2 तीमुथियुस 3:17 - काँगड़ी

¹⁷ तांजे परमात्मे दा जण हर इक्क खरे कम्मे जो करणे तांई त्यार होई जां।

2 तीमुथियुस 3:17 Iomraidhean Croise

प्रेरितां दे कम्म 9:36

याफा सैहरे च तबीता मतलब दोरकास नांऐ दी इक्क बसुआसणी रैंह्दी थी। सैह़ मते खरे-खरे कम्म कने गरीबां जो दान दिंदी थी।

2 कुरिन्थियों 9:8

परमात्मा तुहां जो हर किस्मां दा अनुग्रह मता सारा दिंदा ऐ। जिसते हर गल्ला च कने हर बग्त च, सब कुच्छ, जेह्ड़ा तुहां जो जरूरी ऐ, तुहां अल्ल रैंह्, कने हर इक्क खरे कम्मे तांई तुहां अल्ल बड़ा कुच्छ होणा चाइदा।

इफिसियों 2:10

क्जोकि अहां परमात्मे दे बणायो हन, कने यीशु मसीह च तिन्हां खरेयां कम्मां तांई बणायो हन जिन्हां जो परमात्मैं पैहल्ले ते अहां दे करणे तांई त्यार कित्यो।

1 तीमुथियुस 6:11

अपर हे परमात्मे दे जण तीमुथियुस, तू इन्हां गल्लां ते दूर होई जा, कने सच्चाई, परमात्मे दी भक्ति, मसीह पर बसुआस, लोकां नैं प्यार कने सबर कने नम्रता दा पीछा कर।

2 तीमुथियुस 2:21

तिंआं ई जे कोई बसुआसी अपणे आप्पे जो इन्हां बुरिआं चीज्जां ते लग्ग करगा, तां सैह़ तिस भांडे साइआं हुंगा, जिसियो खास मकसदे तांई इस्तेमाल करदे हन, जे तिसदी ज़िन्दगी पवित्र हुंगी, तां तिसदा मालक तिसियो खरे कम्मे तांई इस्तेमाल करगा।

तीतुस 1:16

सैह़ झूठे सिक्षक ग्लांदे हन कि अहां परमात्मे जो जाणदे हन, अपर अपणे कम्मां ते तिसदा इन्कार करदे हन। क्जोकि सैह़ घृणित कने हुक्मां नीं मन्नणे आल़े हन, कने कुसी खरे कम्मे जोग्गे नीं हन।

तीतुस 2:14

जेह्ड़ा अप्पु अहां तांई सूल़िया पर चढ़ी गिया, कि अहां जो हर किस्मा दिया बुराईया ते छड्डाई लैं, कने पापां ते सुद्ध करी नैं अप्पु तांई इक्क ऐदई प्रजा बणां जेह्ड़ी खरे कम्मां तांई पूरे जोशे नैं हमेसा त्यार रैंह्।

तीतुस 3:1

बसुआसी लोकां जो याद करांदा रैह् कि हाकमां कने अधिकारियां दे अधीन रैह़न, कने तिन्हां दे हुक्म मनन, कने हर इक्क खरे कम्मे तांई त्यार रैह़न।

इब्रानियों 10:24

अपणा प्यार, कने खरे कम्मां जो बधाणे तांई अहां इक्की दूये दी फिकर करदे रैह़न।

इब्रानियों 13:21

परमात्मा तुहां जो हर इक्क खरिया गल्ला च सिद्ध करैं, जिसते तुहां तिसदी इच्छा पूरी करन, कने जेह्ड़ा कुच्छ तिसियो खरा लगदा ऐ, तिसियो यीशु मसीह दे जरिये अहां च पूरा करैं। जिसदी महिमा जुगा-जुग हुंदी रैंह्। आमीन।