इफिसियों 1:5 - काँगड़ी

⁵ क्जोकि परमात्मे अहां नैं प्यार कित्ता, कने एह़ फैसला कित्ता, कि सैह़ अहां जो यीशु मसीह दे जरिये अपणे बच्चेयां साइआं गोद लैं।

इफिसियों 1:5 Iomraidhean Croise

मत्ती 1:25

कने जाह़लू तिकर मरियमा जागते जो जन्म नीं दित्ता ताह़लू तिकर यूसुफैं तिसा सौगी लाड़ा-लाड़ी आल़ा रिस्ता नीं रखेया, कने जाह़लू जागत पैदा होएया, तां तिन्हीं तिसदा नां यीशु रखेया।

मत्ती 11:26

हाँ, हे पिता, क्जोकि तुहां जो ऐई खरा लग्गा।

लूका 10:21

तिसा घड़िया सैह़ पवित्र आत्मा च होई नैं खुसिया कने भरोई गेआ, कने ग्लाणा लग्गा, “हे पिता, सुअर्ग कने धरतिया दे प्रभु, मैं तेरा धन्यावाद करदा ऐ, कि तैं इन्हां गल्लां जो अक्लमंद कने समझदार माणुआं ते छुपाई नैं रखेया, कने जागतां पर प्रगट कित्ता। हाँ, हे पिता, क्जोकि तुहां जो ऐई खरा लग्गा।

लूका 11:32

नीनवे दे माणु न्याय दे दिने इस बग्ते दे लोकां सौगी खड़ोई नैं, तिन्हां जो दोसी ठैहरांगे; क्जोकि तिन्हां योना दा प्रचार सुणी नैं मन बदलेया कने दिक्खा, ऐत्थु सैह़ ऐ जेह्ड़ा योने ते भी बड्डा ऐ।

लूका 12:32

“हे भेड्डां साइआं झुंड, मत डर; क्जोकि तुहां दे पिता परमात्मे तुहां जो राज्ज दैणे दी दया कित्ती ऐ।

यूहन्ना 1:12

अपर जितणेयां तिसियो अपनाया, तिन्हीं तिन्हां जो परमात्मे दी औलाद होणे दा हक्क दित्ता, मतलब तिन्हां जो जेह्ड़े तिसदे नांऐ पर बसुआस रखदे हन।

यूहन्ना 11:52

कने ना सिर्फ इस्राएली लोकां तांई, अपर इसतांई भी कि परमात्मे दे तितर-बितर होएयां बच्चेयां जो इक्क करी दैं।

यूहन्ना 20:17

यीशुयैं तिसा नैं ग्लाया, “मिन्जो मत छु, क्जोकि मैं अह्ल्ली तिकर पिता अल्ल ऊपर नीं गेआ, अपर मेरे भाऊआं अल्ल जाई नैं तिन्हां नैं ग्लाई दे, कि मैं अपणे पिता कने तुहां दे पिता, कने अपणे परमात्मे कने तुहां दे परमात्मे अल्ल ई ऊपरेयो चलेया ऐ।

प्रेरितां दे कम्म 13:48

एह़ सुणी करी होर जातिआं खुस होईयां, कने परमात्मे दे वचन दी महिमा करणा लग्गे; कने जितणे भी सदा दी ज़िन्दगिया तांई ठैहराये गियो थे, तिन्हां बसुआस कित्ता।

रोमियो 8:23

कने सिर्फ सृष्टि नीं अपर अहां भी जिन्हां अल्ल पवित्र आत्मा दा पैहल्ला फल़ ऐ, अप्पु ई अपणे अंदर ई अंदर किलदे हन; अपर हुण अहां इन्तजार करदे हन, कि परमात्मा अहां जो अपणे बच्चे बणाई लैं, मतलब अहां दे सरीरे जो बुरे कम्मां ते छुटकारा देई दैं।

