2 तीमुथियुस 4:1 - काँगड़ी

¹ जाह़लू प्रभु यीशु मसीह राजे साइआं राज्ज करणे ओंगा, तां सैह़ जिन्दे कने मरेयां दा न्याय करदा ऐ। मैं परमात्मे सौगी कने मसीह जो गवाह मन्नी करी तुहां नैं विणती करदा ऐ,

2 तीमुथियुस 4:1 Iomraidhean Croise

मत्ती 16:27

मैं माणुये दा पुत्तर अपणे सुअर्गदूतां सौगी अपणे पिता दी महिमा च ओंगा, कने तिस बग्त ‘सैह़ हर इक्की जो तिसदे कम्मां दे मताबक फल़ दिंगा।’

लूका 19:12

कने तिन्हीं ग्लाया, “इक्क अमीर माणु दूर देसे जो चलेया तांजे राज्ज पद पाई नैं बापस औयें।

लूका 19:15

“जाह़लू सैह़ राज्ज पद पाई नैं बापस आया, तां इआं होएया कि तिन्हीं अपणेयां दासां जो जिन्हां जो मोहरां दित्तियां थियां तिन्हां जो अप्पु अल्ल सद्देया तांजे पता करैं कि तिन्हां लैण-दैण ते क्या-क्या कमाया।

लूका 23:42

ताह़लू तिन्हीं ग्लाया, “हे यीशु, जाह़लू तू अपणे राज्जे च राजे साइआं ओंगा, तां मिन्जो याद रखेयां।”

प्रेरितां दे कम्म 10:42

कने तिन्हीं अहां जो हुक्म दित्ता, कि सारे लोकां च प्रचार करा कने गवाही देआ, कि एह़ सैई यीशु ऐ जिसियो परमात्मैं जिन्देया कने मरेयां दा न्यायी ठैहराया ऐ।

प्रेरितां दे कम्म 17:31

क्जोकि तिन्हीं इक्क दिन ठैहराया ऐ, जिस च सैह़ तिस माणुये दे जरिये धार्मिकता दे संसारे दा न्याय करणा, जिसियो तिन्हीं बणाया, कने तिसियो मरेयां च जिन्दा करी नैं इसा गल्ला दा सबूत सारे लोकां जो देई दित्ता ऐ।”

रोमियो 2:16

एह़ सब तिस बग्त साफ होई जांगा, जाह़लू परमात्मा मेरे जरिये सणायो सुसमाचार दे मताबक यीशु मसीह दे जरिये माणुआं दियां गुप्त गल्लां दा न्याय करगा।

कुलुस्सियों 3:4

जाह़लू मसीह, जेह्ड़ा तुहां जो नौई ज़िन्दगी दिंदा ऐ, जाह़लू इस संसारे च दुवारी बापस ओंगा, ताह़लू तुहां भी ओंगे, कने तिसदी महिमा च हिस्सेदार बणगे।

2 थिस्सलुनीकियों 2:8

ताह़लू सैह़ दुष्ट माणुये सामणै ओंगा, जिसियो प्रभु यीशु अपणे इक्की हुक्मे नैं मारी दिंगा, कने अपणे ओणे दे तेजे नैं भस्म करगा।

1 तीमुथियुस 5:21

परमात्मा, कने यीशु मसीह कने चुणेयां सुअर्गदूतां जो सामणै समझी करी मैं तिज्जो हुक्म दिंदा ऐ कि तू बिना भेदभाव ते इन्हां गल्लां जो मन्ना कर, कोई भी कम्म भेदभाव करी नैं मत कर।

2 तीमुथियुस 1:10

अपर हुण अहां दा उद्धारकर्ता यीशु मसीह आई रेह्आ ऐ, कने तिन्हीं अहां पर अपणा अनुग्रह कित्या ऐ, जिन्हीं इक्क तां मौत्ती दिया ताकता जो हराई दित्ता कने दूआ सुसमाचारे दे जरिये अहां जो सदा दी ज़िन्दगिया दा रस्ता दस्सेया ऐ।

