इफिसियों 1:6 - काँगड़ी

⁶ तांजे अहां तिसदे अनुग्रह तांई जेह्ड़ा तिन्हीं अहां जो मुफ्ते च देई दित्या ऐ, कने जेह्ड़ा बड़ा भरी ऐ कने तिसदी महिमा तांई स्तुति दी बज़ाह होन। क्जोकि अहां तिसदे पुत्तरे सौगी जिस नैं सैह़ प्यार करदा इक्क होई गियो हन।

इफिसियों 1:6 Iomraidhean Croise

मत्ती 17:5

सैह़ ग्ला दा ई था कि इक्क चिट्टे बदल़ैं तिन्हां जो ढक्की लेआ, कने तिस बदल़े च एह़ उआज़ आई; “एह़ मेरा प्यारा पुत्तर ऐ, जिसते मैं बड़ा भरी खुस ऐ, इसदी सुणा।”

मत्ती 20:9

जाह़लू सैह़ आये जिन्हां पूरे दिने च इक्क घंटा लगाया था, तिन्हां जो इक्क-इक्क दीनार मिल्ला।

मत्ती 3:17

कने दिक्खा, सुअर्गे ते परमात्मैं एह़ ग्लाया, “एह़ मेरा प्यारा पुत्तर ऐ, जिस नैं मैं प्यार रखदा ऐ, कने जिसते मैं बड़ा भरी खुस ऐ।”

लूका 2:14

“सुअर्गे च परमात्मे दी महिमा होयैं कने धरतिया च तिन्हां लोकां जो सांति मिल्ले जिन्हां ते सैह़ खुस ऐ।”

यूहन्ना 10:17

पिता मिन्जो नैं प्यार रखदा ऐ, क्जोकि मैं अपणे प्राण दिंदा ऐ, तांजे मैं भिरी दुवारी जीयें।

यूहन्ना 3:35

पिता परमात्मा पुत्तरे नैं बड़ा प्यार रखदा ऐ, कने तिन्हीं सारियां चीज्जां तिसदे हक्के च करी दित्तियां।

रोमियो 8:1

इसतांई हुण जेह्ड़ा यीशु मसीह च ऐ, तिन्हां पर सज़ा दा हुक्म नीं। क्जोकि सैह़ सरीरे मताबक नीं अपर पवित्र आत्मा मताबक चलदे हन।

2 कुरिन्थियों 4:15

क्जोकि सारे दुख जेह्ड़े अहां झेले तुहां तांई हन, तांजे परमात्मे दे अनुग्रह दे जरिये जादा ते जादा लोक मसीह च ओन, कने परमात्मे दी महिमा तांई धन्यावाद कने स्तुति करन।

2 कुरिन्थियों 5:21

मसीह जेह्ड़ा पापे ते अणजाण था, परमात्मे अहां तांई तिस नैं पापिये साइआं बर्ताब कित्ता, कि अहां तिस च होई नैं परमात्मे दे धर्मी माणु बणी जान।

इफिसियों 1:12

अहां यहूदी लोकां जिन्हां सबते पैहल्लैं मसीह च आस रखी, कने चुणे गै, तांजे अहां परमात्मे दी महिमा तांई स्तुति दी बज़ाह होन।

इफिसियों 1:14

जेह्ड़ा इक्क बयाना ऐ, कने सैह़ जमानत दिंदा ऐ कि परमात्मा अहां जो सैह़ विरासत दिंगा, जिसा जो दैणे दा तिन्हीं अहां नैं वादा कित्या ऐ, कने तिन्हीं अहां जो अपणे लोक होणे तांई खरीदी लेआ, कि तिसदी महिमा तांई स्तुति दी बज़ाह होन।

इफिसियों 1:18

मैं प्रार्थना करदा ऐ, कि परमात्मा तुहां दे मनां जो खोलें, तांजे तुहां तिसदी सदणे दिया आसा जो समझी सकन। जिसते तुहां जाणगे, कि सैह़ आसीषां कितणियां म्हान कने महिमा आल़िआं हन, जिन्हां दा परमात्मे अपणे लोकां सौगी वादा कित्या ऐ,

इफिसियों 2:7

कि सैह़ अपणिया तिसा दया नैं जेह्ड़ी यीशु मसीह च अहां पर ऐ, ओणे आल़े बग्ते च इस संसारे दे लोकां जो दस्सी सकैं कि तिसदा अनुग्रह कितणा म्हान ऐ।

फिलिप्पियों 1:11

यीशु मसीह दे जरिये पैदा होणे आल़े धार्मिकता दे कम्मां नैं अपणे आप्पे जो भरी लेआ, जिसते परमात्मे दी महिमा कने स्तुति हुंदी रैंह्।

फिलिप्पियों 3:9

तांजे मैं तिस सौगी एकता च जी सकैं; ना कि अपणी तिसा धार्मिकता दे सौगी, जेह्ड़ी मूसा दिया व्यबस्था ते ऐ, अपर तिसा धार्मिकता दे सौगी जेह्ड़ा मसीह पर बसुआस करणे दिया बज़ाह ते ऐ, कने परमात्मे दे पास्से ते बसुआस करणे पर मिन्जो मिलदी ऐ,

फिलिप्पियों 4:19

मेरा परमात्मा भी अपणी तिसा धन-दौलता मताबक जेह्ड़ी महिमा सौगी यीशु मसीह च ऐ, तुहां दी हर इक्क जरूरता जो पूरी करगा।

कुलुस्सियों 1:13

क्जोकि परमात्मे अहां जो सैताने दे बसे ते छड्डाई करी अपणे प्यारे पुत्तरे दे राज्जे च लेई अंदा ऐ।

1 पतरस 2:5

तुहां भी जिन्दे पत्थरां साइआं हन, जिन्हां दा आत्मिक घर बणाणे तांई इस्तेमाल होआ दा ऐ। तुहां पवित्र याजकां दा समाज भी हन, कने प्रभु यीशु मसीह दिया मदता नैं ऐदेय बलिदान चढ़ांगे, जेह्ड़े परमात्मे जो खुस करदे हन।

1 पतरस 2:9

अपर तुहां इन्हां साइआं नीं हन, क्जोकि तुहां इक्क चुणेया वंश, साही परवार, याजकां दा समाज, पवित्र लोक, कने परमात्मे दे खास लोक हन, क्जोकि तिन्हीं तुहां जो नेहरे ते सद्दी करी जोतिया च लंदेया ऐ, तांजे तुहां परमात्मे दे म्हान कम्मां जो दस्सी सकन।

1 पतरस 4:11

जे तुहां अल्ल प्रचार करणे दा वरदान ऐ, तां तुहां जो परमात्मे दे वचने दा प्रचार करणा चाइदा; जे तुहां अल्ल दूयेयां लोकां दी सेवा करणे दा वरदान ऐ, तां तिसा ताकता नैं करा जेह्ड़ी परमात्मा तुहां जो दिंदा ऐ। तां हर कुच्छ जेह्ड़ा तुहां करदे हन, तिसते यीशु मसीह दे जरिये परमात्मे दी महिमा हुंगी। सारी महिमा कने सामर्थ जुगा-जुग तिकर तिसदी ऐ। आमीन।