इफिसियों 2:2 - काँगड़ी

² तिस बग्ते च तुहां इस संसारे दे लोकां पचांह़ चलदे थे, जेह्ड़े परमात्मे जो नीं जाणदे, कने तुहां सैताने पचांह़ चल्ले जेह्ड़ा अम्बरे च दुष्टआत्मां पर राज्ज करणे आल़ा प्रधान ऐ। जेह्ड़ा हुण भी परमात्मे दा हुक्म नीं मन्नणे आल़ेआं च कम्म करदा ऐ।

इफिसियों 2:2 Iomraidhean Croise

मत्ती 11:19

अपर जाह़लू मैं माणु दा पुत्तर खांदा पींदा आया, कने सैह़ ग्लांदे हन, दिक्खा, पेटू कने पियक्कड़ माणु, जेह्ड़ा चुंगी लैणे आल़ेआं दा कने पापियां दा साथी ऐ। अपर ज्ञान अपणे कम्मां दिया बज़ाह ते सच्चा ठैहराया गेआ ऐ।”

मत्ती 13:22

जेह्ड़ा बीई झुड़ां बसुन्टां च बाया, एह़ सैह़ माणु ऐ, जेह्ड़ा वचन तां सुणदा ऐ, अपर इस संसारे दी फिकर कने धन दौलता दा धोखा वचने जो दब्बी दिंदा ऐ, कने सैह़ फल़दा नीं।

मत्ती 13:38

खेत संसारे दे लोक हन, खरा बीई परमात्मे दे राज्जे दे लोक, कने जंगली बीई बुराई करणे आल़े लोक हन।

मरकुस 4:19

अपर संसार दी फिकर, कने धन दौलत कने दूईआं चीज्जां दा लालच वचने जो दबाई दिंदा ऐ। कने सैह़ आत्मिक फल़ पाणे च नाकामयाब होई जांदे हन।

लूका 16:8

“मालकैं तिस अधर्मी भण्डारिये जो साबासी दित्ती, कि तिन्हीं चलाकिया दा कम्म कित्ता ऐ। क्जोकि इस संसारे दे लोक अपणे बग्ते दे लोकां सौगी अपणे सभावे च जोतिया दे लोकां ते जादा चलाक हन।

लूका 22:31

“शमौन, हे शमौन। सुण, सैताने तुहां लोकां जो मंगी लेआ ऐ तांजे कणका साइआं फटके।

यूहन्ना 12:31

हुण इस संसारे दा न्याय हुंदा ऐ, हुण इस संसारे दा अधिकारी कड्डी दित्ता जांगा ऐ;

यूहन्ना 13:2

जाह़लू यीशु कने तिसदे चेले राती दा खाणा- खाणा बैठेयो थे, ताह़लू सैताने शमौने दे पुत्तरे यहूदा इस्करियोतिये दे मने च एह़ गल्ल पाई चुकेया था कि यीशुये जो पकड़ुआं,

यूहन्ना 13:27

यहूदैं जाह़लू रोटी दा टुकडा खादा तां यीशुयैं तिस नैं ग्लाया, “जेह्ड़ा तू करणे आल़ा ऐ, तौल़ी कर।” तिसी बग्त सैतान तिस च समाई गेआ।

यूहन्ना 14:30

मिन्जो अल्ल हुण तुहां नैं होर मतिआं गल्लां करणे दा बग्त नीं ऐ, क्जोकि इस संसारे दे लोकां पर राज्ज करणे आल़ा सैतान ओआ दा ऐ। मिन्जो पर तिसदा कोई हक्क नीं।

यूहन्ना 15:19

जे तुहां संसारे दे लोकां साइआं हुंदे, तां संसार अपणेयां लोकां नैं प्यार रखदा; अपर इसा बज़ाह ते कि तुहां संसारे दे नीं, मैं तुहां जो संसारे ते चुणी लेआ ऐ, इसतांई संसार दे लोक तुहां नैं बैर रखदा हन।

यूहन्ना 16:11

न्याय दे बारे च इसतांई कि क्जोकि इस संसारे दे लोकां पर राज्ज करणे आल़े सैताने जो दोसी ठैहराया गेआ ऐ।

