2 तीमुथियुस 4:19 - काँगड़ी

¹⁹ प्रिसका कने तिसादे लाड़े अक्विला जो कने उनेसिफुरूस दे परवारे जो मेरे पास्से ते नमस्कार।

2 तीमुथियुस 4:19 Iomraidhean Croise

मत्ती 5:47

“जे तुहां सिर्फ अपणे भाऊआं दा ई भला करदे हन, तां तुहां कुण देहया बड्डा कम्म करदे हन? क्जोकि दूईआं जातिआं दे लोक भी तां ऐदेया नीं करदे हन?

प्रेरितां दे कम्म 18:18

पौलुस बड़े दिन तिकर कुरिन्थुस सैहरे रेह्आ। भिरी बसुआसी भाऊआं ते विदा लेई करी किंख्रिया सैहरे च इसतांई सिर मुंडाया, क्जोकि तिन्हीं मन्नत मंगियो थी कने समुंदरी जाह्जे च सीरिया प्रदेस जो चली पेआ कने तिस सौगी दोयो लाड़ा लाड़ी प्रिसकिल्ला कने अक्विला थे।

प्रेरितां दे कम्म 18:2

तित्थु तिसियो अक्विला नांऐ दा इक्क यहूदी माणु मिल्ला, जिसदा जन्म पुन्तुस प्रदेसे च होएया था। सैह़ अपणिया लाड़िया प्रिसकिल्ला सौगी इटली देसे ते हाल ई च आया था, क्जोकि क्लौदियुस महाराजें सारेयां यहूदियां जो रोम ते निकल़ी जाणे दा हुक्म दित्या था। तिस हुक्मे दिया बज़ाह ते सैह़ तिन्हां अल्ल गेआ।

प्रेरितां दे कम्म 18:26

अपुल्लोस आराधनालय च निडर होई करी ग्लाणा लग्गा। अपर प्रिसकिल्ला कने अक्विला तिसदियां गल्लां सुणी करी तिसियो अपणे घरे जो लेई गै, कने तिन्हां तिसियो परमात्मे दा रस्ता होर जादा बारिकिया नैं समझाया।

1 कुरिन्थियों 16:19

आसिया प्रदेसे दी कलीसियां दे पास्से ते तुहां जो नमस्कार; अक्विला कने तिसदिया लाड़िया प्रिसका दा नमस्कार, कने कलीसिया जेह्ड़ी तिन्हां दे घरे च अराधना तांई किठ्ठी हुंदी, तिसादा भी तुहां जो प्रभु च बड़ा-बड़ा नमस्कार।