इफिसियों 3:4 - काँगड़ी

⁴ जाह़लू तुहां तिसा चिठ्ठिया जो जेह्ड़ी मैं तुहां जो लिखियो ऐ पढ़दे हन, तुहां समझी सकदे हन कि मैं मसीह दे तिन्हां भेतां जो कितणा खरी कित्ते समझदा।

इफिसियों 3:4 Iomraidhean Croise

मत्ती 13:11

तिन्हीं जवाब दित्ता, “तुहां जो सुअर्गे दे राज्जे दे भेतां दी समझ दित्तियो ऐ, अपर तिन्हां जो नीं।

लूका 8:10

तिन्हीं ग्लाया, “तुहां जो परमात्मे दे राज्जे दे भेतां दी समझ दित्ती गेई ऐ, अपर होरनी जो उदारणा च सणाया जांदा ऐ, इसतांई कि, ‘सैह़ दिक्खदे तां हन, अपर तिन्हां जो कुच्छ नीं दुस्सदा, कने सैह़ सुणदे तां हन अपर समझी नीं पांदे।’

रोमियो 11:25

हे प्यारे साथी बसुआसियो, कुत्थी इआं ना होयैं कि तुहां अप्पु जो अक्लमंद समझी लैन; इसतांई मैं तुहां लोकां पर एह़ भेत प्रगट करणा चांह़दा ऐ, कि इस्राएल देसे दा इक्क हिस्सा ताह़लू तिकर अणजाण बणी रैंह्गा, जाह़लू तिकर होरनी जातिआं दे सारे लोक पूरे तरीके नैं मसीह च नीं आई जान।

रोमियो 16:25

हुण तुहां जो मेरा सुसमाचार जेह्ड़ा यीशु मसीह दे बारे च ऐ, तुहां जो प्रचार करी नैं बसुआसे च मजबूत करी सकदा ऐ। क्जोकि एह़ सुसमाचार सदियां ते छुपाई करी रखेया था।

1 कुरिन्थियों 13:2

कने जे मिन्जो भविष्यवाणी करणे दा वरदान मिल्लेया ऐ, कने मैं सारे भेतां जाणने आल़ा कने ज्ञानी ऐ, कने जे मिन्जो परमात्मे पर पूरा बसुआस होयैं कि मैं प्हाड़ां जो हटाई सकदा ऐ, अपर दूयेयां नैं प्यार नीं रखैं, तां मैं कुच्छ भी नीं ऐ।

1 कुरिन्थियों 4:1

ठीक तां एह़ हुंगा कि अहां जो यीशु मसीह दा भण्डारी समझेया जां, जिन्हां जो परमात्मे दे भेतां दी जिम्मेवारी दित्तियो ऐ।

2 कुरिन्थियों 11:6

जे मैं बोल चाल च अनाड़ी ऐ, अपर मसीह दे ज्ञाने च नीं ऐ। अपर अहां इसियो हर गल्ला च सबना पर तुहां तांई प्रगट कित्ता ऐ।

इफिसियों 1:9

क्जोकि तिन्हीं अपणिया इच्छा दा भेत अहां पर अपणे खरे मकसदे मताबक प्रगट कित्ता, जिसदी नीई तिन्हीं अप्पु ई मसीह च रखी।

इफिसियों 3:3

जिंआं मैं पैहल्ले ई थोड़े सब्दां च लिखी चुकेया, कि परमात्मे अप्पु ई सैह़ गुप्त योजनां मिन्जो पर प्रगट कित्तियां हन।

इफिसियों 3:9

क्जोकि परमात्मे एह़ सारियां चीज्जां सृष्टिया ते सुरू ते ई गुप्त रखियां थियां, तांजे तिन्हां जो हुण मैं तुहां सारेयां जो दस्सी सकैं।

इफिसियों 5:32

एह़ इक्क बड्डा भेत ऐ, अपर मैं एह़ समझदा ऐ कि एह़ मसीह कने कलीसिया दे पास्से इसारा करदा ऐ।

इफिसियों 6:19

कने मिन्जो तांई भी प्रार्थना करदे रेह्आ करा, जिसते मिन्जो ग्लाणे दे बग्त ऐदेया वचन दित्ता जां, कि मैं हिम्मता नैं सुसमाचारे दा भेत दस्सी सकैं,

कुलुस्सियों 1:26

मतलब तिस रहस्य जो जेह्ड़ा सदियां ते कने पीढ़ियाँ ते गुप्त रेह्आ, अपर हुण परमात्मे दे लोकां पर प्रगट होएया ऐ।

कुलुस्सियों 2:2

मैं इसतांई मेहनत कित्ती, तांजे तिन्हां दा बसुआस मजबूत होई जां, कने सैह़ प्यारे नैं अप्पु च मिल्ली नैं रैह़न, मैं चांह़दा ऐ, सैह़ पूरा भरोसा रखन, क्जोकि तिन्हां अल्ल परमात्मे दे गुप्त रहस्य दी पूरी समझ ऐ, जेह्ड़ा यीशु मसीह अप्पु ऐ।

कुलुस्सियों 4:3

कने इसदे सौगी-सौगी अहां तांई भी प्रार्थना करदे रेह्आ कि परमात्मे अहां तांई वचन सणाणे दा देहया मौका दैं, तांजे अहां मसीह दे तिस भेते जो समझाई सकन, जिसदिया बज़ाह ते मैं जेला च ऐ,

1 तीमुथियुस 3:16

कने इस च कोई शक नीं ऐ, कि अहां दे बसुआसे च बड़ा गैहरा भेत ऐ: मसीह जेह्ड़ा माणु बणी करी आया, कने पवित्र आत्मा दस्सेया कि सैह़ सच्च बिच्च परमात्मे दा पुत्तर था, सुअर्गदूतां तिसियो दिख्या, सारे संसारे दे लोकां च तिसदे बारे च प्रचार होएया, संसारे दे लोकां तिस पर बसुआस कित्ता, कने परमात्मे तिसियो सुअर्गे च लेई गेआ।

1 तीमुथियुस 3:9

अपर तिन्हां दी साफ अन्तर आत्मा होणी चाइदी, जिंआं सैह़ लगातार तिसा सच्चिया सिक्षा पर बसुआस करदे हन, जिसा जो परमात्मे प्रगट कित्या ऐ ।