2 तीमुथियुस 3:12 - काँगड़ी

¹² एह़ गल्ल सच्च ऐ कि जेह्ड़े यीशु मसीह च सच्चाईया दी ज़िन्दगिया जीणे दा फैसला करदे हन, तिन्हां सारेयां पर जुल्म हुंगे;

2 तीमुथियुस 3:12 Iomraidhean Croise

मत्ती 16:24

ताह़लू यीशु अपणे चेलेयां नैं ग्लाणा लग्गा, “जेह्ड़ा कोई मिन्जो पचांह़ औणां चांह़दा ऐ, सैह़ अपणियां इच्छां जो छड्डी करी कने अपणे दुखां कने कष्टां दिया सूल़िया चुक्की नैं, मेरे पचांह़ चली पोयैं।

मत्ती 23:34

इसतांई मेरी सुणा, मैं तुहां अल्ल भविष्यवक्तां कने अक्लमंदा कने सास्त्री माणुआं जो घल्लदा ऐ। तिन्हां च कुच्छ लोकां दा तुहां खून करगे, कने कुच्छ लोकां जो सूल़िया पर टूंगगे, कने कुच्छ लोकां जो अपणे आराधनालयां च कोड़े मारगे कने इक्की सैहरे ते दूये सैहरे जो खदेड़दे फिरगे।

मरकुस 10:30

तिसियो इसा ज़िन्दगिया च सौ गुणा इनाम मिलगा। जेह्ड़ा माणु घराबारां कने भाऊआं-बैहणा कने माँ कने बाल-बच्चेयां कने जमीना जो मुसीबतां सौगी पांगा, तिस माणुये जो परलोक च सदा दी ज़िन्दगी जरूर मिलणी ऐ।

यूहन्ना 16:2

सैह़ तुहां जो आराधनालयां ते कड्डी दिंगे, अपर सैह़ बग्त ओआ दा ऐ, कि जेह्ड़ा कोई तुहां जो मारगा सैह़ समझगा कि मैं परमात्मे दी सेवा करदा ऐ।

यूहन्ना 16:33

मैं एह़ गल्लां तुहां नैं इसतांई ग्लाईयां हन, कि तुहां जो मिन्जो च सांति मिल्ले। अपर हौंसला रखा, क्जोकि मैं इस संसारे दे लोकां पर राज्ज करणे आल़े सैताने जो हराई दित्या ऐ।”

यूहन्ना 17:14

मैं तेरा वचन तिन्हां अल्ल पज्जाई दित्ता ऐ; कने संसारे दे लोकां तिन्हां नैं बैर कित्ता, क्जोकि जिंआं मैं संसारे दा नीं ऐ; तिंआं ई सैह़ भी संसार दे नीं हन।

प्रेरितां दे कम्म 14:22

कने हर इक्की सैहरे च चेलेयां दे मना जो मजबूत करदे रैह् कने एह़ सिक्षा दिंदे थे कि बसुआसे च बणी रेह्आ; कने एह़ ग्लांदे थे, “अहां जो मते दुख झेली करी परमात्मे दे राज्जे च प्रवेश करणा पोणा।”

1 कुरिन्थियों 15:19

जे अहां सिर्फ इसा ज़िन्दगिया च मसीह ते आस रखदे हन तां अहां इस संसारे दे सारे लोकां ते जादा अभागे हन।

2 कुरिन्थियों 1:12

अहां अपणिया समझा पर घमंड करदे हन, क्जोकि एह़ बिलकुल ठीक ऐ, कि संसारे च कने खास करी नैं तुहां बिच्च, अहां दा चाल-चलण परमात्मे दे जरिये दित्ती गेई पवित्रता कने सच्चाईया सौगी था, जेह्ड़ा संसारे दे ज्ञान ते नीं, अपर परमात्मे दे अनुग्रह सौगी था।

