2 तीमुथियुस 3:2 - काँगड़ी

² क्जोकि माणु मतलबी, धन-दौलता दा लालची, डींगमार, घमंडी, निंदा करणे आल़ा, माँऊ-बुढ़े दा हुक्म नीं मन्नणे आल़ा, एहसान फरामोस, अपवित्र,

2 तीमुथियुस 3:2 Iomraidhean Croise

मत्ती 15:6

तां सैह़ अपणे बुढ़े दा आदर ना करैं, इआं करी नैं तुहां अपणे रीति रिवाजां दिया बज़ाह ते जिन्हां जो तुहां बणाया ऐ, परमात्मे दा वचन टाल़ी दित्ता।

लूका 12:15

कने तिन्हीं तिन्हां नैं ग्लाया, “चौकन्ने रेह्आ, कने हर किस्मां दे लालचे ते अपणे आप्पे जो बचाई रखा; क्जोकि कुसी दी ज़िन्दगी तिसदिया धन-दौलता दिया बढ़तिया नैं नीं हुंदा।”

लूका 16:14

फरीसी जेह्ड़े लालची थे, एह़ सारियां गल्लां सुणी करी तिसदा मजाक करणा लग्गे।

लूका 6:35

अपर अपणे दुश्मणा नैं भी प्यार रखा, कने भलाई करा कने भिरी पाणे दी उम्मीद नीं रखी करी उधार देआ। कने तुहां तांई बड़ा बड्डा प्रतिफल़ हुंगा, कने तुहां परम प्रधान परमात्मे दे बच्चे हुंगे, क्जोकि सैह़ तिन्हां बुरे माणुआं पर दयाबान ऐ, जेह्ड़े धन्यावाद नीं करदे।

प्रेरितां दे कम्म 5:36

क्जोकि इन्हां दिनां दे पैहल्ले थियूदास एह़ दावा करदा आया कि मैं भी कुच्छ ऐ; कने लगभग कोई चार सौ तिस माणुये पचांह़ चली पैयो थे, अपर सैह़ मारेया गेआ, कने जितणे लोक तिसियो मनदे थे, सैह़ सारे तितर-बितर होई नैं मुक्की गै।

रोमियो 11:18

तां तिन्हां बड्डियां डाल़िआं ते बधी करी नीं समझणा; कने जे तू अपणे आप्पे जो तिन्हां ते बधी करी समझदा ऐ, तां याद रख कि तू जड़ा जो नीं, अपर जड़ तिज्जो सम्भालदी ऐ।

2 कुरिन्थियों 5:15

क्जोकि मसीह सारे लोकां तांई मरेया, कि जेह्ड़े लोक जिन्दे हन, सैह़ गांह बासती अपणे तांई नीं जीन, अपर तिस तांई जेह्ड़ा तिन्हां तांई मरेया कने भिरी जिन्दा होई गेआ।

फिलिप्पियों 2:21

क्जोकि सारे अपणे मतलबे दिया तोपा च रैंह्दे हन, ना कि यीशु मसीह दी।

कुलुस्सियों 3:5

इसतांई बुरे कम्मां करणा छड्डी देआ, जेह्ड़े तुहां दे पापी सभावे सौगी जुड़ेयो हन, जेह्ड़े धरतिया पर हन, मतलब ब्यभिचार, मने च गंदगी, वासना, बुरी सोच। कने लालची मत बणा जेह्ड़ा मूर्तिपूजा दे साइआं ऐ।

2 थिस्सलुनीकियों 2:4

सैह़ परमात्मे दा कने तिन्हां सारियां चीज्जां दा बरोध करगा जिन्हां दी लोक अराधना करदे हन, कने सैह़ एह़ दावा करदा ऐ कि सैह़ तिन्हां सारेयां ते खास ऐ। ऐत्थु तिकर कि सैह़ दुष्ट माणु परमात्मे दे मंदरे च बेई नैं अपणे आप्पे जो परमात्मा दस्सदा ऐ।

1 तीमुथियुस 1:20

मैं हुमिनयुसे कने सिकन्दरे जो कलीसिया ते कड्डी दित्या ऐ कने तिन्हां जो सैताने दे बसे च देई दित्या ऐ, तांजे सैह़ लोक समझी जान कि तिन्हां जो परमात्मे दी निंदा नीं करणी चाइदी।

1 तीमुथियुस 1:9

अहां जाणदे हन कि मूसा दी व्यबस्था धार्मिक लोकां तांई नीं ऐ, अपर अपवित्र लोकां तांई कने परमात्मे दे बरोध करणे आल़े तांई ऐ, कने परमात्मे जो नीं मन्नणे आल़े कने हमेसा पाप करणे आल़े लोकां तांई, बुरे लोकां कने परमात्मे दी बेइज्जती करणे आल़े लोकां तांई, अपणे माँ-बुढ़े कने दूये लोकां दे हत्यारेयां तांई ऐ,

1 तीमुथियुस 3:3

सैह़ पियक्कड़ कने मारपीट करणे आल़ा ना होयैं, अपर नरम दिले दा होयैं, कने ना लड़णे आल़ा, कने ना धन-दौलता दा लालची होयैं।

1 तीमुथियुस 6:10

क्जोकि धन-दौलता दा लालच सारियां बुराईआं दी जड़ ऐ, जिसा जो पाणे तांई कोसस करदे-करदे कुच्छ लोक बसुआसे ते भटकी नैं अपणे आप्पे जो हर किस्मां दे दुखां च पाई दित्या ऐ।