2 तीमुथियुस 2:14

जेह्ड़ियां गल्लां मैं तिज्जो दस्सियां हन, तिन्हां जो अपणे लोकां जो भुलणा मत दिंदा, कने प्रभु दी मौजूदगिया च जेह्ड़ा इक्क गवाह ऐ। तिज्जो तिन्हां जो चतौणी दैणी चाइदी, कि सब्दां दे मतलबां जो लेई करी बैंह्सबाजी नीं करणी चाइदी, जिसा जो करणे ते कुच्छ फायदा नीं हुंदा, अपर सुणने आल़े लोकां तांई बड़ा बड्डा नकसान ई हुंदा ऐ।

2 तीमुथियुस 4:18

कने प्रभु मिन्जो हर इक्क बुरे कम्मां ते छड्डांदा ऐ, कने अपणे सुअर्गीय राज्जे च मिन्जो सम्भाल़ी नैं पज्जांगा। तिसदी महिमा जुगा-जुग हुंदी रैंह्। आमीन।

2 तीमुथियुस 4:8

प्रभु मिन्जो इक्क मुकट दिंगा, जेह्ड़ा धार्मिकता दा मुकट ऐ। सैह़ सच्चा न्याय करणे आल़ा अपणे बापस ओणे आल़े दिन च मिन्जो तिस इनामे जो दिंगा। सैह़ मिन्जो नीं अपर तिन्हां सबना जो भी जेह्ड़े तिसदे बापस ओणे दे इन्तजारे च हन।

तीतुस 2:13

कने तिसा खरिया आसा दा मतलब अपणे म्हान परमात्मे कने उद्धार करणे आल़े यीशु मसीह दी महिमा दे प्रगट होणे दा इन्तजार करदे रैह़न।

1 पतरस 1:7

इन्हां दुखां दा मकसद एह़ दस्सणा ऐ कि तुहां सच्च बिच्च परमात्मे पर भरोसा रखदे हन कि नीं, तुहां दा यीशु मसीह पर बसुआस सोन्ने ते भी बड़ा जादा कीमती ऐ, ठीक तिंआं ई जिंआं इक्क नास होणे आल़ा सोन्ना अग्गी च परखेया जांदा ऐ, तांजे तुहां दा बसुआस भी इन्हां दुखां दे बावजूद मजबूत रैंह्, तां यीशु मसीह दे बापस ओणे आल़े दिने च एह़ तुहां तांई तारीफ, महिमा कने आदरे दी बज़ाह हुंगा।

1 पतरस 4:5

अपर इक्क दिन सैह़ जरूर परमात्मे सामणै अपणा लेखा दैणे तांई खड़ोंगे, कने परमात्मा तिन्हां च हर इक्की ते तिन्हां दे कम्मां दा जेह्ड़े तिन्हां इस संसारे च कित्यो हन हसाब-कताब लैंगा, चाहे सैह़ हुण जीआ दे हन, या पैहल्ले ते मरी गियो हन।

1 पतरस 5:4

कने जाह़लू अहां दा प्रधान गुआल़ा यीशु मसीह बापस ओंगा, तां तुहां जो महिमा दा मुकट दित्ता जांगा जेह्ड़ा कदी अपणी चमक नीं गुआंगा।

2 पतरस 1:11

कने इस तरीके नैं तुहां अहां दे प्रभु कने उद्धार करणे आल़े यीशु मसीह दे सदा दे राज्जे च बड़े आदरे सौगी दाखल हुंगे।

2 पतरस 1:17

क्जोकि जाह़लू यीशु मसीह जो पिता परमात्मे ते आदर कने महिमा मिल्ली, तां तिस बग्त परमात्मे दे पास्से ते एह़ उआज़ आई, “एह़ मेरा प्यारा पुत्तर ऐ, जिसते मैं बड़ा भरी खुस ऐ।”

1 यूहन्ना 2:28

इसतांई हे बच्चो, तिस च बणी रेह्आ; कि जाह़लू सैह़ दुवारी ओंगा तां अहां जो हिम्मत मिलगी, कने यीशु मसीह दे ओणे पर तिस सामणै सर्मिंदा ना होन।

प्रकाशितवाक्य 1:7

दिक्खा, सैह़ बदल़ां सौगी ओणे आल़ा ऐ, कने हर कोई तिसियो दिक्खगा, अपर जिन्हां तिसियो सूल़िया पर मारेया था सैह़ भी तिसियो दिक्खगे, कने धरतिया दे सारे लोक तिसदिया बज़ाह ते जोरे नैं रोंगे। हाँ, एह़ जरूर हुंगा! आमीन।