इफिसियों 1:1 - काँगड़ी

¹ मैं पौलुस जेह्ड़ा परमात्मे दिया इच्छा ते यीशु मसीह दा इक्क प्रेरित ऐ, मैं एह़ चिठ्ठी इफिसुस सैहरे च रैहणे आल़े पवित्र कने यीशु च बसुआस करणे आल़े लोकां दे नांऐ पर लिखदा ऐ।

इफिसियों 1:1 Iomraidhean Croise

लूका 16:10

जेह्ड़ा थोड़े ते थोड़े च ईमानदार ऐ, सैह़ मते च भी ईमानदार ऐ। कने जेह्ड़ा थोड़े ते थोड़े च बेइमान ऐ, सैह़ मते च भी बेइमान ऐ।

प्रेरितां दे कम्म 16:15

जाह़लू तिन्नै अपणे परवारे सौगी बपतिस्मा लेआ, तां तिन्नै अहां नैं विणती कित्ती, जे तुहां मिन्जो प्रभु दी बसुआसणी समझदे हन, तां चली करी मेरे घरैं रेह्आ, “कने सैह़ अहां जो मनाई करी लेई गेई।”

प्रेरितां दे कम्म 18:19

तिन्हीं इफिसुस सैहरे च पुज्जी करी प्रिसकिल्ला कने अक्विला जो तित्थु छड्डी दित्ता, कने अप्पु आराधनालय च जाई करी यहूदियां नैं वाद-विवाद करणा लग्गा।

प्रेरितां दे कम्म 18:21

अपर एह़ ग्लाई करी तिन्हां ते विदा होई करी चली गेआ, “जे परमात्मे चाया तां मैं तुहां अल्ल भिरी ओंगा।” ताह़लू सैह़ इफिसुस सैहरे ते समुंदरी जाह्जे पर बेई नैं चली पेआ;

प्रेरितां दे कम्म 9:13

हनन्याह जवाब दित्ता, “हे प्रभु मैं इस माणुये दे बारे च मतेआं ते सुणेया ऐ कि इन्हीं यरूशलेम सैहरे च तेरे पवित्र लोकां सौगी बड़ा बुरा कित्या ऐ।

रोमियो 1:1

मैं पौलुस इसा चिठ्ठिया लिखा दा ऐ, जेह्ड़ा यीशु मसीह दा दास ऐ, कने प्रेरित होणे तांई परमात्मे दे जरिये चुणेया ऐ, कने तिस सुसमाचारे दा प्रचार करणे तांई लग्ग कित्या ऐ, जेह्ड़ा परमात्मे दे पास्से ते ऐ।

रोमियो 1:7

एह़ चिठ्ठी रोम सैहरे दे तिन्हां सारेयां दे नां पर ऐ, जेह्ड़े परमात्मे दे प्यारे हन, कने पवित्र लोक होणे तांई सद्देयो हन, मैं प्रार्थना करदा ऐ, कि अहां दे पिता परमात्मा कने प्रभु यीशु मसीह दे पास्से ते तुहां जो अनुग्रह कने सांति मिलदी रैंह्।

रोमियो 8:1

इसतांई हुण जेह्ड़ा यीशु मसीह च ऐ, तिन्हां पर सज़ा दा हुक्म नीं। क्जोकि सैह़ सरीरे मताबक नीं अपर पवित्र आत्मा मताबक चलदे हन।

1 कुरिन्थियों 4:12

कने अपणे ई हत्थां नैं कम्म करी नैं मेहनत करदे हन। लोक अहां जो बुरा ग्लांदे हन, अहां तिन्हां जो आशीर्वाद दिंदे हन, सैह़ सतांदे हन, अहां झेलदे हन।

1 कुरिन्थियों 4:17

इसतांई मैं तीमुथियुसे जो जेह्ड़ा प्रभु च प्यारा कने बसुआसे च मेरे जागते साइआं ऐ, तुहां अल्ल घल्लेया ऐ। सैह़ तुहां जो याद करांगा, कि किंआं मैं यीशु मसीह पचांह़ चलदा ऐ, ठीक तिंआं ई जिंआं मैं हर इक्की कलीसिया च जाई नैं सिक्षा दिंदा ऐ।

2 कुरिन्थियों 1:1

एह़ चिठ्ठी पौलुस कने अहां दे भाऊ तीमुथियुसे दे पास्से ते ऐ। मैं पौलुस जेह्ड़ा परमात्मे दी इच्छा ते यीशु मसीह दा प्रेरित ऐ। मैं एह़ चिठ्ठी परमात्मे दी तिसा कलीसिया दे नांऐ पर लिखा दा ऐ, जेह्ड़ी कुरिन्थुस सैहरे च ऐ, कने परमात्मे दे सारे पवित्र लोकां दे नांऐ पर जेह्ड़े अखाया प्रदेसे च रैंह्दे हन:

