इफिसियों 1:3 - काँगड़ी

³ अहां दे प्रभु यीशु मसीह दे पिता परमात्मे दी स्तुति होयैं, क्जोकि तिन्हीं अहां जो सुअर्गे ते मसीह सौगी अहां दे रिस्ते दिया बज़ाह ते हर किस्मां दियां आत्मिक आसीषां दित्तियां हन।

इफिसियों 1:3 Iomraidhean Croise

लूका 2:28

तां शमौने तिस जागते जो अपणिया गोदी च लेआ कने परमात्मे दा धन्यावाद करी नैं ग्लाणा लग्गा कि,

यूहन्ना 14:20

जाह़लू मैं मरेयां ते दुवारी जिन्दे होई करी बापस ओंगा, तां तिस दिन तुहां जाणी लैंगे कि मैं अपणे पिता च ऐ, कने तुहां मिन्जो च, कने मैं तुहां च।

यूहन्ना 17:21

कि सैह़ सारे इक्क होन; जिंआं तू हे पिता मिन्जो च ऐ, कने मैं तिज्जो च, तिंआं ई सैह़ भी अहां च होन, जिसते संसारे सारे लोक बसुआस करन कि तैंईं मिन्जो घल्लेया ऐ।

यूहन्ना 20:17

यीशुयैं तिसा नैं ग्लाया, “मिन्जो मत छु, क्जोकि मैं अह्ल्ली तिकर पिता अल्ल ऊपर नीं गेआ, अपर मेरे भाऊआं अल्ल जाई नैं तिन्हां नैं ग्लाई दे, कि मैं अपणे पिता कने तुहां दे पिता, कने अपणे परमात्मे कने तुहां दे परमात्मे अल्ल ई ऊपरेयो चलेया ऐ।

रोमियो 12:5

तिंआं ई अहां जेह्ड़े मते हन, मसीह च इक्क सरीर होई नैं अप्पु च इक्की दूये दे अंग हन।

रोमियो 15:6

तांजे तुहां सारे मिल्ली जुली नैं इक्क उआज़ होई नैं अहां दे प्रभु यीशु मसीह दे पिता परमात्मे दी स्तुति करा।

1 कुरिन्थियों 1:30

अपर परमात्मे दे पास्से ते तुहां यीशु मसीह च हन, जेह्ड़े परमात्मे दे पास्से ते अहां तांई ज्ञान, मतलब धार्मिकता, पवित्रता कने छुटकारा दैणे आल़ा बणेया;

1 कुरिन्थियों 12:12

क्जोकि जिंआं माणुये दा सरीर इक्क ऐ कने तिसदे अंग मत्ते हन, कने सरीरे दे मते अंग होणे पर भी सरीर इक्क ई ऐ, तिंआं ई मसीह भी कने तिस पर बसुआस करणे आल़े बसुआसी भी इक्क हन।

2 कुरिन्थियों 1:3

अहां दे प्रभु यीशु मसीह दे पिता परमात्मे दा धन्यावाद होयैं। परमात्मा दया दा पिता कने हर किस्मां दा सुख-सांति दैणे आल़ा ऐ।

2 कुरिन्थियों 11:31

प्रभु यीशु मसीह दा पिता परमात्मा जेह्ड़ा सदा धन ऐ, जाणदा ऐ कि मैं झूठ नीं ग्लांदा।

2 कुरिन्थियों 5:17

इसतांई जे कोई मसीह पर बसुआस करदा ऐ, तां सैह़ मसीह च नौआं माणु ऐ। पराणियां गल्लां बीती गियां हन। दिक्खा, सारियां गल्लां नौईआं होई गियां हन।

2 कुरिन्थियों 5:21

मसीह जेह्ड़ा पापे ते अणजाण था, परमात्मे अहां तांई तिस नैं पापिये साइआं बर्ताब कित्ता, कि अहां तिस च होई नैं परमात्मे दे धर्मी माणु बणी जान।