यूहन्ना 7:7

संसार दे लोक तुहां नैं बैर नीं करी सकदे हन, अपर सैह़ मिन्जो नैं बैर करदे हन, क्जोकि मैं तिन्हां दे बारे च इसा गल्ला दी गवाही दिंदा कि तिन्हां दे कम्म बुरे हन।

यूहन्ना 8:23

यीशुयैं तिन्हां नैं ग्लाया, “तुहां इस संसारे च जन्म लेआ, अपर मैं सुअर्गे ते आया ऐ, तुहां संसारे दे हन, मैं संसार दा नीं ऐ।

यूहन्ना 8:44

तुहां अपणे बुढ़े सैताने ते हन, कने अपणे बुढ़े दी इच्छां जो पूरा करणा चांह़दे हन। सैह़ तां सुरू ते ई हत्यारा ऐ कने सच्च नीं ग्लांदा, क्जोकि सच्च तिस च ऐ ई नीं। कने जाह़लू सैह़ झूठ ग्लांदा ऐ, तां सभावे ते ई ग्लांदा ऐ, कने सैह़ झूठा ई नीं अपर झूठ दा भी बुढ़ा ऐ।

प्रेरितां दे कम्म 19:35

ताह़लू सैहरे दा मंत्री लोकां जो सांत करी नैं ग्लाणा लग्गा, “हे इफिसियां देयो लोको, सारे जाणदे हन कि इफिसी लोकां दा सैहर म्हान देवी अरतिमिस दा मंदर, कने अम्बरे दे थल्लै पियो मूर्तिया दा रखवाल़ा ऐ।

प्रेरितां दे कम्म 5:3

ताह़लू पतरसैं ग्लाया, “हे हनन्याह। सैताने तेरे मने च एह़ गल्ल क्जो पाई कि तू पवित्र आत्मा नैं झूठ ग्लां, कने जमीना दे पैसेयां च कुच्छ अप्पु तांई रखी लै?

रोमियो 12:2

कने इस संसारे दे लोकां साइआं मत बणा; अपर तुहां दे मनां दे पूरे बदली जाणे ते तुहां दा चाल-चलण भी बदलदा जां, जिसते तुहां परमात्मे दी खरी, कने मने जो भाणे आल़ी, कने सिद्ध इच्छा दा तजरबा करी नैं जाणदे रेह्आ।

1 कुरिन्थियों 5:10

एह़ नीं कि तुहां बिलकुल इस संसार दे ब्यभिचारियां या लालचियां, या धोखा दैणे आल़ेआं या मूर्तिपूजकां दी संगति मत करा; क्जोकि इसा हालता च तां तुहां जो संसारे ते जाणा ई पोंगा।

1 कुरिन्थियों 6:11

कने तुहां च कितणे ऐदेय ई थे, अपर तुहां दे पाप प्रभु यीशु मसीह दे नांऐ ते कने अहां दे परमात्मे दिया आत्मा दे जरिये धोणे दिया बज़ाह ते पवित्र कने धर्मी बणैं।

2 कुरिन्थियों 4:4

इस संसारे दे ईश्वर सैताने तिन्हां बेबसुआसियां दिया अक्ला जो भ्रष्ट करी दित्या ऐ, जिसा बज़ाह ते सैह़ मसीह दे सुसमाचारे कने तिसदिया चमका जो नीं समझी सकदे। क्जोकि मसीह परमात्मे दा स्वरूप ऐ।

गलातियों 1:4

यीशु मसीयैं अपणी ज़िन्दगी अहां दे पापां तांई देई दित्ती, तांजे अहां दे परमात्मे दी कने पिता दिया इच्छा मताबक अहां जो इस बग्ते दे बुरे संसारे ते छड्डां।

इफिसियों 1:21

तिसा जगाह च परमात्मे तिसियो सारियां हकुमता, हक्क, सामर्थ, प्रभुता, कने हर इक्की नांऐ ऊपर बड़ी ऊची पदवी दित्ती, जेह्ड़ी ना सिर्फ इस जुगे च, अपर हमेसा तिकर रैंह्गी,

इफिसियों 2:11

इसा बज़ाह ते याद करा कि तुहां बसुआसे ते होरनी जातिआं आल़े हन (यहूदी लोकां होरनी जातिआं आल़े लोकां नैं नफरत कित्ती, क्जोकि तिन्हां दा खतणा नीं होएया था )

