इफिसियों 2:3 - काँगड़ी

³ इन्हां च अहां भी सारे दे सारे पैहल्ले अपणे सरीरे दी इच्छां च दिन बितांदे थे, कने सरीर कने मने दियां इच्छां पूरियां करदे थे, कने होरनी लोकां साइआं सभाव ते ई बुरे थे, कने परमात्मे दे गुस्से दे अधीन थे।

इफिसियों 2:3 Iomraidhean Croise

मरकुस 4:19

अपर संसार दी फिकर, कने धन दौलत कने दूईआं चीज्जां दा लालच वचने जो दबाई दिंदा ऐ। कने सैह़ आत्मिक फल़ पाणे च नाकामयाब होई जांदे हन।

यूहन्ना 1:13

सैह़ ना तां माँ-बुढ़े ते, ना तां सरीरे दिया इच्छा ते, ना तां माणुये दिया मर्जिया ते अपर परमात्मे दिया इच्छा दे मताबक पैदा होएया ऐ।

यूहन्ना 8:44

तुहां अपणे बुढ़े सैताने ते हन, कने अपणे बुढ़े दी इच्छां जो पूरा करणा चांह़दे हन। सैह़ तां सुरू ते ई हत्यारा ऐ कने सच्च नीं ग्लांदा, क्जोकि सच्च तिस च ऐ ई नीं। कने जाह़लू सैह़ झूठ ग्लांदा ऐ, तां सभावे ते ई ग्लांदा ऐ, कने सैह़ झूठा ई नीं अपर झूठ दा भी बुढ़ा ऐ।

प्रेरितां दे कम्म 14:16

तिन्हीं बीते बग्तां च सारियां जातिआं दे लोकां जो अपणे-अपणे रस्ते च चलणा दित्ता।

रोमियो 1:24

इसा बज़ाह ते परमात्मैं तिन्हां जो तिन्हां दे मने दिया इच्छां दे मताबक बेसर्मी दे कम्मां तांई छड्डी दित्ता कि सैह़ अप्पु च बेसर्मी दे कम्मां च अपणे सरीरां दी बेइज्जती करन।

रोमियो 11:30

क्जोकि जिंआं तुहां पैहल्ले परमात्मे दा हुक्म नीं मन्नेया, अपर हुण यहूदी लोकां दे हुक्म नीं मन्नणे ते तुहां पर दया होई।

रोमियो 13:14

अपर प्रभु यीशु मसीह तुहां दा कवच बणी जां, जिसदे जरिये तुहां दी रखवाल़ी होई सकैं, कने पापी सभावे दियां इच्छां जो पूरा करणे दी कोसस मत करा।

रोमियो 2:14

भिरी जाह़लू होरनी जाति दे लोक जिन्हां अल्ल मूसा दी व्यबस्था नीं ऐ, सैह़ अपणिया समझा ते ई ऐदेय कम्म करदे हन, जेह्ड़े मूसा दिया व्यबस्था च लिख्यो हन, तां मूसा दी व्यबस्था तिन्हां अल्ल ना होणे पर भी सैह़ एह़ साबित करदे हन कि व्यबस्था तिन्हां दे मनां च ऐ।

रोमियो 5:10

क्जोकि जाह़लू अहां परमात्मे दे बैरी होणे दिया हालता च थे, तां तिसदे पुत्तरे दे मरने दे जरिये अहां दा मेल-जोल परमात्मे सौगी होएया, तां भिरी मेल-जोल होई जाणे पर तिसदिया ज़िन्दगिया दिया बज़ाह ते अहां उद्धार क्जो नीं पांगे?

रोमियो 5:9

इसतांई जाह़लू कि अहां, हुण तिसदे खूने दिया बज़ाह ते धर्मी बणे, तां तिसदे जरिये परमात्मे दे कोप ते क्जो नीं बचगे?

रोमियो 6:12

इसतांई तुहां दे नास होणे आल़े सरीरे ऊपर पाप दा बस ना चल्लैं, तांजे तुहां तिसदियां इच्छां दे बसे च रैह़न।

रोमियो 7:18

क्जोकि मैं जाणदा ऐ, कि मिन्जो च मतलब मेरे सरीरे च कोई खरी चीज्ज वास नीं करदी। खरे कम्मां करणे दी तां इच्छा मिन्जो च ऐ, अपर खरे कम्म मिन्जो ते हुंदे नीं।

रोमियो 9:22

जे परमात्मैं अपणा कोप दस्सणे तांई कने अपणी सामर्थ प्रगट करणे दे मकसदे ते बड़ा सबर रखी नैं गुस्से दे तिन्हां भाडेयां जो झेलेया, जेह्ड़े विनाशे तांई त्यार थे, तां कुण बाधा बणी सकदा ऐ?