गलातियों 1:1

मैं पौलुस जेह्ड़ा इक्क प्रेरित ऐ एह़ चिठ्ठी तुहां जो लिखदा ऐ, जेह्ड़ा कि ना तां माणुआं दे पास्से ते कने ना माणुये दे जरिये चुणेया था, अपर यीशु मसीह कने पिता परमात्मे दे जरिये जिन्हीं तिसियो मरेयां ते जिन्दा कित्ता।

गलातियों 3:26

क्जोकि तुहां सारे तिस बसुआसे दिया बज़ाह ते जेह्ड़ा यीशु मसीह पर ऐ, परमात्मे दी औलाद हन।

गलातियों 3:28

मसीह च हुण यहूदी कने यूनानी लोकां च कोई फर्क नीं; कने ना कोई दास च ना कोई अजाद च; ना कोई मर्दे च ना कोई जणासा च, क्जोकि तुहां सारे यीशु मसीह च इक्क हन।

गलातियों 3:9

इसतांई जेह्ड़े परमात्मे पर बसुआस करदे हन, ठीक तिंआं ई जिंआं अब्राहमें तिस पर बसुआस कित्ता। परमात्मा तिन्हां सारे बसुआस करणे आल़ेआं जो आसीष दिंदा ऐ, ठीक तिंआं ई जिंआं तिन्हीं अब्राहमे जो दित्ती।

इफिसियों 1:15

इसा बज़ाह ते, जाह़लू ते मैं प्रभु यीशु पर तुहां दे बसुआसे कने परमात्मे दे सारे लोकां तांई तुहां दे प्यारे दे बारे च समाचार सुणी नैं,

इफिसियों 2:10

क्जोकि अहां परमात्मे दे बणायो हन, कने यीशु मसीह च तिन्हां खरेयां कम्मां तांई बणायो हन जिन्हां जो परमात्मैं पैहल्ले ते अहां दे करणे तांई त्यार कित्यो।

इफिसियों 2:13

इक्क बग्त था जाह़लू तुहां परमात्मे ते बड़ी भरी दूर थे, अपर हुण परमात्मा तुहां जो यीशु मसीह दे खून बहाणे दे जरिये अपणे नेड़े लेई आया ऐ।

इफिसियों 2:6

क्जोकि तिन्हीं अहां दे यीशु मसीह सौगी मेल-जोल दिया बज़ाह ते अहां जो मरेयां ते जिन्दा कित्ता, कने सुअर्गीय जगाह च तिस सौगी बठाया

इफिसियों 6:21

प्रभु दिया संगतिया च प्यारा भाऊ कने बसुआसे जोग्गा सेवक तुखिकुस तुहां लोकां जो एह़ सब कुच्छ दस्सी दिंगा, तांजे तुहां भी जाणी लैन कि मैं कदेया ऐ कने क्या करा दा ऐ।

कुलुस्सियों 1:2

मैं एह़ चिठ्ठी मसीह दे तिन्हां पवित्र कने सच्चे बसुआसी भाऊआं दे नांऐ पर लिखदा ऐ, जेह्ड़े कुलुस्से सैहरे च रैंह्दे हन। मैं प्रार्थना करदा ऐ, कि अहां दे पिता परमात्मे दिया तरफा ते तुहां जो अनुग्रह कने सांति मिलदी रैंह्।

प्रकाशितवाक्य 17:14

“सैह़ मेम्ने सौगी लड़गे, कने मेम्ना तिन्हां जो जीत्ती लैंगा, क्जोकि सैह़ प्रभुआं दा प्रभु कने राजेयां दा राजा ऐ, कने जेह्ड़े सद्देयो कने चुणेयो कने बसुआसी हन सैह़ तिस सौगी हन; सैह़ भी जीत्ती लैंगे।”

प्रकाशितवाक्य 2:10

जेह्ड़े दुख तिज्जो झेलणा पोंगे, तिन्हां ते मत डर। अपर चौकनै रेह्आ; क्जोकि सैतान तुहां च कुच्छ लोकां जो जेलखाने च पाणे आल़ा ऐ तांजे तुहां परखे जान; कने तुहां जो दसा दिनां तिकर दुख झेलणा पोंगा। प्राण दैणे तिकर बसुआसे जोग्गा बणी रैह्, तां मैं तिज्जो ज़िन्दगिया दा मुकट दिंगा।

प्रकाशितवाक्य 2:13

मैं एह़ तां जाणदा ऐ कि तू तित्थु रैंह्दा ऐ जित्थु सैताने दा सिंहासण ऐ; तू लगातार मेरे बसुआसे च मजबूत रैंह्दा ऐ, कने मिन्जो पर बसुआस करणे ते तिन्हां दिनां च भी पचांह़ नीं हटेया जिन्हां दिनां च मेरा बसुआसे जोग्गा गवाह अन्तिपास, तुहां दे सामणै तिसा जगाह पर मारे गेआ जित्थु सैतान रैंह्दा ऐ।