इफिसियों 1:7 - काँगड़ी

⁷ मसीयैं अहां दे छुटकारे तांई अपणा खून बहाई नैं अपणी ज़िन्दगी बलिदान करी दित्ती, जिसदा मतलब एह़ ऐ, कि हुण अहां दे पाप ते माफ होई गियो हन। कने परमात्मे दा अनुग्रह कितणा म्हान ऐ, जेह्ड़ा तिन्हीं अहां जो बड़ा भरी दित्या ऐ।

इफिसियों 1:7 Iomraidhean Croise

मत्ती 20:28

जिंआं कि मैं माणुये दा पुत्तर इसतांई नीं आया कि अपणी सेवा करवां, अपर इसतांई आया कि अप्पु सेवा करैं, कने मतेआं जो छड्डाणे तांई अपणे प्राण दैं।”

मत्ती 26:28

क्जोकि एह़ वादे दा मेरा सैह़ खून ऐ, जेह्ड़ा मतेआं दे पापां दी माफी तांई बहाया जांदा ऐ।

मत्ती 6:12

कने जिंआं अहां अपणे अपराधियां जो माफ कित्या ऐ, तिंआं ई तूमी अहां दे अपराधां जो माफ कर।

मरकुस 14:24

कने ताह़लू यीशुयैं तिन्हां जो ग्लाया, “इस कटोरे च अंगूरा दा रस तिस वादे दा मेरा सैह़ खून ऐ, जेह्ड़ा मतेआं देयां पापां तांई बहाया जांदा ऐ।

लूका 1:77

क्जोकि तिसदे लोकां जो उद्धार पाणे दा ज्ञान दिंगा, जेह्ड़ा कि तिसदे पापां दी माफी ते हासल हुंदा ऐ।

लूका 24:47

कने यरूशलेम सैहरे ते लेई नैं सारी जातिआं दे लोकां च मन बदलणे दा कने पापां दी माफी दा प्रचार, मसीह दे नांऐ ते कित्ता जांगा।

यूहन्ना 20:23

जिन्हां लोकां दे पाप तुहां माफ करगे, तिन्हां दे माफ हुंगे; जिन्हां दे पाप तुहां माफ नीं करगे, तिन्हां दे माफ नीं हुंगे।”

प्रेरितां दे कम्म 10:43

तिसदी सारे भविष्यवक्ता गवाही दिंदे हन कि जेह्ड़ा कोई तिस पर बसुआस करगा, तिसियो तिस नांऐ दे जरिये पापां दी माफी मिलगी।”

प्रेरितां दे कम्म 2:38

पतरस तिन्हां नैं ग्लाणा लग्गा, “मने बदला, कने तुहां च हर इक्क अपणे-अपणे पापां दी माफी तांई यीशु मसीह दे नांऐ ते बपतिस्मा लैंगे; तां तुहां पवित्र आत्मा दा दान पांगे।

प्रेरितां दे कम्म 20:28

इसतांई अपणी कने अपणे पूरे झुंडे दी चौकसी रखा जिस च पवित्र आत्मा तुहां जो अधिकारी बणाया ऐ, कि तुहां परमात्मे दिया कलीसिया दी रखवाल़ी करन, जिसियो तिन्हीं अपणे खूने नैं खरीदी लेआ ऐ।

प्रेरितां दे कम्म 3:19

इसतांई, मने बदला कने बापस परमात्मे अल्ल आई जा कि तुहां दे पाप माफ होई जान, जिसते प्रभु दे सामणै तुहां तांई सांति दे दिन ओन,

रोमियो 2:4

क्या तू परमात्मे दी भलाई, कने सबर, कने दया जो तुच्छ जाणदा ऐ? क्या एह़ नीं समझदा कि परमात्मे दी भलाई तिज्जो पापां ते मन बदलणे दे बारे च सखांदी ऐ?

रोमियो 3:24

अपर परमात्मे दे अनुग्रह ते तिस छुटकारे दे जरिये जेह्ड़ा यीशु मसीह च ऐ, मुफ्ते च धर्मी बणाये जांदे हन।

रोमियो 3:25

परमात्मैं यीशु मसीह जो अहां दी खातर बलिदान होणे तांई घल्लेया, कने मसीयैं अपणा बलिदान इसतांई दित्ता। तांजे तिस पर बसुआस करी नैं अहां परमात्मे दे नेड़े आई सकन। बड़ी पैहल्ले परमात्मैं एह़ दस्सणे तांई कित्ता कि सैह़ सबर रखणे च कने पापियां जो माफ करणे च सही था। इसते एह़ भी पता चलदा ऐ कि परमात्मा सही ऐ, जाह़लू सैह़ मसीह पर बसुआस करणे आल़ेआं जो अपनांदा ऐ।

