर होई जा, कने सच्चाई, परमात्मे दी भक्ति, मसीह पर बसुआस, लोकां नैं प्यार कने सबर कने नम्रता दा पीछा कर।

2 तीमुथियुस 2:25

कने जेह्ड़े तिसदा बरोध करदे हन, तिन्हां जो तिसियो बड़ी सरीफिया नैं समझाणा चाइदा, होई सकदा ऐ सायद परमात्मा तिन्हां जो सच्चाईया जो जाणने दा कने तिस पास्से फिरणे दा मौका दैं,

याकूब 1:21

इसतांई सारे मनां दे मैल कने बैर बरोधां दी बढ़तिया जो दूर करी नैं, परमात्मे दे वचनां जो नम्रता नैं मन्नी लेआ, जेह्ड़ा मने च रखेया ऐ सैई तुहां दे प्राणा दा उद्धार करी सकदा ऐ।

1 पतरस 3:15

अपर मसीह जो प्रभु समझी नैं अपणे-अपणे मने च पवित्र समझा। जेह्ड़ा कोई तुहां ते तुहां दी आसा दे बारे च कुच्छ पुछैं, जेह्ड़ी अहां सारे बसुआसी अप्पु च साझी करदे हन, तां हमेसा तिसादे बारे च नम्रता कने डरे सौगी जवाब दैणे तांई त्यार रेह्आ,

1 पतरस 3:8

आखर च मैं तुहां सबना जो एह़ ग्लाणा चांह़दा ऐ, कि तुहां सारे इक्क मन होई नैं रेह्आ, कने इक्की दूये पर दया करा, इक्की दूये नैं प्यार रखा, भलाई करा कने नम्र बणा।