2 तीमुथियुस 3:15 - काँगड़ी

¹⁵ कने तू बचपणे ते ई पवित्रशास्त्रे जो जाणदा ऐ। कने एह़ तिज्जो तिस उद्धारे दा ज्ञान देई सकदा ऐ, जेह्ड़ा तिज्जो यीशु मसीह च बसुआस करणे दे जरिये मिलदा ऐ।

2 तीमुथियुस 3:15 Iomraidhean Croise

मत्ती 22:29

यीशुयैं तिन्हां जो जवाब दित्ता, तुहां पवित्रशास्त्रे कने परमात्मे दिया सामर्थी जो नीं जाणदे; इसा बज़ाह ते इसा भुल्ला च पैयो हन।

लूका 1:15

क्जोकि सैह़ परमात्मे दिया नजरा च म्हान हुंगा, कने अंगूरा दा रस कने सराब कदी नीं पींगा; कने अपणिया माँऊ दे पेटे ते ई पवित्र आत्मा दिया सामर्थी नैं भरोई जांगा।

लूका 2:40

कने जागत बडुंदा कने ताकतवर हुंदा कने ज्ञानवान होणा लग्गा; कने परमात्मे दी दया तिस पर थी।

लूका 24:27

ताह़लू यीशुयैं मूसा ते कने सारे भविष्यवक्ता ते सुरू करी नैं सारे पवित्रशास्त्र च अपणे बारे च लिखियां गल्लां दा मतलब तिन्हां जो समझाई दित्ता।

लूका 24:32

तिन्हां अप्पु च ग्लाया, “जाह़लू सैह़ रस्ते च अहां नैं गल्लां करा दा था कने पवित्रशास्त्र दा मतलब समझादा था, तां अहां दे मने च बड़ा जोश पैदा होएया।”

लूका 24:45

ताह़लू तिन्हीं पवित्रशास्त्र समझणे तांई तिन्हां दी मदत कित्ती,

यूहन्ना 5:47

अपर तुहां मूसा दे लिखेयां लेखा पर बसुआस नीं करदे, तां मेरेयां वचनां पर किंआं बसुआस करगे?”

प्रेरितां दे कम्म 10:43

तिसदी सारे भविष्यवक्ता गवाही दिंदे हन कि जेह्ड़ा कोई तिस पर बसुआस करगा, तिसियो तिस नांऐ दे जरिये पापां दी माफी मिलगी।”

प्रेरितां दे कम्म 13:29

जाह़लू तिन्हां तिसदे बारे च पवित्रशास्त्रे च लिखियां सारियां गल्लां पूरियां कित्तियां, तां तिसियो सूल़िया ते लौआई करी कब्रा च रखेया।

प्रेरितां दे कम्म 16:1

भिरी सैह़ दिरबे कने लुस्त्रा सैहरे च भी गेआ। तित्थु तीमुथियुस नांऐ दा इक्क चेला था, जेह्ड़ा बसुआसी यहूदनी जणासा दा जागत था, अपर तिसदा बुढ़ा यूनानी था।

प्रेरितां दे कम्म 17:2

पौलुस अपणिया रीतिया मताबक तिन्हां अल्ल गेआ, कने त्रै बिस्रामे आल़े दिन तिकर तिन्हां सौगी पवित्रशास्त्रां पर गल्लबात कित्ती;

प्रेरितां दे कम्म 26:24

जाह़लू पौलुस इस तरीके नैं जवाब दे दा था, तां फेस्तुस हाकम जोरे नैं ग्लाणा लग्गा, “हे पौलुस, तू पागल ऐ। मते ज्ञाने तिज्जो पागल करी दित्या ऐ।”

रोमियो 1:2

जिस सुसमाचारे तांई तिन्हीं पैहल्ले ते ई अपणे भविष्यवक्तां दे जरिये पवित्रशास्त्रे च,

रोमियो 16:26

अपर हुण परमात्मे दे हुक्मे दे मताबक भविष्यवक्तां दियां कताबां दे जरिये सारी जातिआं दे लोकां जो दस्सेया ऐ, कि बसुआसे नैं हुक्म मन्नणे आल़े होई जान।

रोमियो 2:27

जेह्ड़ा माणु सरीरे दा खतणा कराये बगैर व्यबस्था जो मनदा ऐ, सैह़ तुहां जो दोसी ठैहरांगा, जिन्हां अल्ल मूसा दी व्यबस्था ऐ कने जिन्हां दा खतणा होएया ऐ।

1 कुरिन्थियों 1:21

क्जोकि परमात्मे अपणे ज्ञाने मताबक एह़ दिख्या ऐ, कि एह़ संसार माणुये दे ज्ञाने दे जरिये तिसियो नीं जाणी सकदा, तिन्हीं अहां दे सुसमाचारे दे प्रचारे जो तिन्हां लोकां दे उद्धारे तांई इस्तेमाल कित्ता, जेह्ड़े बसुआस करदे हन, हलांकि कुच्छ इसियो मूर्खता दी गल्ल समझदे हन।

इफिसियों 6:4

तुहां च जितणे भी माँ-बुढ़े हन, अपणे बच्चेयां जो गुस्सा मत दुआ, अपर तिन्हां जो प्रभु दी सिक्षा कने तमीज्ज सखा, कने तिन्हां दा पालण-पोसण करा।

1 तीमुथियुस 4:13

जाह़लू तिकर मैं नीं औयें, ताह़लू तिकर वचन पढ़णे, सिक्षा दैणे कने सखाणे च लग्गी रैह्।

2 तीमुथियुस 1:1

मैं पौलुस जेह्ड़ा परमात्मे दी इच्छा ते यीशु मसीह दा प्रेरित ऐ; कने तिसा सदा दी ज़िन्दगिया दे वादे मताबक जेह्ड़ी यीशु मसीह पर बसुआस करणे दे जरिये मिलदी ऐ।

2 तीमुथियुस 1:5

मैं तेरिया माँऊ यूनीके दे तिस सच्चे बसुआसे जो भी याद करदा ऐ। कने तेरिया नानिया लोईसा दा बसुआस भी सैदेया था, मैं इसा गल्ला च पक्का ऐ कि सैई बसुआस तिज्जो च भी ऐ।

2 पतरस 3:16

तिंआं ई तिन्हीं अपणियां सारियां चिठ्ठियां च भी इन्हां गल्लां दी चर्चा कित्तियो ऐ, जिन्हां च कुच्छ गल्लां ऐदिआं हन जिन्हां जो समझणा औखा ऐ, जिन्हां जो अणपढ़ कने चंचल लोक बगाड़ी दिंदे हन जिंआं सैह़ पवित्रशास्त्रे दे कुच्छ हिस्सेयां जो भी बगाड़दे हन, जिसते सैह़ अपणे आप्पे दा नास करी लैंदे हन।

प्रकाशितवाक्य 19:10

ताह़लू मैं तिसदी अराधना करणे तांई तिसदे पैरां पेई गेआ। तिन्हीं मिन्जो ग्लाया, “दिक्ख, इआं मत कर, मैं तेरा कने तेरे भाऊआं दा संगी दास ऐ जेह्ड़े यीशुये दे गवाह पक्के हन। परमात्मे दी अराधना कर। क्जोकि यीशु दी गवाही भविष्यवाणी दी आत्मा ऐ।”