2 तीमुथियुस 4:12 - काँगड़ी

¹² तुखिकुसे जो मैंई इफिसुस सैहरे जो घल्लेया ऐ।

2 तीमुथियुस 4:12 Iomraidhean Croise

प्रेरितां दे कम्म 18:19

तिन्हीं इफिसुस सैहरे च पुज्जी करी प्रिसकिल्ला कने अक्विला जो तित्थु छड्डी दित्ता, कने अप्पु आराधनालय च जाई करी यहूदियां नैं वाद-विवाद करणा लग्गा।

प्रेरितां दे कम्म 18:21

अपर एह़ ग्लाई करी तिन्हां ते विदा होई करी चली गेआ, “जे परमात्मे चाया तां मैं तुहां अल्ल भिरी ओंगा।” ताह़लू सैह़ इफिसुस सैहरे ते समुंदरी जाह्जे पर बेई नैं चली पेआ;

प्रेरितां दे कम्म 19:1

जाह़लू अपुल्लोस कुरिन्थुस सैहरे च था, ताह़लू पौलुस दूरे दे सारे प्रदेसां ते होई करी इफिसुस सैहरे च आया कने तित्थु कुच्छ चेलेयां नैं मुलाकात होई।

प्रेरितां दे कम्म 20:25

हुण दिक्खा, मैं जाणदा ऐ कि तुहां सारे जिन्हां च मैं परमात्मे दे राज्जे दा प्रचार करदा रेह्आ, तुहां मिन्जो दुवारी भिरी नीं दिक्खगे।

प्रेरितां दे कम्म 20:4

कने इसा यात्रा च बिरीया प्रदेसे दे रैहणे आल़े पुरूर्से दा पुत्तर सोपत्रुस कने थिस्सलुनीकियां दे सैहरे च अरिस्तर्खुस कने सिकुन्दुस, कने दिरबे सैहरे दा गयुस, कने लुस्त्रा सैहरे ते तीमुथियुस, कने आसिया प्रदेसे दा तुखिकुस कने त्रुफिमुस अहां सौगी यात्रा करा दे थे।

इफिसियों 6:21

प्रभु दिया संगतिया च प्यारा भाऊ कने बसुआसे जोग्गा सेवक तुखिकुस तुहां लोकां जो एह़ सब कुच्छ दस्सी दिंगा, तांजे तुहां भी जाणी लैन कि मैं कदेया ऐ कने क्या करा दा ऐ।

इफिसियों 6:22

तिसियो मैं तुहां अल्ल इसतांई घल्लेया ऐ कि तुहां अहां दिया हालता जो जाणन, कने सैह़ तुहां दे मनां जो हौंसला दैं।

कुलुस्सियों 4:7

प्यारा बसुआसी भाऊ कने बसुआसे जोग्गा सेवक तुखिकुस, जेह्ड़ा प्रभु च मेरे सौगी कम्म करणे आल़ा ऐ, मेरी सारियां गल्लां तुहां जो दस्सी दिंगा।

1 तीमुथियुस 1:3

मैं तिज्जो भिरी ग्ला दा ऐ, जेह्ड़ा तिज्जो नैं इफिसुस सैहरे जो छड्डी करी मकिदुनिया प्रदेसे जो जाणे ते पैहल्लैं करणे जो दस्सेया था, कि तिन्हां झूठे सिक्षकां जो हुक्म देई नैं रोका कि झूठी सिक्षा मत देआ,

तीतुस 3:12

जाह़लू मैं तिज्जो अल्ल अरतिमासे कने तुखिकुसे जो घल्लगा, तां मिन्जो अल्ल निकुपुलिस सैहरे च ओणे दी कोसस करेयां, क्जोकि मैं स्याल़ा तित्थु कटणे दे बारे सोचा दा ऐ।