रोमियो 9:23

तिन्हीं ऐदेया इसतांई कित्ता कि दया दे तिन्हां भाडेयां पर अपणी महिमा दी सान प्रगट करणा चांह़दा था, जिन्हां जो तिन्हीं पैहल्ले ते ई तिसा महिमा तांई त्यार कित्या था।

1 कुरिन्थियों 1:30

अपर परमात्मे दे पास्से ते तुहां यीशु मसीह च हन, जेह्ड़े परमात्मे दे पास्से ते अहां तांई ज्ञान, मतलब धार्मिकता, पवित्रता कने छुटकारा दैणे आल़ा बणेया;

2 कुरिन्थियों 8:9

तुहां अहां दे प्रभु यीशु मसीह दा अनुग्रह जाणदे हन, कि सैह़ अमीर होई नैं भी तुहां तांई कंगाल बणी गेआ, तांजे तिसदे कंगाल होई जाणे ते तुहां अमीर होई जान।

इफिसियों 1:14

जेह्ड़ा इक्क बयाना ऐ, कने सैह़ जमानत दिंदा ऐ कि परमात्मा अहां जो सैह़ विरासत दिंगा, जिसा जो दैणे दा तिन्हीं अहां नैं वादा कित्या ऐ, कने तिन्हीं अहां जो अपणे लोक होणे तांई खरीदी लेआ, कि तिसदी महिमा तांई स्तुति दी बज़ाह होन।

इफिसियों 1:18

मैं प्रार्थना करदा ऐ, कि परमात्मा तुहां दे मनां जो खोलें, तांजे तुहां तिसदी सदणे दिया आसा जो समझी सकन। जिसते तुहां जाणगे, कि सैह़ आसीषां कितणियां म्हान कने महिमा आल़िआं हन, जिन्हां दा परमात्मे अपणे लोकां सौगी वादा कित्या ऐ,

इफिसियों 1:6

तांजे अहां तिसदे अनुग्रह तांई जेह्ड़ा तिन्हीं अहां जो मुफ्ते च देई दित्या ऐ, कने जेह्ड़ा बड़ा भरी ऐ कने तिसदी महिमा तांई स्तुति दी बज़ाह होन। क्जोकि अहां तिसदे पुत्तरे सौगी जिस नैं सैह़ प्यार करदा इक्क होई गियो हन।

इफिसियों 1:8

जिसियो तिन्हीं सारिया समझा कने ज्ञाने सौगी अहां पर मता सारा कित्ता।

इफिसियों 2:4

अपर परमात्मा जेह्ड़ा दया दा धनी ऐ, अपणे तिस बड्डे प्यारे दिया बज़ाह ते जिसते तिन्हीं अहां नैं प्यार कित्ता,

इफिसियों 2:7

कि सैह़ अपणिया तिसा दया नैं जेह्ड़ी यीशु मसीह च अहां पर ऐ, ओणे आल़े बग्ते च इस संसारे दे लोकां जो दस्सी सकैं कि तिसदा अनुग्रह कितणा म्हान ऐ।

इफिसियों 3:16

मैं प्रार्थना करदा ऐ, कि सैह़ अपणिया महिमा दे तिन्हां खजानेयां ते तुहां जो एह़ दान दैं जिसदी कोई सीमा नीं ऐ। तिसदी आत्मा तुहां जो सामर्थ दैं कने तुहां दा अंदरूनी माणु ताकतवर हुंदा जा।

इफिसियों 3:8

मिन्जो पर जेह्ड़ा सारे परमात्मे दे लोकां च लोक्के ते भी लोक्का ऐ, परमात्मे दा एह़ अनुग्रह मिन्जो पर होएया, मैं होरनी जातिआं जो सैह़ सुसमाचार सणा, कि यीशु मसीह ऐदिआं आसीषां दा जरिया ऐ, जिन्हां दी कोई सीमा नीं ऐ,

फिलिप्पियों 4:19

मेरा परमात्मा भी अपणी तिसा धन-दौलता मताबक जेह्ड़ी महिमा सौगी यीशु मसीह च ऐ, तुहां दी हर इक्क जरूरता जो पूरी करगा।

कुलुस्सियों 1:14

अपणे पुत्तरे दे बलिदाने दे जरिये अहां जो छड्डांदा ऐ, मतलब पापां ते माफी दिंदा ऐ।

कुलुस्सियों 1:27

परमात्मैं एह़ फैसला लेआ कि तिसदे लोक इस सानदार कने महिमा आल़े रहस्य जो जाणी सकन, जेह्ड़ा सारे लोकां तांई तिस अल्ल ऐ। एह़ रहस्य मसीह अप्पु ई ऐ जेह्ड़ा तुहां च रैंह्दा ऐ, सिर्फ सैई महिमा तांई अहां दी उम्मीद ऐ।

कुलुस्सियों 2:13

तुहां जाह़लू अपणे अपराधां कने बगैर खतणे ते मतलब बपतिस्मे ते पैहल्ले तुहां दा खरा सभाव मरेया था, परमात्मे तुहां दे सारे अपराधां जो माफ करदे होये तुहां जो मसीह सौगी जिन्दा करी दित्या ऐ।

