2 तीमुथियुस 4:5 - काँगड़ी

⁵ अपर तू सारियां गल्लां ते चौकन्ना रैह्, कने दुख झेल, सुसमाचार सणाणे दा कम्म कर, कने अपणिया सेवा जो पूरा कर।

2 तीमुथियुस 4:5 Iomraidhean Croise

मत्ती 25:16

तां जिसियो पंज तोड़े मिल्लेयो थे, तिन्हीं ताह़लू जाई नैं लैण-दैण कित्ता, कने पंज तोड़े होर कमाये।

मरकुस 13:34

एह़ बग्त तिस माणुये साइआं ऐ, जेह्ड़ा परदेस जांदे बग्त अपणा घरबार छड्डी जां, कने अपणे दासां जो हक्क दे, कने हर इक्क जो तिसदा कम्म दस्सी दैं, कने चौंकीदारे जो जागदे रैहणे दा हुक्म दैं।

मरकुस 13:37

कने जेह्ड़ा मैं तुहां नैं ग्लादा ऐ, सैई सारेयां जो ग्लादा ऐ: ‘जागदे रेह्आ।’”

लूका 12:37

धन हन सैह़ दास, जिन्हां जो मालक बापस आई नैं इन्तजारे च जागदे दिक्खैं, मैं तिज्जो नैं सच्च ग्लांदा ऐ, कि सैह़ मालक दासां दे कपड़े पैहनी नैं तिन्हां जो खाणा खाणे तांई बठाल़गा, कने अप्पु आई नैं तिन्हां दी सेवा करगा।

प्रेरितां दे कम्म 21:8

दूये दिने अहां तित्थु ते चली पै कने कैसरिया सैहरे च आये, कने फिलिप्पुस सुसमाचार प्रचारके दे घरैं जाई करी तिस अल्ल रैह्, जेह्ड़ा सतां च इक्क था।

रोमियो 15:19

कने चमत्कारां, कने अनोखे कम्मां दी सामर्थी ते, कने पवित्र आत्मा दिया सामर्थी सौगी मेरे जरिये कित्ते। ऐत्थु तिकर कि मैं यरूशलेम सैहरे ते लेई नैं चौंन्नी पास्सेयां इल्लुरिकुम सैहरे तिकर यीशु मसीह दे सुसमाचारे दा पूरा-पूरा प्रचार कित्ता।

इफिसियों 4:11

तिन्हीं कुच्छ लोकां जो प्रेरित, कुच्छ भविष्यवक्ता, कुच्छ सुसमाचार सणाणे आल़े, कुच्छ रखवाल़े कने सिक्षक होणे दा वरदान देई दित्ता,

इफिसियों 4:12

जिसते परमात्मे दे लोक पक्के होई नैं सेवा दे कम्मां तांई त्यार होई जान, जिसते कि मसीह दा सरीर जेह्ड़ा कलीसिया ऐ, मजबूतिया नैं बधदी जां,

कुलुस्सियों 1:25

इसा कलीसिया तांई कने तुहां तांई मैं परमात्मे दे जरिये दित्तियो सेवा तांई सेवक चुणेया गेआ कि परमात्मे दे हुक्मां दा पूरे तरीके नैं प्रचार करी सकैं।

कुलुस्सियों 4:17

कने अरखिप्पुसे नैं ग्लानेयों कि जेह्ड़ी सेवा प्रभु च तिज्जो दित्तियो ऐ, तिसायो ध्याने सौगी पूरी करेयां।

1 थिस्सलुनीकियों 5:6

इसतांई अहां दूयेयां बेबसुआसियां साइआं सोई नीं रैह़न, जागदे कने चौकन्ने रेह्आ।

1 तीमुथियुस 4:12

इस तरीके नैं बर्ताब कर कोई भी तेरी जुआनिया दिया बज़ाह ते तेरी बेइज्जती नीं करैं, अपर तिज्जो अपणे सब्दां च जेह्ड़ा तू ग्लांदा ऐ, अपणे चाल-चलण च, प्यारे च, मसीह दे बसुआस च, कने पवित्र ज़िन्दगिया च बसुआसी लोकां तांई खरा उदारण बण।

1 तीमुथियुस 4:15

इन्हां गल्लां च बफादार बणी करी ध्याने नैं करदा रैह् तांजे तेरी तरक्की सारे लोक दिक्खी सकन।

2 तीमुथियुस 1:8

इसा बज़ाह ते तू दूये लोकां जो अहां दे प्रभु यीशु मसीह दे बारे च दस्सणे ते मत सर्मा, कने ना ई मेरिया बज़ाह ते जेह्ड़ा तिस सुसमाचारे दिया सेवा तांई जेला च ऐ। अपर तुहां जो परमात्मे दिया तिसा सामर्थी दा इस्तेमाल करणा चाइदा ऐ, जेह्ड़ी सैह़ तुहां जो दिंदा ऐ कने तुहां जो मिन्जो सौगी तिन्हां दुखां च सामिल होई जाणा चाइदा, जेह्ड़े मैं सुसमाचारे दिया बज़ाह ते झेला दा ऐ।

2 तीमुथियुस 2:10

ऐई बज़ाह ऐ, कि मैं तिन्हां लोकां दे फायदे तांई दुख झेला दा ऐ जिन्हां जो परमात्मे चुणेया ऐ, तांजे सैह़ भी प्रभु यीशु मसीह पर बसुआस करन, कने उद्धार कने तिसा महिमा जो हासल करन जेह्ड़ी सदा तांई ऐ।

2 तीमुथियुस 2:3

यीशु मसीह दे खरे सपाईये साइआं मिन्जो सौगी दुखां जो झेल।

2 तीमुथियुस 4:17

अपर प्रभु मिन्जो सौगी रेह्आ, कने मिन्जो सामर्थ दित्ती, तांजे मेरे जरिये पूरा-पूरा प्रचार होयैं, कने सारे होरनी जातिआं दे लोक भी सुणी लैंन, क्जोकि तिन्हीं मिन्जो मौत्ती दे मुँऐ ते बचाया ऐ।

इब्रानियों 13:17

अपणे अगुआं दा हुक्म मन्ना कने तिन्हां दे अधीन रेह्आ, क्जोकि सैह़ तुहां जो दिक्खा दे हन, कि तुहां अपणे रस्ते ते भटकी नीं जान। क्जोकि तिन्हां जो अपणिया सेवा दा लेखा जोखा परमात्मे जो दैणा पोणा ऐ। तुहां तिन्हां दे हुक्मां जो मन्ना, तांजे सैह़ अपणे कम्मां दे खुस होई जान, ना कि उदास, एह़ तुहां तांई भी फायदेमंद होई जांगा।

1 पतरस 1:13

इसतांई अपणे-अपणे मनां जो त्यार करा, ठीक तिंआं ई जिंआं लोक कम्म करणे तांई अपणे लक्के जो बैल्टा नैं कसदे हन, कने तिस उद्धारे दी आस करदे रेह्आ, जेह्ड़ा अनुग्रह दे जरिये तुहां जो दित्ता जांगा, जाह़लू यीशु मसीह इस संसारे च बापस ओंगा।

प्रकाशितवाक्य 3:2

इसतांई चौकन्ना होई जा, कि जेह्ड़ा तेरे अंदर अह्ल्ली थोड़ा बसुआस बचेया ऐ, तिसियो मजबूत कर; तांजे एह़ भी खत्म नीं होई जां, क्जोकि जेह्ड़ा तू करा दा तिसते परमात्मा खुस नीं ऐ।