इफिसियों 2:13

इक्क बग्त था जाह़लू तुहां परमात्मे ते बड़ी भरी दूर थे, अपर हुण परमात्मा तुहां जो यीशु मसीह दे खून बहाणे दे जरिये अपणे नेड़े लेई आया ऐ।

इफिसियों 2:3

इन्हां च अहां भी सारे दे सारे पैहल्ले अपणे सरीरे दी इच्छां च दिन बितांदे थे, कने सरीर कने मने दियां इच्छां पूरियां करदे थे, कने होरनी लोकां साइआं सभाव ते ई बुरे थे, कने परमात्मे दे गुस्से दे अधीन थे।

इफिसियों 4:17

इसतांई मैं एह़ ग्लांदा ऐ, कने प्रभु च इसा गल्ला पर जोर दिंदा ऐ, कि जिंआं होरनी जातिआं दे लोक अपणे मनां दियां बेकार गल्लां पर चलदे हन, तुहां अज्जे ते लेई करी भिरी इआं मत करा।

इफिसियों 4:22

अपणे पराणे पापी सभावे जो छड्डी देआ, कने अपणी पराणी ज़िन्दगी जीणे दे तरीके जो जेह्ड़ी सरीरे दियां इच्छां कने धोखेबाजिया नैं भरोईयो ऐ।

इफिसियों 5:6

कोई तुहां जो एह़ ग्लाई नैं धोखा नीं दैं, कि जेह्ड़े लोक ऐदेय पाप करदे हन, परमात्मा तिन्हां लोकां जो सज़ा नीं दिंगा।

इफिसियों 5:8

क्जोकि तुहां तिन्हां लोकां साइआं थे, जेह्ड़े नेहरे च रैंह्दे हन, अपर हुण प्रभु च जोतिया दे लोक हन, क्जोकि तुहां प्रभु दे लोक हन, इसतांई जोतिया दे लोकां साइआं ज़िन्दगी जीआ।

कुलुस्सियों 1:21

तुहां लोक अपणे बुरे कम्मां दिया बज़ाह ते पैहल्ले परमात्मे ते दूर थे, कने तुहां दे मनां च बैर था।

2 तीमुथियुस 4:10

क्जोकि देमासें इस संसारे दियां चीज्जां जो प्यारा समझी करी मिन्जो छड्डी दित्ता ऐ, कने थिस्सलुनीक सैहरे जो चली गेआ। कने क्रेसकेंस गलातिया प्रदेसे जो कने तीतुस दलमतिया प्रदेसे जो चली गेआ ऐ।

याकूब 1:27

अहां दे पिता परमात्मे दे सामणै सुद्ध कने सच्ची भक्ति एह़ ऐ कि अनाथां कने बिधवां दे दुखां च तिन्हां दा ख्याल रखन, कने अपणे आप्पे जो संसारे दे बुरे कम्मां ते बचाई करी रखन।

याकूब 1:7

ऐदेया माणु एह़ ना समझैं कि मिन्जो प्रभु ते कुच्छ मिलगा,

याकूब 4:4

हे बेबसुआसी लोको, तुहां नीं जाणदे कि संसारे नैं मित्र चारा रखणे ते परमात्मे नैं बैर रखणा ऐ? इसतांई जे कोई संसारे दा मित्र बणना चांह़दा ऐ, तां सैह़ अपणे आप्पे जो परमात्मे दा बैरी बणांदा ऐ।

1 पतरस 1:14

जिंआं बच्चे अपणे बुढ़े दियां गल्लां मनदे हन, तिंआं ई तुहां भी परमात्मे दे हुक्मां जो मन्ना, क्जोकि तुहां भी तिसदे बच्चे हन, तिन्हां बुरे कम्मां जो मत करा, जिन्हां जो तुहां परमात्मे दिया सच्चाईया जो जाणने ते पैहल्ले करणे दी इच्छा रखदे थे।

1 पतरस 4:3

क्जोकि पैहल्ले तुहां अपणा बग्त होरनी जातिआं दे लोकां सौगी बुरे कम्म करी नैं गुआई दित्ता, जिंआं कि लुचपण दियां बुरिआं इच्छां नशे च मतवाल़ा होणा, रंगरल़ियाँ, पियक्कड़पण, तिन्हां दी मूर्तिपूजा जिसते परमात्मा नफरत करदा ऐ।

