इफिसियों 1:8 - काँगड़ी

⁸ जिसियो तिन्हीं सारिया समझा कने ज्ञाने सौगी अहां पर मता सारा कित्ता।

इफिसियों 1:8 Iomraidhean Croise

मत्ती 11:19

अपर जाह़लू मैं माणु दा पुत्तर खांदा पींदा आया, कने सैह़ ग्लांदे हन, दिक्खा, पेटू कने पियक्कड़ माणु, जेह्ड़ा चुंगी लैणे आल़ेआं दा कने पापियां दा साथी ऐ। अपर ज्ञान अपणे कम्मां दिया बज़ाह ते सच्चा ठैहराया गेआ ऐ।”

रोमियो 11:33

आहा! परमात्मे दा अनुग्रह कने बुद्धि कने ज्ञान सच्ची च बड़े म्हान हन। कोई तिसदे बचारां जो दस्सी नीं सकदा; कने तिसदे रस्तेयां जो समझी सकदा ऐ।

रोमियो 5:15

अपर माणुये दे पाप कने परमात्मे दे अनुग्रह च बड़ा फर्क ऐ, क्जोकि जाह़लू इक्की माणुये दे पाप करणे दिया बज़ाह ते बड़े लोक मरे, तिंआं ई परमात्मे दे अनुग्रह कने धार्मिकता दा वरदान जेह्ड़ा तिन्हीं अहां जो यीशु मसीह दे जरिये दित्या ऐ, मते सारे लोकां दे पाप माफ करणे तांई बड़ा बड्डा वरदान ऐ।

1 कुरिन्थियों 2:7

अपर अहां परमात्मे दे गुप्त ज्ञान कने तिस भेते दे बारे च ग्लांदे हन, जिसियो परमात्मैं अहां दी महिमा तांई इस संसारे दे सुरू होणे ते बड़ी पैहल्ले तय कित्या था।

इफिसियों 1:11

इसते अलावा क्जोकि अहां मसीह सौगी इक्क हन, अहां जो परमात्मे दे पास्से ते विरासत मिलियो ऐ। क्जोकि तिन्हीं अहां जो पैहल्ले ते चुणी लेआ ऐ, कने तिसदिया मर्जिया मताबक ई सारियां चीज्जां कम्म करदियां हन।

इफिसियों 1:7

मसीयैं अहां दे छुटकारे तांई अपणा खून बहाई नैं अपणी ज़िन्दगी बलिदान करी दित्ती, जिसदा मतलब एह़ ऐ, कि हुण अहां दे पाप ते माफ होई गियो हन। कने परमात्मे दा अनुग्रह कितणा म्हान ऐ, जेह्ड़ा तिन्हीं अहां जो बड़ा भरी दित्या ऐ।

इफिसियों 1:9

क्जोकि तिन्हीं अपणिया इच्छा दा भेत अहां पर अपणे खरे मकसदे मताबक प्रगट कित्ता, जिसदी नीई तिन्हीं अप्पु ई मसीह च रखी।

इफिसियों 3:10

तांजे हुण कलीसिया दे जरिये परमात्मे दा पूरा ज्ञान तिन्हां प्रधानां कने अधिकारियां पर जेह्ड़े आत्मिक जगांह च हन, तिन्हां पर प्रगट कित्ता जां।

कुलुस्सियों 2:3

जिस च अक्ला दे कने ज्ञाने दे सारे खजाने छुपेयो हन।

यहूदा 1:25

सिर्फ सैई इक्क परमात्मा ऐ, जिन्हीं अहां जो प्रभु यीशु मसीह दे जरिये बचाया। अहां दे प्रभु यीशु मसीह दे जरिये लोक परमात्मे जो आदर दैन, कने तिसदी स्तुति करन। सैह़ इसा गल्ला जो भी समझन, कि सुरू ते ई परमात्मे अल्ल सामर्थ कने अधिकार था, कने ऐ, कने हमेसा रैंह्गा। आमीन।

प्रकाशितवाक्य 5:12

कने सैह़ जोरे-जोरे नैं एह़ ग्लांदे थे, “धन ऐ सैह़ मेम्ना जिसदा बलिदान कित्ता गेआ। क्जोकि तिसदिया सामर्थी, ताकत आदर, कने महिमा दिया बज़ाह ते अहां जो तिसदी स्तुति कने धन्यावाद करणा चाइदा।”