इफिसियों 1:9 - काँगड़ी

⁹ क्जोकि तिन्हीं अपणिया इच्छा दा भेत अहां पर अपणे खरे मकसदे मताबक प्रगट कित्ता, जिसदी नीई तिन्हीं अप्पु ई मसीह च रखी।

इफिसियों 1:9 Iomraidhean Croise

मत्ती 13:11

तिन्हीं जवाब दित्ता, “तुहां जो सुअर्गे दे राज्जे दे भेतां दी समझ दित्तियो ऐ, अपर तिन्हां जो नीं।

लूका 12:32

“हे भेड्डां साइआं झुंड, मत डर; क्जोकि तुहां दे पिता परमात्मे तुहां जो राज्ज दैणे दी दया कित्ती ऐ।

लूका 2:14

“सुअर्गे च परमात्मे दी महिमा होयैं कने धरतिया च तिन्हां लोकां जो सांति मिल्ले जिन्हां ते सैह़ खुस ऐ।”

प्रेरितां दे कम्म 13:48

एह़ सुणी करी होर जातिआं खुस होईयां, कने परमात्मे दे वचन दी महिमा करणा लग्गे; कने जितणे भी सदा दी ज़िन्दगिया तांई ठैहराये गियो थे, तिन्हां बसुआस कित्ता।

प्रेरितां दे कम्म 2:23

तिसी यीशुये जो, जेह्ड़ा परमात्मे दी बणाई होई योजना कने पैहल्ले दे ज्ञानां मताबक पकड़ुवाया गेआ। तुहां अधर्मियां दे हत्थां नैं सूल़िया पर टुंगी करी मारी दित्ता।

प्रेरितां दे कम्म 4:28

कि जेह्ड़ा कुच्छ पैहल्ले ते तेरिया समर्था नैं कने इच्छा दे मताबक पक्का होई चुकेया था सैई होयैं।

रोमियो 11:25

हे प्यारे साथी बसुआसियो, कुत्थी इआं ना होयैं कि तुहां अप्पु जो अक्लमंद समझी लैन; इसतांई मैं तुहां लोकां पर एह़ भेत प्रगट करणा चांह़दा ऐ, कि इस्राएल देसे दा इक्क हिस्सा ताह़लू तिकर अणजाण बणी रैंह्गा, जाह़लू तिकर होरनी जातिआं दे सारे लोक पूरे तरीके नैं मसीह च नीं आई जान।

रोमियो 8:28

अहां जाणदे हन, कि जेह्ड़े लोक परमात्मे नैं प्यार रखदे हन, तिन्हां तांई सारियां गल्लां मिल्ली नैं भलाई ई पैदा करदियां हन, मतलब तिन्हां ई तांई जेह्ड़े तिसदिया इच्छा दे मताबक चुणेयो हन।

1 कुरिन्थियों 1:21

क्जोकि परमात्मे अपणे ज्ञाने मताबक एह़ दिख्या ऐ, कि एह़ संसार माणुये दे ज्ञाने दे जरिये तिसियो नीं जाणी सकदा, तिन्हीं अहां दे सुसमाचारे दे प्रचारे जो तिन्हां लोकां दे उद्धारे तांई इस्तेमाल कित्ता, जेह्ड़े बसुआस करदे हन, हलांकि कुच्छ इसियो मूर्खता दी गल्ल समझदे हन।

गलातियों 1:12

क्जोकि सैह़ मिन्जो लोकां दे पास्से ते नीं पुज्जया, कने ना मिन्जो सखाया, अपर यीशु मसीह दे तेजे ते मिल्लेया।

गलातियों 1:15

अपर परमात्मे दी जाह़लू इच्छा होई कि मिन्जो च अपणे पुत्तरे जो प्रगट करैं, तिसा इच्छा जो पूरा करणे तांई तिन्हीं मिन्जो मेरे पैदा होणे ते पैहल्ले ई चुणी लेआ, कने अनुग्रह दे जरिये अपणे कम्मां तांई सद्दी लेआ। तांजे मैं होरनी जातिआं च तिसदा सुसमाचार सणा। इन्हां कम्मां दे बारे च मैं कुसी भी माणुये ते सलाह नीं लेई।

इफिसियों 1:11

इसते अलावा क्जोकि अहां मसीह सौगी इक्क हन, अहां जो परमात्मे दे पास्से ते विरासत मिलियो ऐ। क्जोकि तिन्हीं अहां जो पैहल्ले ते चुणी लेआ ऐ, कने तिसदिया मर्जिया मताबक ई सारियां चीज्जां कम्म करदियां हन।

इफिसियों 1:8

जिसियो तिन्हीं सारिया समझा कने ज्ञाने सौगी अहां पर मता सारा कित्ता।

इफिसियों 3:11

परमात्मे इसदी योजना सृष्टिया जो बणाणे ते पैहल्ले कित्तियो थी, जिसा जो तिन्हीं प्रभु यीशु मसीह दे जरिये पूरा कित्ता।

1 तीमुथियुस 3:16

कने इस च कोई शक नीं ऐ, कि अहां दे बसुआसे च बड़ा गैहरा भेत ऐ: मसीह जेह्ड़ा माणु बणी करी आया, कने पवित्र आत्मा दस्सेया कि सैह़ सच्च बिच्च परमात्मे दा पुत्तर था, सुअर्गदूतां तिसियो दिख्या, सारे संसारे दे लोकां च तिसदे बारे च प्रचार होएया, संसारे दे लोकां तिस पर बसुआस कित्ता, कने परमात्मे तिसियो सुअर्गे च लेई गेआ।

2 तीमुथियुस 1:9

जिन्हीं अहां दा उद्धार कित्ता कने पवित्र ज़िन्दगी जीणे तांई अहां जो सद्देया। अहां दे खरेया कम्मां दिया बज़ाह ते तिन्हीं अहां जो नीं सद्देया, अपर अपणे मकसदे कने तिस अनुग्रह मताबक सद्देया ऐ, जिसदी योजना परमात्मे पैहल्ले ते ई यीशु मसीह जो इस संसारे च घल्लणे दे जरिये बणाईयो थी,