इफिसियों 3:5 - काँगड़ी

⁵ पराणे जमाने च परमात्मे एह़ भेत लोकां पर प्रगट नीं कित्ता, जिंआं कि आत्मा दिया बज़ाह ते हुण तिसदे पवित्र प्रेरितां कने भविष्यवक्तां पर प्रगट कित्या ऐ।

इफिसियों 3:5 Iomraidhean Croise

मत्ती 13:17

क्जोकि मैं तुहां नैं सच्च ग्लांदा ऐ, कि मते सारे भविष्यवक्तां कने धर्मियां चाया कि जेह्ड़ियां गल्लां तुहां दिक्खा करदे हन, दिक्खन अपर तिन्हां नीं दिक्खियां, कने जेह्ड़ियां गल्लां तुहां सुणदे हन, सुणन अपर तिन्हां नीं सुणियां।”

मत्ती 20:7

तिन्हीं तिन्हां नैं ग्लाया, तुहां भी कम्म करणा अंगूरा दे बागे च जा कने कम्म करा।”

मत्ती 23:34

इसतांई मेरी सुणा, मैं तुहां अल्ल भविष्यवक्तां कने अक्लमंदा कने सास्त्री माणुआं जो घल्लदा ऐ। तिन्हां च कुच्छ लोकां दा तुहां खून करगे, कने कुच्छ लोकां जो सूल़िया पर टूंगगे, कने कुच्छ लोकां जो अपणे आराधनालयां च कोड़े मारगे कने इक्की सैहरे ते दूये सैहरे जो खदेड़दे फिरगे।

लूका 10:24

क्जोकि मैं तुहां नैं ग्लांदा ऐ, कि मते सारे भविष्यवक्तां कने राजेयां चाया कि जेह्ड़ियां गल्लां तुहां दिक्खा करदे हन, दिक्खन, अपर तिन्हां नीं दिक्खियां, कने जेह्ड़ियां गल्लां तुहां सुणदे हन, सुणन, अपर तिन्हां नीं सुणियां।”

लूका 11:49

इसतांई परमात्मे दी अक्ल भी दस्सदी ऐ, मैं तिन्हां अल्ल भविष्यवक्तां जो कने प्रेरितां जो घल्लगी, कने सैह़ तिन्हां च कुच्छना जो मारी दिंदा ऐ, कने कुच्छना जो सतांगे।

यूहन्ना 14:26

अपर सहायक मतलब पवित्र आत्मा जिसियो पितैं मेरे नांऐ ते घल्लगा, सैह़ तुहां जो सारियां गल्लां सखांगी, कने जेह्ड़ा कुच्छ मैं तुहां नैं ग्लाया ऐ, सैह़ सारा तुहां जो याद करांगी।”

यूहन्ना 16:13

अपर जाह़लू सैह़, मतलब सच्च दा आत्मा ओंगी, जेह्ड़ा पवित्र आत्मा ऐ, कने परमात्मे दी सच्चाईया जो प्रगट करदा ऐ, तां तुहां जो भी सच्चाईया दा रस्ता दस्सगा, क्जोकि सैह़ अपणिया तरफा ते नीं अपर जेह्ड़ा कुच्छ परमात्मे ते सुणगा सैई दस्सगी, कने ओणे आल़िआं गल्लां तुहां नैं दस्सगा।

प्रेरितां दे कम्म 10:28

पतरसैं तिन्हां नैं ग्लाया, “तुहां जाणदे हन कि होरनी जाति दी संगति करणा या तिस अल्ल जाणा अहां यहूदियां तांई अहां दे कानूना दे खलाफ ऐ, अपर परमात्मैं मिन्जो दस्सेया ऐ कि कुसी भी माणुये जो अपवित्र या बुरा मत ग्ला।

रोमियो 16:25

हुण तुहां जो मेरा सुसमाचार जेह्ड़ा यीशु मसीह दे बारे च ऐ, तुहां जो प्रचार करी नैं बसुआसे च मजबूत करी सकदा ऐ। क्जोकि एह़ सुसमाचार सदियां ते छुपाई करी रखेया था।

1 कुरिन्थियों 2:10

अपर एह़ सब कुच्छ परमात्मैं अहां पर अपणिया आत्मा दे जरिये प्रगट कित्ता, क्जोकि पवित्र आत्मा सारियां गल्लां, अपर परमात्मे दियां गूढ़ गल्लां जो भी जाणदा ऐ।

इफिसियों 2:20

अहां सारे मिल्ली नैं तिसदा घर हन जेह्ड़ा प्रेरितां कने भविष्यवक्तां दियां नीआं पर बणेया ऐ, कने यीशु मसीह अप्पु तिस घरे दे कुणे दा पत्थर ऐ।

इफिसियों 3:9

क्जोकि परमात्मे एह़ सारियां चीज्जां सृष्टिया ते सुरू ते ई गुप्त रखियां थियां, तांजे तिन्हां जो हुण मैं तुहां सारेयां जो दस्सी सकैं।

2 पतरस 3:2

मैं एह़ तां करा दा ऐ, क्जोकि मैं चांह़दा ऐ कि तुहां परमात्मे दे भविष्यवक्तां दे बड़ी पैहल्ले दे ग्लायो वचनां जो, कने अहां दे उद्धारकर्ता प्रभु यीशु मसीह दी सिक्षा जो जेह्ड़ी प्रेरितां तुहां जो दित्तियो थी, तिन्हां जो याद रखन।

यहूदा 1:17

अपर हे प्यारे साथियो बसुआसियो, तुहां तिन्हां गल्लां जो याद रखा, जिन्हां जो अहां दे प्रभु यीशु मसीह दे प्रेरितां पैहल्ले ई ग्लाई दित्या ऐ।