गलातियों 3:9

इसतांई जेह्ड़े परमात्मे पर बसुआस करदे हन, ठीक तिंआं ई जिंआं अब्राहमें तिस पर बसुआस कित्ता। परमात्मा तिन्हां सारे बसुआस करणे आल़ेआं जो आसीष दिंदा ऐ, ठीक तिंआं ई जिंआं तिन्हीं अब्राहमे जो दित्ती।

इफिसियों 1:10

जाह़लू इस मकसदे जो पूरा करणे दा बग्त ओंगा, तां परमात्मा सारियां चीज्जां जेह्ड़ियां सुअर्गे च कने धरतिया पर हन, मसीह दे बसे च करगा, तांजे मसीह तिन्हां ऊपर राज्ज करैं।

इफिसियों 1:17

कि अहां दे प्रभु यीशु मसीह दा परमात्मा जेह्ड़ा महिमा दा पिता ऐ, तुहां जो अपणा आत्मिक ज्ञान कने समझ दैं,

इफिसियों 1:20

जेह्ड़ी तिन्हीं मसीह जो मरेयां ते जिन्दा करणे तांई इस्तेमाल कित्ती, कने तिसियो सुअर्गीय जगाह च अपणे सज्जे पास्से बठाल़ेया,

इफिसियों 2:6

क्जोकि तिन्हीं अहां दे यीशु मसीह सौगी मेल-जोल दिया बज़ाह ते अहां जो मरेयां ते जिन्दा कित्ता, कने सुअर्गीय जगाह च तिस सौगी बठाया

इफिसियों 3:10

तांजे हुण कलीसिया दे जरिये परमात्मे दा पूरा ज्ञान तिन्हां प्रधानां कने अधिकारियां पर जेह्ड़े आत्मिक जगांह च हन, तिन्हां पर प्रगट कित्ता जां।

फिलिप्पियों 2:11

कने पिता परमात्मे दी महिमा तांई हर इक्क माणु अपणे मुँऐ नैं एह़ मन्नी लैं कि यीशु मसीह ई प्रभु ऐ।

इब्रानियों 8:5

एह़ सैह़ याजक हन, जेह्ड़े सिर्फ सुअर्गे दी चीज्जां दी नकल कने परछाईया दी अराधना करदे हन। क्जोकि जाह़लू मूसा तम्बू बणाणा लगेया था, तां तिसियो एह़ चतौणी मिल्ली, “दिक्ख जेह्ड़ा नक्सा मैं तिज्जो सीनै प्हाड़े पर दस्सेया था, तिसदे मताबक सब कुच्छ बणाणा।”

इब्रानियों 9:23

याजके तांई एह़ जरूरी ऐ, कि तम्बू कने तिसदियां सारियां चीज्जां जेह्ड़ियां सुअर्गे दियां चीज्जां दी नकल हन, इसतांई इन्हां जो जानवरां दे बलिदानां दे जरिये सुद्ध कित्ती जान। अपर सुअर्गे दियां चीज्जां जो सुद्ध करणे तांई जानवरां दे खूने ते बधी करी म्हान बलिदाने दी जरूरत ऐ।

1 पतरस 1:3

अहां परमात्मे दा धन्यावाद करदे हन, जेह्ड़ा अहां दे प्रभु यीशु मसीह दा पिता ऐ, जिन्हीं अपणी बड़ी दया नैं अहां जो नौई ज़िन्दगी दित्ती, क्जोकि परमात्मे यीशु मसीह जो मरेयां ते जिन्दा कित्ता, कने तिन्हीं अहां जो निडर होई नैं जीणे दे काबल बणाया, सैह़ एह़ कि अहां नैं तिन्हीं जिन्हां चीज्जां जो दैणे दा वादा कित्या ऐ, तिन्हां जो हासल करणे तांई अहां पूरी आस रखी सकन,