2 तीमुथियुस 4:4 - काँगड़ी

⁴ कने सैह़ अपणे कन्नां जो सच्चाईया दे पास्से ते फेरी करी बनावटी कने पूर्वजां दियां मनगढ़ंत काहणियां पर मन लगांगे।

2 तीमुथियुस 4:4 Iomraidhean Croise

मत्ती 13:15

क्जोकि इन्हां लोकां दा मन सुस्त होई गेआ ऐ, कने सैह़ कन्नां ते ऊचा सुणदे हन कने तिन्हां अपणिया अखीं बंद करी लियां हन। कुत्थी इआं ना होये कि सैह़ अखीं नैं दिक्खन, कने कन्नां नैं सुणन कने मने नैं समझन, कने अपणे मनां बदलन, कने मैं तिन्हां जो ठीक करैं।’

प्रेरितां दे कम्म 7:57

ताह़लू तिन्हां जोरे नैं ग्लाई करी कंन्न बंद करी लै, कने इक्क साथ तिस पर झपटी पै;

2 थिस्सलुनीकियों 2:11

कने इसा बज़ाह ते परमात्मा तिन्हां जो सच्चाईया ते भटकाणे आल़ी ताकता जो घल्लगा, तांजे सैह़ तिस झूठ पर बसुआस करन, जेह्ड़ा सैह़ दुष्ट माणु तिन्हां जो ग्लांगा।

1 तीमुथियुस 1:4

कने तिन्हां बेकार काहणियां कने पूर्वजां दियां मनगढ़ंत काहणियां पर मन मत लगा, जिन्हां ते लड़ाई झगड़े हुंदे हन, एह़ चीज्जां परमात्मे दा कम्म करणे च मदत नीं करदियां। क्जोकि परमात्मे दा कम्म तांई होई सकदा ऐ, जे कोई तिस पर बसुआस करैं।

1 तीमुथियुस 4:7

अपर तिन्हां बेकार कने पूर्वजां दियां मनगढ़ंत काहणियां ते दूर रैह्, जिन्हां ते परमात्मे दी इज्जत नीं हुंदी, बल्कि अपणे आप्पे जो सारियां गल्लां च परमात्मे जो मन्नणा सीख।

1 तीमुथियुस 6:20

हे तीमुथियुस, तू एह़ निस्चा कर जेह्ड़ा परमात्मे तिज्जो दित्या ऐ कि तू सैई करदा ऐ। कने तिन्हां लोकां दी मत सुणदा जेह्ड़े हमेसा मूर्ख गल्लां करदे हन, जिन्हां नैं परमात्मे दी इज्जत नीं हुंदी ऐ कने बेकार च बैंह्स करदे हन, कने सैह़ ग्लांदे हन, कि एह़ ज्ञान ऐ, अपर सच्च बिच्च एह़ नीं ऐ।

2 तीमुथियुस 1:15

तू जाणदा ऐ, कि आसिया प्रदेसे दे सारे बसुआसी लोकां मिन्जो छड्डी दित्या ऐ, जिन्हां च फूगिलुस कने हिरमुगिनेस हन।

तीतुस 1:14

तुहां यहूदियां दी मनगढ़ंत काहणियां कने तिन्हां माणुआं दे हुक्मां पर मन नीं लगाणा, जेह्ड़े सच्चाईया ते भटकी गियो हन।

इब्रानियों 13:25

तुहां सबना पर परमात्मे दा अनुग्रह हुंदा रैंह्। आमीन।

2 पतरस 1:16

क्जोकि जाह़लू अहां प्रेरितां तुहां जो अपणे प्रभु यीशु मसीह दी सामर्थी दा, कने बापस ओणे दा समाचार दित्या था, तां अहां तुहां जो चलाकियां नैं मनगढ़ंत काहणियां जो नीं दस्सदे थे, अपर अहां अपणियां अखीं नैं यीशु मसीह दिया महिमा जो दिख्या था।