इफिसियों 2:1 - काँगड़ी

¹ अतीत च तुहां मरेयो थे, क्जोकि तुहां परमात्मे दे खलाफ बगाबत कने पाप कित्ता।

इफिसियों 2:1 Iomraidhean Croise

मत्ती 8:22

यीशुयैं तिस नैं ग्लाया, “तू मिन्जो पचांह़ चली पो, कने जेह्ड़े आत्मिक रूप ते मुड़दे हन, तिन्हां जो अपणे मुड़दे दब्बणा दे।”

लूका 15:24

क्जोकि मैं एह़ सोचेया था कि मेरा जागत मरी गेआ, मरेया नीं अपर गुआची गेआ था, जेह्ड़ा हुण मिल्ली गेआ ऐ।’ कने सैह़ सारे तिसदे मिलणे दी खुसी मनाणा लग्गे।

लूका 15:32

अपर अहां जो हुण खुसी मनाणा कने खुस होणा चाइदा क्जोकि मैं एह़ सोचेया था कि मेरा जागत मरी गेआ; मरेया नीं अपर गुआची गेआ था, जेह्ड़ा हुण मिल्ली गेआ ऐ।’ ”

यूहन्ना 10:10

चोर कुसी होर कम्मे तांई नीं अपर सिर्फ चोरी करणा, मारणा कने खत्म करणा ओंदा ऐ; मैं इसतांई आया कि सैह़ ज़िन्दगी पान, कने मती सारी पान।

यूहन्ना 14:6

यीशुयैं तिस नैं ग्लाया, “रस्ता कने सच्च कने सदा दी ज़िन्दगी दैणे आल़ा मैं ऐ; मिन्जो बगैर कोई भी पिता अल्ल नीं पुज्जी सकदा

यूहन्ना 5:21

जिंआं पिता परमात्मा मरेयां जो ठुआल़दा कने भिरी जिन्दा करदा ऐ, तिंआं ई पुत्तर भी तिन्हां जो चांह़दा ऐ जिन्हां जो जिन्दा करदा ऐ।

यूहन्ना 5:25

“मैं तिज्जो नैं सच्च-सच्च ग्लांदा ऐ, सैह़ बग्त ओआ दा ऐ, कने हुण भी ऐ, जिस च मरेयो माणु परमात्मे दे पुत्तरे दी उआज़ा सुणगे, कने जेह्ड़े सुणगे सैह़ जींगे।

रोमियो 8:2

क्जोकि पवित्र आत्मा तुहां जो सैह़ ज़िन्दगी दित्तियो ऐ, जेह्ड़ी यीशु मसीह दे जरिये मिलदी ऐ, कने तुहां जो पापां ते कने मौत्ती ते अजाद करदी ऐ।

1 कुरिन्थियों 15:45

जिंआं पवित्रशास्त्रे च लिख्या भी ऐ, कि “इसा धरतिया दा पैहल्ला माणु मतलब आदम जिन्दा माणु बणेया,” कने आखरी आदम मतलब मसीह, जेह्ड़ा सदा दी ज़िन्दगी दिंदा ऐ।

2 कुरिन्थियों 5:14

क्जोकि मसीह दा प्यार अहां जो मजबूर करी दिंदा ऐ। इसतांई कि अहां एह़ समझदे हन कि जाह़लू इक्क माणु सारे लोकां तांई मरेया, इसतांई सारे लोक भी मरी गियो।

इफिसियों 4:18

क्जोकि तिन्हां अंदर समझ नीं ऐ, कने तिसा नासमझा कने जिद्दा दिया बज़ाह ते सैह़ तिसा नौईआं ज़िन्दगिया दे हिस्सेदार नीं हन, जेह्ड़ी परमात्मा दिंदा ऐ;

इफिसियों 5:14

इसतांई इक्क काहवत ऐ, जेह्ड़ी एह़ दस्सदी ऐ, “हे सोणे आल़े, जाग! कने मुड़देयां ते जिन्दा होई जा; तां मसीह अपणिया जोतिया जो तिज्जो पर चमकांगा।”

कुलुस्सियों 2:13

तुहां जाह़लू अपणे अपराधां कने बगैर खतणे ते मतलब बपतिस्मे ते पैहल्ले तुहां दा खरा सभाव मरेया था, परमात्मे तुहां दे सारे अपराधां जो माफ करदे होये तुहां जो मसीह सौगी जिन्दा करी दित्या ऐ।

1 तीमुथियुस 5:6

अपर जेह्ड़ी बिधवा भोग बलासे तांई ज़िन्दगी जींदी ऐ, सैह़ मरेयो माणुये साइआं ऐ, हलांकि सैह़ बिधवा जिन्दा ऐ।

1 यूहन्ना 3:14

अहां जाणदे हन, कि अहां सदा दी मौत्ती दे बन्धनां ते छुटी करी अजाद होई नैं सदा दी ज़िन्दगिया च पुज्जे हन। क्जोकि अहां भाऊआं नैं प्यार रखदे हन, जेह्ड़ा प्यार नीं रखदा सैह़ सदा दी मौत्ती दे बन्धनां च रैंह्दा ऐ।

प्रकाशितवाक्य 3:1

भिरी तिन्हीं मिन्जो नैं एह़ भी ग्लाया, कि “सरदीस सैहरे दी कलीसिया दे सुअर्गदूते जो एह़ लिख: मैं सैई ऐ जिस अल्ल परमात्मे दियां सत आत्मां कने सत तारे हन, सैह़ एह़ ग्लांदा ऐ कि मैं तेरे कम्मां जो जाणदा ऐ, कि तू अप्पु जो मिन्जो पचांह़ चलणे आल़ा सच्चा बसुआसी तां दस्सदा ऐ, अपर असल च तू ऐ नीं।