2 तीमुथियुस 3:14 - काँगड़ी

¹⁴ अपर तीमुथियुस इन्हां गल्लां पर जेह्ड़ियां तैं सिखियां हन, कने जिन्हां पर बसुआस कित्या ऐ, तू लगातार इन्हां गल्लां पर बसुआसे नैं अमल करदा रैह्; क्जोकि तू जाणदा ऐ, कि एह़ सच्चाई तिज्जो कुणी दस्सियो ऐ,

2 तीमुथियुस 3:14 Iomraidhean Croise

प्रेरितां दे कम्म 17:31

क्जोकि तिन्हीं इक्क दिन ठैहराया ऐ, जिस च सैह़ तिस माणुये दे जरिये धार्मिकता दे संसारे दा न्याय करणा, जिसियो तिन्हीं बणाया, कने तिसियो मरेयां च जिन्दा करी नैं इसा गल्ला दा सबूत सारे लोकां जो देई दित्ता ऐ।”

रोमियो 14:5

इसी तरीके नैं कोई तां इक्की दिने जो दूये ते बधी करी मनदा ऐ, कने कोई सारे दिनां जो इक्क साइआं मनदा ऐ। हर इक्क अपणे मने च मन्नी लैं, कि जेह्ड़ा सैह़ सोचदा ऐ, सैह़ ठीक ऐ।

कुलुस्सियों 2:2

मैं इसतांई मेहनत कित्ती, तांजे तिन्हां दा बसुआस मजबूत होई जां, कने सैह़ प्यारे नैं अप्पु च मिल्ली नैं रैह़न, मैं चांह़दा ऐ, सैह़ पूरा भरोसा रखन, क्जोकि तिन्हां अल्ल परमात्मे दे गुप्त रहस्य दी पूरी समझ ऐ, जेह्ड़ा यीशु मसीह अप्पु ऐ।

1 थिस्सलुनीकियों 1:5

क्जोकि अहां दे प्रभु यीशु मसीह दा सुसमाचार तुहां अल्ल ना सिर्फ ग्लाणे ते ई नीं, अपर पवित्र आत्मा दिया सामर्थी नैं, कने बड़े बसुआसे सौगी पुज्जया ऐ; जिंआं तुहां जाणदे हन, जाह़लू अहां तुहां सौगी थे, अहां तुहां दे भले दी खातर तुहां बिच्च कदेई ज़िन्दगी जीत्ती।

1 थिस्सलुनीकियों 2:13

इसतांई अहां भी परमात्मे दा धन्यावाद हमेसा करदे हन; कि जाह़लू अहां दे जरिये परमात्मे दे सुसमाचारे दा वचन तुहां सुणेया, तां तुहां तिसियो माणुआं दा नीं अपर परमात्मे दा वचन समझी नैं अपनाई लेआ, कने सच्च बिच्च एह़ सुसमाचारे दा वचन परमात्मे दे पास्से ते ऐ। कने सैह़ अपणे वचने दे जरिये तुहां दिया ज़िन्दगिया च जेह्ड़े मसीह पर बसुआस रखदे हन, कम्म करदा ऐ।

1 तीमुथियुस 4:16

इस बारे च चौकन्ना रैह् कि तू किंआं जीआ दा ऐ कने क्या सखा दा ऐ। इन्हां गल्लां जो लगातार करदा रैह्, क्जोकि जे इआं करदा रैंह्गा तां तू अपणा कने अपणे सुणने आल़ेआं दा भी उद्धार करगा।

2 तीमुथियुस 1:13

भरोसा रख कि जेह्ड़ी सच्ची सिक्षा तैं मिन्जो ते सुणी ऐ, सैह़ तिज्जो तांई उदारणे साइआं ऐ। तिसा जो बसुआसे कने प्यारे सौगी कर, क्जोकि जेह्ड़ा तू यीशु मसीह च इक्क ऐ।

2 तीमुथियुस 2:2

कने तैं यीशु मसीह दे बारे च जेह्ड़ियां सिक्षां मतेआं लोकां सामणै मिन्जो ते सुणियां हन। तां हुण मैं एह़ चांह़दा ऐ, कि सैई सिक्षां तिन्हां बसुआसी लोकां जो भी सखा, जिन्हां पर तू भरोसा रखदा ऐ; तांजे सैह़ बसुआसी भी तिन्हां सिक्षां जो दूयेयां लोकां जो सखाणे जोग्गे बणी जान।

2 तीमुथियुस 3:15

कने तू बचपणे ते ई पवित्रशास्त्रे जो जाणदा ऐ। कने एह़ तिज्जो तिस उद्धारे दा ज्ञान देई सकदा ऐ, जेह्ड़ा तिज्जो यीशु मसीह च बसुआस करणे दे जरिये मिलदा ऐ।

तीतुस 1:9

तिसियो यीशु मसीह दे बसुआसे आल़े वचनां पर मजबूतिया सौगी भरोसा करणा चाइदा, जेह्ड़ा अहां सखाया था। तांजे सैह़ दूयेयां जो ठीक सिक्षा मन्नणे तांई हिम्मत देई सकैं, कने दूयेयां दिया गलतिया जो ठीक करी सकैं।

इब्रानियों 10:22

तां ओआ, अहां परमात्मे दे नेड़े सच्चे मने कने पूरे बसुआसे सौगी जान, क्जोकि अहां दे मने दे अपराधां पर मसीह दा खून छिड़की नैं सरीर सुद्ध पांणिये नैं धोत्तेया ऐ तांजे अहां सुद्ध होई जान।

इब्रानियों 6:11

आलसी मत बणा। अपर मेहनत करणे आल़ेआं साइआं बणा, तुहां एह़ प्यारे दे कम्म सबर कने बसुआसे सौगी लगातार अन्त तिकर करदे रेह्आ, कने परमात्मे दे वादेयां जो पाणे तांई पक्की आसा रखा।