2 तीमुथियुस 4:10 - काँगड़ी

¹⁰ क्जोकि देमासें इस संसारे दियां चीज्जां जो प्यारा समझी करी मिन्जो छड्डी दित्ता ऐ, कने थिस्सलुनीक सैहरे जो चली गेआ। कने क्रेसकेंस गलातिया प्रदेसे जो कने तीतुस दलमतिया प्रदेसे जो चली गेआ ऐ।

2 तीमुथियुस 4:10 Iomraidhean Croise

मत्ती 12:32

जेह्ड़ा कोई माणुये दे पुत्तरे दे खलाफ कोई गल्ल ग्लांगा, तिसदा एह़ अपराध माफ कित्ता जांगा, अपर जेह्ड़ा कोई पवित्र आत्मा दे खलाफ कुच्छ ग्लांगा, तिसदा अपराध ना तां इस लोक च कने ना परलोक च माफ कित्ता जाणा ऐ।

मत्ती 26:56

अपर एह़ सब इसतांई होएया ऐ, कि भविष्यवक्तां दे वचन पूरे होन।” ताह़लू सारे चेले तिसियो छड्डी नैं नठ्ठी गै।

लूका 14:33

इस तरीके नैं तुहां च जेह्ड़ा कोई अपणा सब कुच्छ छड्डी दैं, सैह़ मेरा चेला बणी सकदा ऐ।

लूका 16:13

“कोई भी दास दूँ मालकां दी सेवा नीं करी सकदा, क्जोकि सैह़ तां इक्की मालके नैं बैर कने दूये नैं प्यार रखगा; या इक्की नैं मिल्लेया रैंह्गा कने दूये जो घटिया समझगा। कने तिंआं ई तुहां परमात्मे दी कने धन दौलता दी दून्नी दी सेवा नीं करी सकदे।”

लूका 17:32

लूते दिया लाड़िया जो याद रखा कि तिसा नैं क्या होएया था।

प्रेरितां दे कम्म 13:13

पौलुस कने तिसदे साथी पाफुस सैहरे ते समुंदरी जाह्जे च बेई करी पन्फूलिया प्रदेसे दे पीरगे सैहरे च आये; कने यूहन्ना मरकुस तिन्हां जो छड्डी करी यरूशलेम सैहरे जो बापस आई गेआ।

प्रेरितां दे कम्म 15:38

अपर पौलुसैं तिसियो सौगी नीणा खरा नीं समझेया, क्जोकि सैह़ पन्फूलिया प्रदेसे च तिन्हां ते लग्ग होई गेआ, कने कम्मे पर तिन्हां सौगी नीं गेआ था।

प्रेरितां दे कम्म 16:6

सैह़ फ्रूगिया कने गलातिया प्रदेसां च होई करी गै, क्जोकि पवित्र आत्मा तिन्हां जो आसिया प्रदेसे च वचन सणाणे जो मना कित्ता।

प्रेरितां दे कम्म 17:1

भिरी पौलुस कने सीलास अम्फिपुलिस कने अपुल्लिनिया सैहरे ते होई करी थिस्सलुनीक सैहरे च आये, जित्थु यहूदियां दा इक्क आराधनालय था।

प्रेरितां दे कम्म 17:11

एह़ माणु तां थिस्सलुनीक सैहरे दे यहूदी माणुआं ते जादा खरे थे कने इन्हां लोकां पूरा मन लगाई करी वचन ग्रहण कित्ता, कने हर रोज पवित्रशास्त्रां च तोपदे रैह् कि एह़ गल्लां इआं ई हन कि नीं।

प्रेरितां दे कम्म 17:13

अपर जाह़लू थिस्सलुनीक सैहरे दे यहूदी माणु जाणी गै कि पौलुस बिरीया सैहरे च भी परमात्मे दा वचन सणांदा ऐ, तां सैह़ तित्थु जाई करी भी दंगे करणा लग्गे।

प्रेरितां दे कम्म 18:23

भिरी कुच्छ दिन रेई करी अन्ताकिया सैहरे ते चली गेआ, कने इक्की पास्से गलातिया कने फ्रूगिया प्रदेसां च सारे चेलेयां जो मजबूत करदा रेह्आ।