2 कुरिन्थियों 4:9

सताये तां जांदे हन, अपर त्यागे नीं जांदे, सट्टे तां जांदे हन, अपर नास नीं हुंदे।

1 तीमुथियुस 2:2

सारे राजेयां कने अधिकारी लोकां तांई प्रार्थना करेया करा तांजे अहां सुख-चैन सौगी रेई सकन तांजे अहां परमात्मे दी अराधना करन कने दूये लोकां सौगी खरा बर्ताब रखन।

1 तीमुथियुस 3:16

कने इस च कोई शक नीं ऐ, कि अहां दे बसुआसे च बड़ा गैहरा भेत ऐ: मसीह जेह्ड़ा माणु बणी करी आया, कने पवित्र आत्मा दस्सेया कि सैह़ सच्च बिच्च परमात्मे दा पुत्तर था, सुअर्गदूतां तिसियो दिख्या, सारे संसारे दे लोकां च तिसदे बारे च प्रचार होएया, संसारे दे लोकां तिस पर बसुआस कित्ता, कने परमात्मे तिसियो सुअर्गे च लेई गेआ।

1 तीमुथियुस 6:3

जे कोई झूठी सिक्षा दिंदा ऐ कने अहां दे प्रभु यीशु मसीह दे खरे संदेस, यानकि परमात्मे दी भक्ति दिया सिक्षा ते सेहमत नीं हुंदा,

तीतुस 1:1

मैं पौलुस जेह्ड़ा परमात्मे दा दास कने यीशु मसीह दा प्रेरित ऐ, तुहां जो एह़ चिठ्ठी लिखा दा ऐ। मैं परमात्मे दे चुणेयो लोकां दे बसुआसे जो मजबूत करणे तांई चुणेया ऐ, कने तिन्हां दी मदत करणे तांई तांजे सैह़ तिसा सच्चाईया जो जाणी करी ऐदई ज़िन्दगी जीन, जिसते परमात्मा खुस हुंदा ऐ।

तीतुस 2:12

इस अनुग्रह दे जरिये परमात्मा अहां जो चतौणी दिंदा ऐ, कि अहां तिस सभावे जो छड्डणा सीखन, जेह्ड़ा परमात्मे दी बेइज्जती करदा ऐ, कने अहां जो सारियां संसारिक चीज्जां दियां इच्छां जो भी छड्डणा चाइदा। अपर इसदिया जगाह इस बग्ते च अहां जो सबर कने पवित्र ज़िन्दगी जीणी चाइदी, जेह्ड़ी साबित करैं कि अहां परमात्मे दी इज्जत करदे हन।

1 पतरस 3:14

अपर जे तुहां धार्मिकता दिया बज़ाह ते दुख झेलदे हन, तां परमात्मा तुहां जो आसीष दिंगा; अपर जे कोई तुहां जो धमकी दैं, तिन्हां ते मत डरा कने मत घबरा,

2 पतरस 3:11

क्जोकि परमात्मा जरूर इन्हां सारियां चीज्जां जो नास करगा, ठीक तिंआं ई जिंआं मैं दस्सेया ऐ, तां तुहां जो अपणा चाल-चलण सैदेया रखणा चाइदा, जेह्ड़ा परमात्मे जो खुस करदा ऐ।

प्रकाशितवाक्य 12:4

तिसदी पूंछा अम्बरे दे तारेयां दा त्रीआ हिस्से जो खींजी करी धरतिया पर सट्टी दित्ता। सैह़ अजगर तिसा जणासा सामणै जेह्ड़ी गर्भवती थी, खड़ोई गेआ कि जाह़लू सैह़ बच्चा जम्मगी तां तिसादे बच्चे जो निगल़ी जां।

प्रकाशितवाक्य 7:14

मैं तिस नैं ग्लाणा लग्गा, “हे मालक, मिन्जो नीं पता अपर तू ई जाणदा ऐ।” तिन्हीं मिन्जो नैं ग्लाया, एह़ सैह़ लोक हन, जिन्हां दी मौत्त बड़े दुख झेलणे दिया बज़ाह ते होईयो थी कने जिन्हां मेम्ने दे बलिदाने दे जरिये परमात्मे दिया नजरा च अपणे आप्पे जो पवित्र करी लेआ ऐ।