1 कुरिन्थियों 4:7

कुण ग्लांदा ऐ कि तुहां दूयेयां ते म्हान हन, जेह्ड़ा कुच्छ भी तुहां अल्ल ऐ, सैह़ परमात्मैं दित्या ऐ, इसतांई जे सब कुच्छ जेह्ड़ा तुहां अल्ल ऐ परमात्मैं दित्या ऐ, तां तुहां दा तिस पर घमंड करणे दा कोई हक्क नीं बणदा।

2 कुरिन्थियों 7:1

हे प्यारे साथी बसुआसियो, जाह़लू अहां नैं एह़ वादे कित्ते, तां ओआ, अहां अपणे आप्पे जो सरीर कने आत्मा दिया सारी बुराईया ते दूर रखन, कने परमात्मे दा डर मन्नी करी पवित्र ज़िन्दगी जीणे दी कोसस करन।

गलातियों 3:22

अपर पवित्रशास्त्र एह़ दस्सदा ऐ कि अहां सारे पापी हन, इसतांई जेह्ड़ा वादा परमात्मैं कित्या ऐ, सैह़ तिन्हां तांई सिर्फ यीशु मसीह पर बसुआस करणे दे जरिये पूरा हुंदा ऐ।

इफिसियों 2:2

तिस बग्ते च तुहां इस संसारे दे लोकां पचांह़ चलदे थे, जेह्ड़े परमात्मे जो नीं जाणदे, कने तुहां सैताने पचांह़ चल्ले जेह्ड़ा अम्बरे च दुष्टआत्मां पर राज्ज करणे आल़ा प्रधान ऐ। जेह्ड़ा हुण भी परमात्मे दा हुक्म नीं मन्नणे आल़ेआं च कम्म करदा ऐ।

इफिसियों 4:22

अपणे पराणे पापी सभावे जो छड्डी देआ, कने अपणी पराणी ज़िन्दगी जीणे दे तरीके जो जेह्ड़ी सरीरे दियां इच्छां कने धोखेबाजिया नैं भरोईयो ऐ।

कुलुस्सियों 1:21

तुहां लोक अपणे बुरे कम्मां दिया बज़ाह ते पैहल्ले परमात्मे ते दूर थे, कने तुहां दे मनां च बैर था।

1 थिस्सलुनीकियों 4:13

हे प्यारे साथी बसुआसियो, अहां नीं चांह़दे हन, कि तुहां तिन्हां दे बारे च अणजाण रेह्आ। जेह्ड़े मसीह च इस संसारे जो छड्डी करी चली गियो हन, इआं ना होयैं, कि तुहां दूयेयां साइआं सोक करन जिन्हां जो उम्मीद नीं ऐ।

1 थिस्सलुनीकियों 5:6

इसतांई अहां दूयेयां बेबसुआसियां साइआं सोई नीं रैह़न, जागदे कने चौकन्ने रेह्आ।

1 तीमुथियुस 6:9

अपर जेह्ड़े लोक अमीर होणा चांह़दे हन, सैह़ ऐदई परीक्षा कने फंदे कने बड़ियां नकसान करणे आल़िआं इच्छां च जानवरां साइआं फंसदे हन, जेह्ड़ियां माणुआं जो बिगाड़ी कने पूरे तरीके नैं नास करी दिंदियां हन।

तीतुस 3:3

क्जोकि अहां भी पैहल्ले मूर्ख, कने परमात्मे दे हुक्म जो नीं मन्नणे आल़े, कने लोकां ते धोखा खाणे आल़े, कने बुरी इच्छां च, संसारिक चीज्जां दिया गुलामिया च पैयो थे, बैरभाव, जल़ण करणे च ज़िन्दगी जींदे थे, लोकां नैं नफरत करदे थे कने इक्की दूये नैं बैर रखदे थे।

1 पतरस 1:14

जिंआं बच्चे अपणे बुढ़े दियां गल्लां मनदे हन, तिंआं ई तुहां भी परमात्मे दे हुक्मां जो मन्ना, क्जोकि तुहां भी तिसदे बच्चे हन, तिन्हां बुरे कम्मां जो मत करा, जिन्हां जो तुहां परमात्मे दिया सच्चाईया जो जाणने ते पैहल्ले करणे दी इच्छा रखदे थे।

2 पतरस 2:14

सैह़ हर जणासा नैं जिसा जो दिक्खदे हन ब्यभिचार करणा चांह़दे हन, कने सैह़ पाप करणे तांई मौका तोपदे रैंह्दे हन। सैह़ तिन्हां लोकां जो धोखा दिंदे हन, जेह्ड़े बसुआसे च कमजोर हन कने सैह़ तिन्हां दी पाप करणे च अगुआई करदे हन। क्जोकि तिन्हां दियां बुरिआं इच्छां कने लालच जेह्ड़े लगातार बधदे जा दे हन, तिन्हां दिया बज़ाह ते ई परमात्मा तिन्हां जो सज़ा दिंगा।

2 पतरस 2:18

एह़ घमंडे नैं भरोईयां बेकार दियां गल्लां नैं तिन्हां लोकां जो लुचपण दे कम्मां दे जरिये सरीरे दियां इच्छां च फंसाई लैंदे हन, जेह्ड़े रस्ते ते भटकेयां लोकां ते बाल-बाल बची करी निकल़ी आएयो हन।

1 यूहन्ना 2:16

क्जोकि जेह्ड़ा कुच्छ संसारे च ऐ, मतलब सरीरे दियां इच्छां कने अखीं दियां इच्छां कने कमाईया दा घमंड, सैह़ पिता परमात्मे दे पास्से ते नीं अपर संसारे दे पास्से ते ऐ।

1 यूहन्ना 2:8

भिरी भी मैं तुहां जो नौआं हुक्म लिखदा ऐ, कने इसदी सच्चाई मसीह च भी कने तुहां च भी दुस्सदी ऐ, क्जोकि नेहरा खत्म हुंदा जांदा ऐ कने सच्चाईया दी लौ हुण चमकणा लग्गी ऐ।