2 तीमुथियुस 4:17 - काँगड़ी

¹⁷ अपर प्रभु मिन्जो सौगी रेह्आ, कने मिन्जो सामर्थ दित्ती, तांजे मेरे जरिये पूरा-पूरा प्रचार होयैं, कने सारे होरनी जातिआं दे लोक भी सुणी लैंन, क्जोकि तिन्हीं मिन्जो मौत्ती दे मुँऐ ते बचाया ऐ।

2 तीमुथियुस 4:17 Iomraidhean Croise

मत्ती 10:19

जाह़लू सैह़ तुहां जो पकड़ुआंगे तां एह़ फिकर मत करदे कि अहां किंआं क्या ग्लांगे क्जोकि जेह्ड़ा कुच्छ तुहां जो ग्लाणा हुंगा, सैह़ तिसी बग्त तुहां जो दस्सी दित्ता जांगा।

लूका 1:1

लूका लिखदा ऐ, हे श्रीमान थियुफिलुस जी, इसतांई कि मतेआं तिन्हां गल्लां जो जेह्ड़ियां अहां दे बिच्च होईयां थियां, इतिहास लिखणे च अहां दा साथ दित्या,

लूका 21:15

क्जोकि मैं तुहां जो ऐदेय सब्द कने अक्ल दिंगा कि तुहां दे सब बरोधी सामणा या बरोध नीं करी सकगे।

प्रेरितां दे कम्म 23:11

तिसा ई राती प्रभु यीशुयैं पौलुसे अल्ल खड़ोई करी ग्लाया, “हे पौलुस, हौंसला रख; क्जोकि जिंआं तैं यरूशलेम सैहरे च मेरी गवाही दित्ती, तिंआं ई तिज्जो रोम सैहरे च भी मेरी गवाही दैणी पोणी ऐ।”

प्रेरितां दे कम्म 9:15

अपर प्रभु यीशुयैं तिस नैं ग्लाया, “तू चली जा; क्जोकि सैह़ तां होरनी जातिआं कने राजेयां, कने इस्राएली लोकां दे सामणै मेरे बारे च दस्सणे तांई मेरा चुणेया जण ऐ।

रोमियो 15:31

कि मैं यहूदिया प्रदेसे दे बेबसुआसियां ते बची रैंह्, कने मेरी सैह़ सेवा जेह्ड़ी यरूशलेम सैहरे दे लोकां तांई ऐ, बसुआसी लोकां जो खरी लग्गैं;

2 कुरिन्थियों 12:9

अपर प्रभुयैं मिन्जो नैं ग्लाया, “मेरा अनुग्रह तेरे तांई काफी ऐ। क्जोकि मेरी सामर्थ कमजोरिया च खरे कित्ते कम्म करदी ऐ।” इसतांई मैं बड़ी खुसिया नैं अपणी कमजोरियां पर घमंड करगा, कि मसीह दी सामर्थ मिन्जो पर छौं करदी रैंह्।

इफिसियों 3:8

मिन्जो पर जेह्ड़ा सारे परमात्मे दे लोकां च लोक्के ते भी लोक्का ऐ, परमात्मे दा एह़ अनुग्रह मिन्जो पर होएया, मैं होरनी जातिआं जो सैह़ सुसमाचार सणा, कि यीशु मसीह ऐदिआं आसीषां दा जरिया ऐ, जिन्हां दी कोई सीमा नीं ऐ,

1 तीमुथियुस 1:12

मैं अपणे प्रभु यीशु मसीह दा धन्यावाद करदा ऐ, कि तिन्हीं मिन्जो सामर्थ दित्ती, कने मिन्जो बसुआसे जोग्गा समझी नैं अपणिया सेवा तांई चुणेया।

2 तीमुथियुस 2:1

इसतांई हे मेरे पुत्तर तीमुथियुस, तू तिस अनुग्रह च जेह्ड़ा यीशु मसीह दिंदा ऐ, मजबूत होई जा,

2 तीमुथियुस 2:9

क्जोकि इस सुसमाचारे जो सणाणे दिया बज़ाह मैं इक्क अपराधियै साइआं दुख झेलदा ऐ, ऐत्थु तिकर कि जेला च बंद भी ऐ, फिरी भी परमात्मे दे वचने जो फैलणे ते कोई नीं रोकी सकदा ऐ।

2 तीमुथियुस 3:11

कने तुहां जाणदे हन, कि अन्ताकिया, इकुनियुम कने लुस्त्रा सैहरे च मिन्जो पर लोकां कितणा जुल्म कित्ता, कने किंआं मैं तित्थु तिन्हां जुल्मां जो झेलेया; अपर प्रभुयैं मिन्जो तिन्हां सारेयां ते छड्डाई लेआ।

2 तीमुथियुस 4:5

अपर तू सारियां गल्लां ते चौकन्ना रैह्, कने दुख झेल, सुसमाचार सणाणे दा कम्म कर, कने अपणिया सेवा जो पूरा कर।

तीतुस 1:3

कने हुण ठीक बग्ते पर परमात्मे अहां पर सुसमाचारे जो प्रगट कित्या ऐ। अहां दे उद्धार करणे आल़े परमात्मे मिन्जो एह़ जिम्मेवारी दित्तियो ऐ, कने इस कम्मे जो करणे तांई हुक्म दित्या ऐ।

इब्रानियों 11:33

इन्हां बसुआसे दे जरिये राज्ज जीत्ते; सच्चे फैसले सौगी राज कित्ता वादे दियां चीज्जां जो पाया; कने शेर तिन्हां जो खाई नीं सके।

1 पतरस 5:8

हमेसा चौकन्ने रेह्आ, कने जागदे रेह्आ; क्जोकि तुहां दा बरोधी सैतान गरजणे आल़े शेरे साइआं इसा तोपा च रैंह्दा ऐ कि कुसियो फाड़ी खां।

2 पतरस 2:9

परमात्मे एह़ सारे कम्म कित्ते, जेह्ड़े एह़ दस्सदे हन कि सैह़ अपणे लोकां जो तिन्हां दियां मुसीबतां ते बचाणा जाणदा ऐ, कने बुरे लोकां जो न्याय दे दिने तिकर लगातार सज़ा दैणा भी जाणदा ऐ,