इफिसियों 3:1 - काँगड़ी

¹ इसा बज़ाह ते मैं पौलुस तुहां तांई प्रार्थना करदा ऐ। मैं जेला च ऐ क्जोकि मैं तुहां होरनी जातिआं जो सुसमाचार सणाई नैं प्रभु यीशु मसीह तांई सेवा करदा ऐ —

इफिसियों 3:1 Iomraidhean Croise

लूका 21:12

अपर इन्हां सारियां गल्लां होणे ते पैहल्लैं मेरे नांऐ दिया बज़ाह ते तुहां जो पकड़गे, कने सतांगे, आराधनालय च घसीटगे, जेलां च करी दिंगे, राजेयां कने हाकमां सामणै लेई जांगे।

प्रेरितां दे कम्म 21:33

ताह़लू सपाईयां दे सरदारे पौलुसे अल्ल आई करी तिसियो पकड़ी लेआ; कने दूँ सगल़ां नैं बन्नणे दी सलाह देई करी पुछणा लग्गा, “एह़ कुण ऐ कने इन्हीं क्या कित्या ऐ।”

प्रेरितां दे कम्म 23:18

इसतांई सूबेदार पौलुसे दे भांणजे तिसियो सपाईयां दे सरदारे अल्ल लेई गेआ कने ग्लाणा लग्गा, “कैदी पौलुसैं मिन्जो सद्दी करी विणती कित्ती कि एह़ जुआन सपाईयां दे सरदारे नैं कुच्छ ग्लाणा चांह़दा ऐ; इसियो तिस अल्ल लेई जा।”

प्रेरितां दे कम्म 26:29

पौलुस ग्लाणा लग्गा, “परमात्मे नैं मेरी प्रार्थना ऐ कि क्या थोड़े च क्या मते च, बस तू ई नीं जितणे लोक अज्ज मेरियां गल्लां सुणा दे हन, इन्हां बंधना जो छड्डी करी सैह़ मिन्जो साइआं मसीह बणी जान।”

प्रेरितां दे कम्म 9:15

अपर प्रभु यीशुयैं तिस नैं ग्लाया, “तू चली जा; क्जोकि सैह़ तां होरनी जातिआं कने राजेयां, कने इस्राएली लोकां दे सामणै मेरे बारे च दस्सणे तांई मेरा चुणेया जण ऐ।

2 कुरिन्थियों 1:6

जे अहां पर मुसीबत ओंदी ऐ, तां एह़ अहां दी सांति कने उद्धारे तांई ऐ। कने जे अहां सांति पांदे हन, तां एह़ तुहां दी सांति तांई ऐ। जिसदे प्रभावे ते तुहां सबर रखी नैं तिन्हां मुसीबतां जो झेली लैंदे हन, जिन्हां जो अहां भी झेलदे हन।

2 कुरिन्थियों 10:1

मैं सैई पौलुस जेह्ड़ा तुहां सामणै दीन ऐ, अपर पिठ्ठी पचांह़ तुहां दे पास्से हिम्मत करदा ऐ। तुहां जो मसीह दी नम्रता कने कोमलता दिया बज़ाह ते मेरियां गल्लां सुणने तांई विणती करदा ऐ।

2 कुरिन्थियों 11:23

क्या सैई मसीह दे सेवक हन? मैं पागल माणुये साइआं ग्लांदा ऐ, अपर मैं तिन्हां ते बधी नैं सेवक ऐ। मैं तिन्हां ते जादा मेहनत कित्तियो ऐ, तिन्हां ते जादा मैं जेला च गेआ, बड़ी बरी मारेया ऐ, हमेसा ई मेरे प्राण मुसीबता च पै हन।

गलातियों 5:11

अपर हे प्यारे साथी बसुआसियो, मैं प्रचार करदा ऐ कि खतणा जरूरी नीं ऐ, कने इसतांई यहूदी लोक मिन्जो बार-बार सतांदे हन। जे मैं मसीह दिया मौत्ती दा प्रचार करणे दे बजाये एह़ प्रचार करदा, कि लोकां दा खतणा होणा जरूरी ऐ, तां मैं यहूदी लोकां दा अपमान नीं करदा हुंदा।

गलातियों 5:2

सुणा, मैं पौलुस तुहां नैं ग्लांदा ऐ, कि परमात्मे सामणै धर्मी बणने तांई जे खतणा करांगे, तां मसीह ते तुहां जो कुच्छ फायदा नीं हुंगा, जेह्ड़ा तिन्हीं तुहां तांई कित्या ऐ।

गलातियों 5:24

कने जेह्ड़े यीशु मसीह दे हन, तिन्हां अपणे सरीरे दे एह्सासे कने इच्छा जो मारी दित्या ऐ।

इफिसियों 3:11

परमात्मे इसदी योजना सृष्टिया जो बणाणे ते पैहल्ले कित्तियो थी, जिसा जो तिन्हीं प्रभु यीशु मसीह दे जरिये पूरा कित्ता।

इफिसियों 3:13

मतलब एह़ कि अहां जो दुखां दिया बज़ाह ते हौंसला नीं छड्डणा चाइदा, क्जोकि एह़ सारे तुहां दे फायदे तांई हन।