1 कुरिन्थियों 1:1

एह़ चिठ्ठी पौलुस कने अहां दे भाऊ सोस्थिनेसे दे पास्से ते ऐ। मैं पौलुस जेह्ड़ा परमात्मे दी इच्छा ते यीशु मसीह दा प्रेरित होणे तांई सद्देया ऐ।

1 कुरिन्थियों 1:21

क्जोकि परमात्मे अपणे ज्ञाने मताबक एह़ दिख्या ऐ, कि एह़ संसार माणुये दे ज्ञाने दे जरिये तिसियो नीं जाणी सकदा, तिन्हीं अहां दे सुसमाचारे दे प्रचारे जो तिन्हां लोकां दे उद्धारे तांई इस्तेमाल कित्ता, जेह्ड़े बसुआस करदे हन, हलांकि कुच्छ इसियो मूर्खता दी गल्ल समझदे हन।

2 कुरिन्थियों 6:18

कने मैं तुहां दा पिता हुंगा, कने तुहां मेरे बच्चे हुंगे। एह़ सर्वशक्तिमान प्रभु परमात्मे दा वचन ऐ।”

गलातियों 3:26

क्जोकि तुहां सारे तिस बसुआसे दिया बज़ाह ते जेह्ड़ा यीशु मसीह पर ऐ, परमात्मे दी औलाद हन।

इफिसियों 1:11

इसते अलावा क्जोकि अहां मसीह सौगी इक्क हन, अहां जो परमात्मे दे पास्से ते विरासत मिलियो ऐ। क्जोकि तिन्हीं अहां जो पैहल्ले ते चुणी लेआ ऐ, कने तिसदिया मर्जिया मताबक ई सारियां चीज्जां कम्म करदियां हन।

इफिसियों 1:9

क्जोकि तिन्हीं अपणिया इच्छा दा भेत अहां पर अपणे खरे मकसदे मताबक प्रगट कित्ता, जिसदी नीई तिन्हीं अप्पु ई मसीह च रखी।

फिलिप्पियों 2:13

क्जोकि परमात्मा ई ऐ, जेह्ड़ा अपणिया आत्मा दे जरिये तुहां दे मने च तिसदी भली इच्छा कने खरे कम्मां जो करणे दी हिम्मत दिंदा ऐ।

कुलुस्सियों 1:19

क्जोकि पिता परमात्मे दी खुसी इस च ऐ, कि तिसदा पूरा सभाव मसीह च वास करैं,

2 थिस्सलुनीकियों 1:11

इसतांई अहां लगातार तुहां तांई प्रार्थना भी करदे हन, कि अहां दा परमात्मा तुहां जो इस जोग्गा बणा, जिसियो करणे तांई तिन्हीं तुहां जो सद्देया ऐ, कने भलाई दी हर इक्क इच्छा कने बसुआसे दे हर इक्की कम्मे जो सामर्थी सौगी पूरा करैं,

इब्रानियों 2:4

कने इस सौगी परमात्मैं भी अपणिया इच्छा मताबक चमत्कारां, अनोखे कम्मां, कई किस्मां दे सामर्थी दे कम्मां, पवित्र आत्मा दे वरदानां दे कम्मां दे जरिये इस जो सच्च साबित करदा रेह्आ।

1 यूहन्ना 3:1

जरा सोचा, कि पिता परमात्मैं अहां नैं कितणा प्यार कित्या ऐ, कि अहां परमात्मे दी औलाद बणन, कने सच्च-बिच्च अहां तिसदे बच्चे हन भी। अपर इस संसार दे लोक एह़ नीं जाणदे कि अहां तिसदे बच्चे हन, क्जोकि तिन्हां परमात्मे जो नीं जाणेया।

प्रकाशितवाक्य 21:7

जेह्ड़ा जीत्तगा, सैई इन्हां चीज्जां दा वारस हुंगा, कने मैं तिसदा परमात्मा हुंगा कने सैह़ मेरा पुत्तर हुंगा।