1 तीमुथियुस 6:4

तां सैह़ घमंडी होई गेआ ऐ, कने सैह़ कुच्छ भी नीं जाणदा। ऐदेय माणु बैंह्सबाजी कने बेकार दियां गल्लां कने सब्दां दे बारे च झगड़ा करणा चांह़दे हन, जिसदा नतीजा जल़ण, झगड़े, निंदा दी गल्लां कने बुरे-बुरे शक,

2 तीमुथियुस 3:4

ढीठ, घमंडी, परमात्मे नैं प्यार रखणे आल़े नीं कने बसुआसे जोग्गे नीं अपर सरीरे दियां इच्छां नैं प्यार रखणे आल़े हुंगे।

याकूब 2:8

भिरी भी जे तुहां पवित्रशास्त्रे दे वचनां मताबक, “तू अपणे प्ड़ेसिये नैं अपणे साइआं प्यार रख,” सच्च बिच्च तिस राज व्यबस्था जो पूरी करदे हन, तां खरा ई करदे हन।

याकूब 4:16

अपर हुण तुहां अपणियां बणाईयां योजनां पर घमंड करदे हन; ऐदेया सारा घमंड बुरा हुंदा ऐ।

याकूब 4:6

सैह़ तां होर भी अनुग्रह दिंदा ऐ, इसतांई एह़ पवित्रशास्त्रे च लिख्या ऐ, “परमात्मा घमंडियां नैं बरोध करदा ऐ, अपर दीन माणुआं पर अनुग्रह करदा ऐ।”

1 पतरस 5:5

इसी तरीके नैं हे नौजुआनो तुहां भी स्याणे बसुआसियां दे अधीन रेह्आ, अपर तुहां सबना जो इमानदारिया नैं इक्की दूये दी सेवा करणी चाइदी, क्जोकि पवित्रशास्त्रे च एह़ लिख्या ऐ, कि “परमात्मा घमंडी लोकां दा बरोध करदा ऐ, अपर सैह़ दीन माणुआं पर अनुग्रह करदा ऐ।”

2 पतरस 2:10

खास करी नैं परमात्मा तिन्हां झूठे सिक्षकां जो जरूर सज़ा दिंगा, जेह्ड़े बुरिआं इच्छां दे पचांह़ सरीरे मताबक चलदे कने परमात्मे दे अधिकारां जो घटिया समझदे हन, सैह़ ढीठ, कने जिद्दी हन, कने ऐत्थु तिकर कि सुअर्गदूतां दी निंदा करदे हन।

2 पतरस 2:12

अपर एह़ झूठे सिक्षक जंगली जानवरां साइआं हन, जेह्ड़े पकड़णे तांई कने नास होणे तांई पैदा होएयो हन। जिन्हां गल्लां जो जाणदे ई नीं हन, तिन्हां दे बारे च दूयेयां जो बुरा भला ग्लांदे हन, सैह़ जरूर इन्हां जंगली जानवरां साइआं नास कित्ते जांगे।

2 पतरस 2:18

एह़ घमंडे नैं भरोईयां बेकार दियां गल्लां नैं तिन्हां लोकां जो लुचपण दे कम्मां दे जरिये सरीरे दियां इच्छां च फंसाई लैंदे हन, जेह्ड़े रस्ते ते भटकेयां लोकां ते बाल-बाल बची करी निकल़ी आएयो हन।

2 पतरस 2:3

कने एह़ झूठे सिक्षक लालची होई जांगे, कने अपणे फायदे तांई मनगढ़ंत काहणिया बणाई नैं तुहां जो धोखा दिंगे। परमात्मे बड़ी पैहल्लैं ई एह़ फैसला लेई लेआ था, कि सैह़ इन्हां दा नास करगा, कने सैह़ एह़ करणे तांई बिलकुल त्यार ऐ। सैह़ पक्का तिन्हां जो नास करगा।

यहूदा 1:16

एह़ लोक हमेसा परमात्मे दे खलाफ ग्लांदे हन, कने दूयेयां लोकां च खोट कड्डदे हन, सैह़ हमेसा तिन्हां बुरे कम्मां जो करदे हन, जिन्हां जो सैह़ करणा चांह़दे हन। कने सैह़ अपणे फायदे तांई दूयेयां लोकां सौगी चापलूसियां दियां गल्लां करदे हन।

प्रकाशितवाक्य 13:1

ताह़लू मैं इक्की जंगली जानवरे जो समुंदरे ते निकल़दे दिख्या, जिसदे दस सींग कने सत सिर थे। तिसदे सींगा पर दस मुकट कने तिसदे हर सिरे पर परमात्मे दिया निंदा दे सब्द लिख्यो थे।

प्रकाशितवाक्य 16:11

कने अपणियां पीड़ां कने फोड़ेयां दिया बज़ाह ते सुअर्गे दे परमात्मे दी निंदा कित्ती; अपर अपणे-अपणे कम्मां ते मन नीं बदलेया।

प्रकाशितवाक्य 16:21

अम्बरे ते लोकां पर मणे-मणे दा सणाट पेआ कने इसतांई कि खतरे बड़े ई भारी थे, लोक सणाटे दिया बज़ाह ते परमात्मे दी निंदा करणा लग्गे क्जोकि एह़ खतरा झेलणे ते बाहर था।

प्रकाशितवाक्य 16:9

लोक बड़ी तेज गर्मिया नैं झुल़सी गै, कने परमात्मे दे नांऐ दी जिसियो इन्हां खतरेयां पर हक्क ऐ, निंदा कित्ती पर परमात्मे दी महिमा करणे तांई मन नीं बदलेया।