इफिसियों 3:8

मिन्जो पर जेह्ड़ा सारे परमात्मे दे लोकां च लोक्के ते भी लोक्का ऐ, परमात्मे दा एह़ अनुग्रह मिन्जो पर होएया, मैं होरनी जातिआं जो सैह़ सुसमाचार सणा, कि यीशु मसीह ऐदिआं आसीषां दा जरिया ऐ, जिन्हां दी कोई सीमा नीं ऐ,

इफिसियों 4:1

इसतांई मैं जेह्ड़ा प्रभु च कैदी ऐ तुहां नैं विणती करदा ऐ, कि जिसा बुलाहटा नैं तुहां सद्देयो थे, तिसा मताबक ज़िन्दगी जीआ,

इफिसियों 6:20

मैं सोचदा ऐ, कि सिर्फ इसतांई मैं संगल़ां च जकड़ौई नैं राजदूते साइआं सेवा करा दा ऐ; प्रार्थना करा कि, जिस तरीके नैं मिन्जो ग्लाणा चाइदा ऐ, तिंआं ई मैं हिम्मता नैं सुसमाचारे दा प्रचार करी सकैं।

फिलिप्पियों 1:7

ठीक ऐ कि मैं तुहां सारेयां तांई ऐदेया ई बचार करैं, क्जोकि मैं तुहां नैं बड़ा प्यार करदा ऐ, कने जाह़लू मैं जेला च ऐ कने सुसमाचारे दी रक्षा तांई कने सच्च साबित करणे च तुहां सारे मिन्जो सौगी परमात्मे दे अनुग्रह च साझी हन।

कुलुस्सियों 1:24

हुण मैं तिन्हां दुखा दिया बज़ाह ते जेह्ड़े तुहां तांई झेला दा ऐ, खुसी मनांदा ऐ। कने मैं तिसदे सरीरे, मतलब कलीसिया तांई अपणे सरीरे च कने मसीह दे दुखां च बाक्कि रेई गेई कमियां जो पूरा करदे-करदे अपणी जिम्मेवारी निभा दा ऐ।

कुलुस्सियों 4:18

मैं पौलुस, अपणे हत्थे नैं इसा चिठ्ठिया च तुहां जो नमस्कार लिखदा ऐ। याद रखणा मैं जेला च ऐ, कने मिन्जो तांई प्रार्थना करा। तुहां पर परमात्मे दा अनुग्रह हुंदा रैंह्। आमीन।

कुलुस्सियों 4:3

कने इसदे सौगी-सौगी अहां तांई भी प्रार्थना करदे रेह्आ कि परमात्मे अहां तांई वचन सणाणे दा देहया मौका दैं, तांजे अहां मसीह दे तिस भेते जो समझाई सकन, जिसदिया बज़ाह ते मैं जेला च ऐ,

2 तीमुथियुस 1:16

उनेसिफुरूसे दे परवारे पर प्रभु दया करैं, क्जोकि तिन्हीं मिन्जो अल्ल आई नैं मती बरी मेरी मदत कित्ती, कने सैह़ ऐत्थु जेला च मिन्जो नैं मिल्ली करी सर्मिंदा नीं होएया।

2 तीमुथियुस 1:8

इसा बज़ाह ते तू दूये लोकां जो अहां दे प्रभु यीशु मसीह दे बारे च दस्सणे ते मत सर्मा, कने ना ई मेरिया बज़ाह ते जेह्ड़ा तिस सुसमाचारे दिया सेवा तांई जेला च ऐ। अपर तुहां जो परमात्मे दिया तिसा सामर्थी दा इस्तेमाल करणा चाइदा ऐ, जेह्ड़ी सैह़ तुहां जो दिंदा ऐ कने तुहां जो मिन्जो सौगी तिन्हां दुखां च सामिल होई जाणा चाइदा, जेह्ड़े मैं सुसमाचारे दिया बज़ाह ते झेला दा ऐ।

फिलेमोन 1:1

मैं पौलुस जेह्ड़ा यीशु मसीह दी सेवा करणे दिया बज़ाह ते जेला च कैद ऐ, कने भाऊ तीमुथियुसे दिया तरफा ते अहां दे प्यारे साथी फिलेमोन,

फिलेमोन 1:23

इपफ्रास भी जेह्ड़ा यीशु मसीह च मिन्जो सौगी जेला च कैदी ऐ,

फिलेमोन 1:9

भिरी भी मिन्जो स्याणे पौलुसे जो जेह्ड़ा हुण यीशु मसीह दी सेवा करणे दिया बज़ाह ते जेला च कैद ऐ, एह़ होर भी खरा लग्गा कि प्यारे नैं विणती करैं।

प्रकाशितवाक्य 2:10

जेह्ड़े दुख तिज्जो झेलणा पोंगे, तिन्हां ते मत डर। अपर चौकनै रेह्आ; क्जोकि सैतान तुहां च कुच्छ लोकां जो जेलखाने च पाणे आल़ा ऐ तांजे तुहां परखे जान; कने तुहां जो दसा दिनां तिकर दुख झेलणा पोंगा। प्राण दैणे तिकर बसुआसे जोग्गा बणी रैह्, तां मैं तिज्जो ज़िन्दगिया दा मुकट दिंगा।