2 कुरिन्थियों 2:13

मैं अपणे बसुआसी भाऊ तीतुसे जो तित्थु नीं दिख्या तां मेरे मने जो चैन नीं मिल्ला। इसतांई मैं त्रोआस सैहरे दे बसुआसियां ते विदा होई नैं मकिदुनिया प्रदेसे जो बापस आई गेआ।

2 कुरिन्थियों 7:6

अपर परमात्मा जेह्ड़ा दुखियां जो हौंसला दिंदा ऐ, तीतुसे जो ऐत्थु घल्ली करी अहां जो हौंसला दित्ता।

2 कुरिन्थियों 8:16

मैं परमात्मे दा धन्यावाद करदा ऐ, जिन्हीं तुहां दे बारे च सैई फिकर तीतुसे दे मने च पाई जेह्ड़ी मिन्जो च थी।

2 कुरिन्थियों 8:23

जे कोई तीतुसे दे बारे च पुछैं, तां सैह़ मेरा साथी कने तुहां तांई कम्म करणे आल़ा ऐ। जे अहां दे बसुआसी भाऊआं दे बारे च पुछे, तां सैह़ कलीसियां दे घल्लेयो कने सैह़ मसीह दी महिमा करदे हन।

2 कुरिन्थियों 8:6

इसतांई अहां तीतुसे नैं विणती कित्ती, कि जिंआं तिन्हीं पैहल्ले सुरू कित्या था, तिंआं ई सैह़ तुहां गरीब बसुआसियां बिच्च इसा दान दैणे दिया सेवा जो पूरा भी करैं।

गलातियों 1:2

कने सारे भाऊआं दे पास्से ते जेह्ड़े मिन्जो सौगी हन, मैं एह़ चिठ्ठी गलातिया सैहरे दियां कलीसियां जो लिखदा ऐ।

फिलिप्पियों 2:21

क्जोकि सारे अपणे मतलबे दिया तोपा च रैंह्दे हन, ना कि यीशु मसीह दी।

1 तीमुथियुस 6:10

क्जोकि धन-दौलता दा लालच सारियां बुराईआं दी जड़ ऐ, जिसा जो पाणे तांई कोसस करदे-करदे कुच्छ लोक बसुआसे ते भटकी नैं अपणे आप्पे जो हर किस्मां दे दुखां च पाई दित्या ऐ।

1 तीमुथियुस 6:17

इस संसारे दे अमीरां माणुआं जो हुक्म दे कि सैह़ घमंडी ना होन कने सैह़ धन-दौलता पर आस ना रखन, जेह्ड़ी कुच्छ बग्ते तांई ऐ, अपर सैह़ परमात्मे पर आस रखन, जेह्ड़ा अहां दे सुखे तांई सब कुच्छ इमानदारिया नैं अहां जो दिंदा ऐ।

2 तीमुथियुस 1:15

तू जाणदा ऐ, कि आसिया प्रदेसे दे सारे बसुआसी लोकां मिन्जो छड्डी दित्या ऐ, जिन्हां च फूगिलुस कने हिरमुगिनेस हन।

2 तीमुथियुस 4:16

मेरी पैहल्ली सुणवाईया दे बग्त कोई भी मिन्जो सौगी नीं था, अपर सारेयां मिन्जो छड्डी दित्या था। इसतांई तिन्हां जो अपराधी नीं मन्नेया जां।

तीतुस 1:4

तीतुसे दे नां जेह्ड़ा बसुआसे च मेरा सच्चा पुत्तर ऐ; मैं प्रार्थना करदा ऐ, कि पिता परमात्मे कने अहां दे उद्धार करणे आल़े यीशु मसीह दे पास्से ते तिज्जो अनुग्रह कने सांति मिलदी रैंह्।

फिलेमोन 1:24

कने मरकुस कने अरिस्तर्खुस कने देमास कने लूका जेह्ड़े मेरे साथी हन, इन्हां दे पास्से ते तिज्जो नमस्कार।

2 पतरस 2:15

तिन्हां खरे कम्म करणा छड्डी दित्यो हन, कने तिन्हां बिओरे दे जागते बिलामे साइआं बुरे कम्म करणा सुरू करी दित्ते, क्जोकि तिसियो बुरे कम्म करी नैं धन-दौलत कम्माणा बड़ी खरी लगदी थी।