इफिसियों 1:10 - काँगड़ी

¹⁰ जाह़लू इस मकसदे जो पूरा करणे दा बग्त ओंगा, तां परमात्मा सारियां चीज्जां जेह्ड़ियां सुअर्गे च कने धरतिया पर हन, मसीह दे बसे च करगा, तांजे मसीह तिन्हां ऊपर राज्ज करैं।

इफिसियों 1:10 Iomraidhean Croise

मत्ती 25:32

कने सारियां जातिआं दे लोक मेरे सामणै किठ्ठे कित्ते जाणे; कने जिंआं गुआल़ा भेड्डां जो बकरियां ते लग्ग करी दिंदा ऐ, तिंआं ई मैं भी तिन्हां जो इक्की दूये ते लग्ग करगा।

मरकुस 1:15

कने ग्लाया, “बग्त पूरा होईया, कने परमात्मे दा राज्ज नेड़े आईआ ऐ। मने जो बदला कने परमात्मे दे सुसमाचारे पर बसुआस करा।”

1 कुरिन्थियों 10:11

अपर एह़ सारियां गल्लां, जेह्ड़ियां तिन्हां पर होईयां, इक्क चतौणियां साइआं थियां; कने सैह़ अहां जो चतौणी दैणे तांई लिखियां हन, जेह्ड़े इस संसारे दे आखरी बग्ते च रैंह्दे हन।

1 कुरिन्थियों 11:3

अपर मैं चांह़दा ऐ कि तुहां एह़ जाणी लेआ कि हर इक्क मर्दे दा सिर मसीह ऐ, कने जणासा दा सिर मरद ऐ, कने मसीह दा सिर परमात्मा ऐ।

गलातियों 4:4

अपर जाह़लू ठीक बग्त आया जिसदी योजना परमात्मैं बणाईयो थी, तां परमात्मैं अपणा इकलौता पुत्तर घल्लेया, जिन्हीं माणुये दे रूपे च जन्म लेआ, कने सैह़ इक्क यहूदी परवारे च पैदा होएया कने तिन्हीं मूसा दिया व्यबस्था दा पालण कित्ता,

इफिसियों 1:22

कने सब कुच्छ तिसदे बसे च करी दित्ता; कने तिसियो सारियां चीज्जां पर मुखिया बणाई नैं कलीसिया दिया भलाईया तांई देई दित्ता,

इफिसियों 2:15

क्जोकि मसीह दी सूल़िया पर मौत्ती दे जरिये तिन्हीं मूसा दिया व्यबस्था दियां सारियां तरकीबां जो खत्म करी दित्ता। तिसदा इआं करणे मकसद एह़ था कि सैह़ दो लग्ग-लग्ग झुंड बणा, जिसते कि इक्क नौआं झुंड बणी जां, कने तिस च मिल्ली जां,

इफिसियों 3:15

सैह़ इक्क ई ऐ, जेह्ड़ा बसुआसियां दे पूरे परवारे दा पिता ऐ, जेह्ड़ा सुअर्गे कने धरतिया पर ऐ,

इफिसियों 3:2

तुहां जेह्ड़ा सुणेया सैह़ सच्च ऐ, कि मिन्जो परमात्मे अपणे अनुग्रह दे जरिये तुहां जो सुसमाचार सणाणे दी जिम्मेवारी दित्तियो ऐ,

कुलुस्सियों 1:16

क्जोकि एह़ सैई मसीह ऐ, जिन्हीं सारी सृष्टिया दियां चीज्जां जो बणाणे तांई परमात्मे सौगी कम्म कित्या था, चां सुअर्गे दियां होन, या धरती दियां, दिक्खियां या अणदिखियां, क्या सिंहासण क्या राज्ज, क्या राज्ज करणे आल़े कने क्या हक्क, सारियां चीज्जां तिसदे जरिये तिसदिया सेवा तांई बणाईयां हन।

कुलुस्सियों 1:20

कने मसीयैं सूल़िया पर जेह्ड़ा खून बाहया, तिसदे जरिये परमात्मे मेल जोल दी सुरुआत कित्ती, परमात्मे जो खरा लग्गा कि सैह़ मसीह दे जरिये सारियां चीज्जां दा चाहे सैह़ धरती दियां होन, चाहे सुअर्गे दियां होन, अप्पु सौगी मेल करी लैन।

कुलुस्सियों 3:11

इसा बज़ाह ते तिस च ना तां यूनानी रेह्आ ना यहूदी, ना खतणा ना बगैर खतणा ते, ना परदेसी ना स्कूती, ना दास कने ना अजाद माणु सिर्फ मसीह ई सबना ते म्हान ऐ, कने अहां सबना च जींदा ऐ।

इब्रानियों 1:2

अपर इन्हां आखरी दिनां च अहां नैं पुत्तरे दे जरिये गल्लां कित्तियां। परमात्मे अपणे पुत्तरे दे जरिये सारी सृष्टि बणाई, कने तिसियो तिन्हीं सारियां चीज्जां दा हक्कदार बणाई दित्ता।

इब्रानियों 11:40

क्जोकि परमात्मे अल्ल सिर्फ तिन्हां तांई खरियां नीं थियां अपर अहां तांई भी थियां। परमात्मैं तिन्हां जो भी अहां सौगी सिद्ध बणाणा चांह़दा था।

इब्रानियों 9:10

क्जोकि एह़ गल्लां तां सिर्फ खाणे पीणे दियां चीज्जां कने लग्ग-लग्ग न्हौणे दियां रस्मां हन, एह़ सरीरी रस्मां सिर्फ सुधारे दे बग्ते तिकर लागू हन।

1 पतरस 1:20

इस संसारे जो बणाणे ते पैहल्ले ई परमात्मे यीशु मसीह दे बारे एह़ फैसला पैहल्ले ई करी लेआ, कि सैह़ इस संसारे दा उद्धारकर्ता हुंगा, अपर सैह़ हुण इन्हां आखरी दिनां च तुहां तांई प्रगट होएया।

प्रकाशितवाक्य 5:9

सैह़ एह़ नौआं गीत गा थे, “इसा कताब जो लैणे दा, कने इसा दियां सील्लां खोलणे दा हक्क तिज्जो अल्ल ऐ, क्जोकि तू इक्क मेम्ने साइआं बलिदान होई करी अपणे खूने नैं हर इक्क गोत्र, भासा, देस कने जातिया ते परमात्मे तांई लोकां जो खरीदी लेआ ऐ;