2 तीमुथियुस 3:5 - काँगड़ी

⁵ सैह़ एह़ दखावा करगे कि सैह़ परमात्मे दी भक्ति करदे हन, अपर सैह़ परमात्मे दिया सामर्थी जो नीं मनगे। ऐदेयां लोकां सौगी मेल-जोल मत रखा।

2 तीमुथियुस 3:5 Iomraidhean Croise

मत्ती 7:15

“झूठे भविष्यवक्ता ते चौकन्ने रेह्आ, जेह्ड़े भेड्डां दे भेसे च ओंदे हन, अपर असल च सैह़ चीरणे आल़े भेड़िये हन।

इफिसियों 4:14

तांजे अहां गांह तांई बच्चेयां साइआं नीं रैह़न। अहां जो कदी भी धोखे बाज लोकां दिया झूठिया सिक्षा च नीं फसणा चाइदा, जेह्ड़ियां हौआ साइआं अहां जो इक्की जगाह ते दूईआ जगाह पटकदियां हन।

2 थिस्सलुनीकियों 3:14

जे कोई अहां दिया इसा चिठ्ठिया दिया सिक्षा जो नीं मन्नैं तां तिस पर नजर रखा, कने तिसदी संगति मत करा, जिसते सैह़ सर्मिंदगी मसूस होयैं।

2 थिस्सलुनीकियों 3:6

हे मेरे प्यारे साथी बसुआसियो, अहां तुहां जो अपणे प्रभु यीशु मसीह दे नांऐ ते हुक्म दिंदे हन कि तुहां हर इक्क ऐदेय बसुआसी भाऊये ते लग्ग रेह्आ, जेह्ड़ा अपणे आप्पे जो आलसी बणांदा ऐ कने जेह्ड़ी सिक्षा तिन्हीं अहां ते पाई तिसा मताबक नीं करदा ऐ।

1 तीमुथियुस 4:7

अपर तिन्हां बेकार कने पूर्वजां दियां मनगढ़ंत काहणियां ते दूर रैह्, जिन्हां ते परमात्मे दी इज्जत नीं हुंदी, बल्कि अपणे आप्पे जो सारियां गल्लां च परमात्मे जो मन्नणा सीख।

1 तीमुथियुस 4:8

क्जोकि सरीरे दिया वरजिसा ते घट फायदा मिलदा ऐ, अपर आत्मिक वरजिस सारियां गल्लां तांई फायदेमंद ऐ, क्जोकि एह़ माणुये दे जिन्दे रैंह्दे भी कने मरने दे बाद भी मदत करदी ऐ।

1 तीमुथियुस 5:8

अपर जे कोई अपणे रिस्तेदारां दा कने खास करी नैं अपणे परवारे दा ख्याल ना रखे, तां सैह़ बसुआसे ते मुकरी गेआ ऐ कने बेबसुआसिये ते भी बुरा बणी गेआ ऐ।

1 तीमुथियुस 6:5

कने इक्की दूये सौगी नीं मुकणे आल़े झगड़े, जिन्हां दी अक्ल भरष्ठ होई गेई ऐ, कने सैह़ सच्चाईया जो नीं समझी सकदे हन, कने समझदे हन कि परमात्मे दी सेवा करणा ई अमीर होणे दा जरिया ऐ।

2 तीमुथियुस 2:16

संसारिक कने बेकार दियां गल्लां ते दूर रेह्आ, क्जोकि जेह्ड़े लोक इन्हां गल्लां च सामिल हुंदे हन, सैह़ परमात्मे ते होर भी दूर होई जांदे हन।

2 तीमुथियुस 2:23

अपर बेअक्ली कने उटपटांग दी बैंह्सबाजी ते दूर रैह्, क्जोकि तू जाणदा ऐ कि इन्हां ते झगड़े पैदा हुंदे हन।

तीतुस 1:16

सैह़ झूठे सिक्षक ग्लांदे हन कि अहां परमात्मे जो जाणदे हन, अपर अपणे कम्मां ते तिसदा इन्कार करदे हन। क्जोकि सैह़ घृणित कने हुक्मां नीं मन्नणे आल़े हन, कने कुसी खरे कम्मे जोग्गे नीं हन।

तीतुस 3:10

कलीसिया च झगड़े करणे आल़े माणुये जो इक्क या दो बरी समझाई दैणे ते बाद तिस पर होर अपणा बग्त बरबाद मत कर।