कुलुस्सियों 2:2

मैं इसतांई मेहनत कित्ती, तांजे तिन्हां दा बसुआस मजबूत होई जां, कने सैह़ प्यारे नैं अप्पु च मिल्ली नैं रैह़न, मैं चांह़दा ऐ, सैह़ पूरा भरोसा रखन, क्जोकि तिन्हां अल्ल परमात्मे दे गुप्त रहस्य दी पूरी समझ ऐ, जेह्ड़ा यीशु मसीह अप्पु ऐ।

1 तीमुथियुस 2:6

सारे लोकां जो सैतान कने पापे दे बसे ते छड्डाणे तांई मसीयैं अप्पु जो बलिदान करी दित्ता कने तिसदा बलिदान ठीक बग्ते पर इसा गल्ला दा सबूत था कि परमात्मा सारे लोकां जो छुटकारा दैणा चांह़दा था।

तीतुस 2:14

जेह्ड़ा अप्पु अहां तांई सूल़िया पर चढ़ी गिया, कि अहां जो हर किस्मा दिया बुराईया ते छड्डाई लैं, कने पापां ते सुद्ध करी नैं अप्पु तांई इक्क ऐदई प्रजा बणां जेह्ड़ी खरे कम्मां तांई पूरे जोशे नैं हमेसा त्यार रैंह्।

तीतुस 3:6

परमात्मे अहां जो पवित्र आत्मा मुफ्ते च दित्ता ऐ, तांजे सैह़ अहां च सामर्थी आल़े कम्म करैं। क्जोकि प्रभु यीशु मसीह अहां दा उद्धारकर्ता बणने तांई अहां दे पापां तांई मरेया।

इब्रानियों 9:22

सच्च तां एह़ ऐ, कि व्यबस्था मताबक सारियां चीज्जां खूने दे जरिये सुद्ध कित्ती जांदियां हन, कने बगैर खून बहाये पापां दी माफी नीं हुंदी।

1 पतरस 2:24

मसीयैं सूल़िया पर अप्पु ई अपणे सरीरे च अहां दे पाप लेई लै, तांजे अहां पापां तांई मरी नैं धार्मिकता तांई ज़िन्दगी जीन, कने तिसदे ई जख्मां दे जरिये अहां खरे होये।

1 पतरस 3:18

मैं एह़ ग्लांदा ऐ, कि यीशु मसीयैं भी अहां दे पापां तांई दुख झेलेया कने मारा गेआ, सैह़ सिर्फ इक्क बरी ई मरेया, कने एह़ दुवारी भिरी करणे दी जरूरत नीं ऐ। सैह़ धर्मी माणु था जेह्ड़ा पापी लोकां तांई मरेया, तांजे तिन्हां जो परमात्मे नेड़े लेई औयें तिन्हां तिसदे सरीरे जो मारेया अपर सैह़ पवित्र आत्मा दिया सामर्थी दे जरिये दुवारी भिरी जिन्दा होई गेआ।

1 यूहन्ना 2:12

हे प्यारे बच्चो, मैं तुहां जो इसतांई लिखदा ऐ, कि यीशु मसीह दे नांऐ ते तुहां दे पाप माफ होएयो हन।

1 यूहन्ना 2:2

कने तिन्हीं ई अहां दे पापां दी माफी तांई बलिदान दित्या ऐ, कने सिर्फ अहां तांई नीं अपर सारे संसारे दे लोकां दे पापां तांई भी।

1 यूहन्ना 4:10

प्यार इस च नीं कि अहां परमात्मे नैं प्यार करदे हन, अपर इस च ऐ कि तिन्हीं अहां नैं प्यार कित्ता कने अहां दे पापां दी माफी तांई अपणे पुत्तरे जो घल्लेया।

प्रकाशितवाक्य 14:4

एह़ सैह़ लोक हन जिन्हां जणासां सौगी गंदे कम्म नीं कित्ते, अपर कुआरे हन; एह़ सैई लोक हन कि जित्थु कुत्थी मेम्ना जांदा ऐ, सैह़ तिसदे पचांह़ चली पोंदे हन; एह़ तां परमात्मे कने मेम्ने सामणै पैहल्ले फल़ होणे तांई माणुआं ते खरीदेयो हन।

प्रकाशितवाक्य 5:9

सैह़ एह़ नौआं गीत गा थे, “इसा कताब जो लैणे दा, कने इसा दियां सील्लां खोलणे दा हक्क तिज्जो अल्ल ऐ, क्जोकि तू इक्क मेम्ने साइआं बलिदान होई करी अपणे खूने नैं हर इक्क गोत्र, भासा, देस कने जातिया ते परमात्मे तांई लोकां जो खरीदी लेआ ऐ;