2 तीमुथियुस 3:8 - काँगड़ी

⁸ कने एह़ झूठे सिक्षक मसीह दी सच्चाईया दा बरोध करदे हन, ठीक तिंआं ई जिंआं ई यन्नेस कने यम्ब्रेसे मूसा दा बरोध कित्या था, इन्हां लोकां दी अक्ल भरष्ठ होई गियो, कने सैह़ सच्च बिच्च मसीह पर बसुआस नीं करदे हन।

2 तीमुथियुस 3:8 Iomraidhean Croise

प्रेरितां दे कम्म 15:24

“अहां सुणेया ऐ, कि अहां च कुच्छ लोक तित्थु जाई करी, तुहां जो अपणियां गल्लां नैं डराई दित्ता; कने तुहां दे मन बदली दित्ते हन अपर अहां तिन्हां जो कोई हुक्म नीं दित्या था।

रोमियो 1:28

जाह़लू तिन्हां परमात्मे दा सच्चा ज्ञान पाणा ठीक नीं समझेया, इसतांई परमात्मैं तिन्हां जो तिन्हां दी भरष्ठ अक्ला पर छड्डी दित्ता कि जिसते सैह़ बेकार दियां गल्लां सोचणा लग्गे।

रोमियो 16:18

क्जोकि ऐदेय लोक अहां दे प्रभु मसीह दी नीं, अपर अपणे फायदे तांई सेवा करदे हन। एह़ लोक मिठ्ठियां-मिठ्ठियां गल्लां करी नैं सिध्धे सादे लोकां जो भकाई दिंदे हन।

इफिसियों 4:14

तांजे अहां गांह तांई बच्चेयां साइआं नीं रैह़न। अहां जो कदी भी धोखे बाज लोकां दिया झूठिया सिक्षा च नीं फसणा चाइदा, जेह्ड़ियां हौआ साइआं अहां जो इक्की जगाह ते दूईआ जगाह पटकदियां हन।

1 तीमुथियुस 1:19

तुहां यीशु मसीह च अपणे बसुआसे जो बणाई कने अपणिया अन्तर आत्मा जो साफ रखा। कुच्छ लोकां तां अपणिया साफ अन्तर आत्मा जो छड्डी दित्या ऐ, जिसदिया बज़ाह ते यीशु मसीह च तिन्हां दा बसुआस मुक्की गेआ ऐ।

1 तीमुथियुस 4:2

जेह्ड़े लोक एह़ झूठी सिक्षा दिंदे हन, सैह़ झूठे हन, क्जोकि तिन्हां दी अन्तर आत्मा मरी चुकियो ऐ, जिंआं इक्क गरम लोहें तिसा जो जल़ाई दित्या ऐ।

1 तीमुथियुस 6:5

कने इक्की दूये सौगी नीं मुकणे आल़े झगड़े, जिन्हां दी अक्ल भरष्ठ होई गेई ऐ, कने सैह़ सच्चाईया जो नीं समझी सकदे हन, कने समझदे हन कि परमात्मे दी सेवा करणा ई अमीर होणे दा जरिया ऐ।

2 तीमुथियुस 4:15

तूमी तिसते बची करी रेह्आं, क्जोकि तिन्हीं भी अहां दे मसीह दिया सिक्षा दा बड़ा बरोध कित्या ऐ।

तीतुस 1:10

मैं एह़ तां ग्लांदा ऐ, क्जोकि मत्ते लोक खरिया सिक्षा दा बरोध करदे हन, जेह्ड़े बक-बक करणा कने दूयेयां जो धोखा दैणा सखांदे हन। खास करी नैं एह़ गल्ल तिन्हां यहूदी लोकां तांई साबित हुंदी ऐ, जेह्ड़े बसुआस करदे हन।

तीतुस 1:16

सैह़ झूठे सिक्षक ग्लांदे हन कि अहां परमात्मे जो जाणदे हन, अपर अपणे कम्मां ते तिसदा इन्कार करदे हन। क्जोकि सैह़ घृणित कने हुक्मां नीं मन्नणे आल़े हन, कने कुसी खरे कम्मे जोग्गे नीं हन।

2 पतरस 2:14

सैह़ हर जणासा नैं जिसा जो दिक्खदे हन ब्यभिचार करणा चांह़दे हन, कने सैह़ पाप करणे तांई मौका तोपदे रैंह्दे हन। सैह़ तिन्हां लोकां जो धोखा दिंदे हन, जेह्ड़े बसुआसे च कमजोर हन कने सैह़ तिन्हां दी पाप करणे च अगुआई करदे हन। क्जोकि तिन्हां दियां बुरिआं इच्छां कने लालच जेह्ड़े लगातार बधदे जा दे हन, तिन्हां दिया बज़ाह ते ई परमात्मा तिन्हां जो सज़ा दिंगा।

1 यूहन्ना 2:18

हे बच्चो, एह़ आखरी बग्त ऐ; कने जिंआं तुहां सुणेया ऐ, कि मसीह दा बरोधी ओणे आल़ा ऐ, तिसदे मताबक हुण भी मते मसीह बरोधी उठी खड़ोत्यो हन; इसते अहां जाणदे हन, कि एह़ आखरी बग्त ऐ।

1 यूहन्ना 4:1

हे मेरे साथी बसुआसियो, हर इक्की पर बसुआस मत करा, जेह्ड़ा आत्मा च होई करी ग्लाणे दा दावा करदा ऐ कने तिसायो परखा कि सैह़ परमात्मे दे पास्से ते ऐ कि नीं; क्जोकि मते झूठे भविष्यवक्ता संसारे च हन।

प्रकाशितवाक्य 2:20

अपर मेरी तिज्जो नैं एह़ शकायत ऐ: कि तू तिसा जणासा इजेबेले जो रैहणा दिंदा ऐ जेह्ड़ी अपणे आप्पे जो भविष्यवक्ता ग्लांदी ऐ, कने मेरे दासां जो ब्यभिचार करणा कने मूर्तियां सामणै चढ़ाईयां चीज्जां जो खाणा सखाई नैं भटकांदी ऐ।

प्रकाशितवाक्य 2:6

अपर हाँ, तिज्जो च एह़ गल्ल तां ऐ कि तू नीकुलियां दे कम्मां ते नफरत करदा ऐ, जिन्हां ते मैं भी नफरत करदा ऐ।