2 पतरस 2:14

सैह़ हर जणासा नैं जिसा जो दिक्खदे हन ब्यभिचार करणा चांह़दे हन, कने सैह़ पाप करणे तांई मौका तोपदे रैंह्दे हन। सैह़ तिन्हां लोकां जो धोखा दिंदे हन, जेह्ड़े बसुआसे च कमजोर हन कने सैह़ तिन्हां दी पाप करणे च अगुआई करदे हन। क्जोकि तिन्हां दियां बुरिआं इच्छां कने लालच जेह्ड़े लगातार बधदे जा दे हन, तिन्हां दिया बज़ाह ते ई परमात्मा तिन्हां जो सज़ा दिंगा।

1 यूहन्ना 3:10

इसते परमात्मे दिया औलादी कने सैताने दिया औलादी दा पता चलदा ऐ; जेह्ड़ा कोई धार्मिकता दे कम्म करदा ऐ, कने अपणे भाऊये नैं प्यार रखदा, सैह़ परमात्मे दा बच्चा ऐ।

1 यूहन्ना 3:8

जेह्ड़ा कोई लगातार पाप करदा ऐ, सैह़ सैताने दे पास्से ते ऐ, क्जोकि सैतान सुरू ते ई लगातार पाप करदा आया ऐ। परमात्मे दा पुत्तर इसतांई आया ऐ, कि सैताने दे कम्मां दा नास करैं।

1 यूहन्ना 4:4

हे मेरे बच्चो, तुहां परमात्मे दे लोक हन, कने तुहां झूठे भविष्यवक्तां पर जय पाई ऐ; क्जोकि पवित्र आत्मा जेह्ड़ा तुहां च ऐ, सैह़ तिस सैताने ते जेह्ड़ा इस संसारे च राज करदा ऐ, म्हान ऐ।

1 यूहन्ना 5:19

अहां जाणदे हन, कि अहां परमात्मे दे बच्चे हन, कने सारा संसार तिस सैताने दे बसे च पेआ ऐ।

1 यूहन्ना 5:4

क्जोकि जेह्ड़ा कोई परमात्मे दा बच्चा ऐ, तिन्हीं संसारे पर जीत्त हासल कित्ती ऐ; कने सैह़ जीत्त जेह्ड़ी संसारे जो हराई दिंदी ऐ, सैह़ अहां दा बसुआस ऐ।

प्रकाशितवाक्य 12:9

ताह़लू सैह़ बड्डा अजगर, कने सैई पराणा सर्प जेह्ड़ा इबलीस कने सैतान ऐ कने सारे संसारे जो भरमाणे आल़ा ऐ, धरतिया पर सट्टी दित्ता, कने तिसदे दूत तिस सौगी सट्टी दित्ते,

प्रकाशितवाक्य 13:14

तिन्हां अनोखे कम्मां दिया बज़ाह ते, जिन्हां जो तिस पैहल्ले जंगली जानवरे सामणै दस्सणे दा हक्क तिसियो दित्या था, सैह़ संसारे दे लोकां जो इआं भरमांदा था कने तिन्हां जो ग्लांदा था कि जिस जंगली जानवरे पर तलवारा नैं हमला कित्या था, सैह़ जिन्दा होईया, तिसदी मूर्ति बणा।

प्रकाशितवाक्य 13:8

संसारे दे लोक तिस जंगली जानवरे दी पूजा करगे। सैह़ सारे लोक जिन्हां दे नां सृष्टिया दे सुरू होणे ते ई तिस मेम्ने दिया ज़िन्दगिया दिया कताबा च लिखे नीं गै, जिसदा बलिदान कित्या था।

प्रकाशितवाक्य 16:17

सतमें सुअर्गदूतैं अपणा कटोरा हौआ पर डोली दित्ता, कने मंदरे दे सिंहासणे ते एह़ उआज़ आई, “पूरा होई गेआ।”

प्रकाशितवाक्य 20:2

तिन्हीं तिस अजगरे, मतलब पराणे सर्पे जो, जेह्ड़ा सैतान ऐ, पकड़ी करी हज़ारां साल्लां तांई बन्नी दित्ता,