2 तीमुथियुस 2:9 - काँगड़ी

⁹ क्जोकि इस सुसमाचारे जो सणाणे दिया बज़ाह मैं इक्क अपराधियै साइआं दुख झेलदा ऐ, ऐत्थु तिकर कि जेला च बंद भी ऐ, फिरी भी परमात्मे दे वचने जो फैलणे ते कोई नीं रोकी सकदा ऐ।

2 तीमुथियुस 2:9 Iomraidhean Croise

लूका 23:32

सैह़ होर दूँ माणुआं जो भी जेह्ड़े बुरे कम्म करदे थे यीशु सौगी सूल़िया पर टूंगणे तांई लेई गै।

प्रेरितां दे कम्म 21:33

ताह़लू सपाईयां दे सरदारे पौलुसे अल्ल आई करी तिसियो पकड़ी लेआ; कने दूँ सगल़ां नैं बन्नणे दी सलाह देई करी पुछणा लग्गा, “एह़ कुण ऐ कने इन्हीं क्या कित्या ऐ।”

प्रेरितां दे कम्म 28:31

कने जेह्ड़े तिस अल्ल ओंदे थे, तिन्हां सबना नैं मिलदा रेह्आ कने बिना रोक-टोक ते कने बड़ी हिम्मत रखी करी परमात्मे दे राज्जे दा प्रचार करदा कने प्रभु यीशु मसीह दियां गल्लां सखांदा रेह्आ।

प्रेरितां दे कम्म 9:16

कने मैं तिसियो दस्सगा, कि लोकां जो मेरे बारे च दस्सणे तांई तिसियो कदेया-कदेया दुख झेलणा पोंगा।”

इफिसियों 3:1

इसा बज़ाह ते मैं पौलुस तुहां तांई प्रार्थना करदा ऐ। मैं जेला च ऐ क्जोकि मैं तुहां होरनी जातिआं जो सुसमाचार सणाई नैं प्रभु यीशु मसीह तांई सेवा करदा ऐ —

फिलिप्पियों 1:17

अपर एह़ सैह़ झगड़ालू लोक हन, जेह्ड़े सुसमाचार दा प्रचार सच्चाईया नैं नीं, अपर अपणे मतलबे तांई मसीह दा सुसमाचार सणांदे हन, एह़ सोची नैं कि मिन्जो जेला च होर जादा परेसान करन।

फिलिप्पियों 1:7

ठीक ऐ कि मैं तुहां सारेयां तांई ऐदेया ई बचार करैं, क्जोकि मैं तुहां नैं बड़ा प्यार करदा ऐ, कने जाह़लू मैं जेला च ऐ कने सुसमाचारे दी रक्षा तांई कने सच्च साबित करणे च तुहां सारे मिन्जो सौगी परमात्मे दे अनुग्रह च साझी हन।

कुलुस्सियों 4:18

मैं पौलुस, अपणे हत्थे नैं इसा चिठ्ठिया च तुहां जो नमस्कार लिखदा ऐ। याद रखणा मैं जेला च ऐ, कने मिन्जो तांई प्रार्थना करा। तुहां पर परमात्मे दा अनुग्रह हुंदा रैंह्। आमीन।

कुलुस्सियों 4:3

कने इसदे सौगी-सौगी अहां तांई भी प्रार्थना करदे रेह्आ कि परमात्मे अहां तांई वचन सणाणे दा देहया मौका दैं, तांजे अहां मसीह दे तिस भेते जो समझाई सकन, जिसदिया बज़ाह ते मैं जेला च ऐ,

1 थिस्सलुनीकियों 1:8

तुहां दे जरिये घल्लेया गेआ परमात्मे दा वचन ना सिर्फ मकिदुनिया प्रदेस कने अखाया प्रदेसे च सणाया गेआ, कने बधदा गेआ, अपर तुहां दा बसुआस जेह्ड़ा परमात्मे पर ऐ, तिसदी एह़ चर्चा हर जगाह च फैली गेई, कि इसदे बारे च अहां जो ग्लाणे दी जरूरत ई नीं पेई।

2 थिस्सलुनीकियों 3:1

आखर च हे मेरे प्यारे साथी बसुआसियो, अहां तांई प्रार्थना करदे रेह्आ, कि अहां प्रभु यीशु मसीह दा सुसमाचार हर जगाह तौल़ी-तौल़ी फैलाई सकन, कने सारे लोक तिस सुसमाचारे पर बसुआस करन, जिंआं तुहां कित्ता,

2 तीमुथियुस 1:12

इस सुसमाचारे दिया बज़ाह ते मैं ऐत्थु जेला च भी इन्हां दुखां जो झेला दा ऐ, अपर भिरी भी सर्मांदा नीं, क्जोकि मैं मसीह जो जाणदा ऐ; जिस पर मैं बसुआस कित्या ऐ, कने मिन्जो पक्का पता ऐ कि ताह़लू तिकर सैह़ मेरे इस सुसमाचारे दी रखवाल़ी करी सकदा ऐ, जाह़लू तिकर सैह़ बापस नीं ओंदा।

2 तीमुथियुस 1:16

उनेसिफुरूसे दे परवारे पर प्रभु दया करैं, क्जोकि तिन्हीं मिन्जो अल्ल आई नैं मती बरी मेरी मदत कित्ती, कने सैह़ ऐत्थु जेला च मिन्जो नैं मिल्ली करी सर्मिंदा नीं होएया।

2 तीमुथियुस 1:8

इसा बज़ाह ते तू दूये लोकां जो अहां दे प्रभु यीशु मसीह दे बारे च दस्सणे ते मत सर्मा, कने ना ई मेरिया बज़ाह ते जेह्ड़ा तिस सुसमाचारे दिया सेवा तांई जेला च ऐ। अपर तुहां जो परमात्मे दिया तिसा सामर्थी दा इस्तेमाल करणा चाइदा ऐ, जेह्ड़ी सैह़ तुहां जो दिंदा ऐ कने तुहां जो मिन्जो सौगी तिन्हां दुखां च सामिल होई जाणा चाइदा, जेह्ड़े मैं सुसमाचारे दिया बज़ाह ते झेला दा ऐ।

2 तीमुथियुस 2:3

यीशु मसीह दे खरे सपाईये साइआं मिन्जो सौगी दुखां जो झेल।

2 तीमुथियुस 4:17

अपर प्रभु मिन्जो सौगी रेह्आ, कने मिन्जो सामर्थ दित्ती, तांजे मेरे जरिये पूरा-पूरा प्रचार होयैं, कने सारे होरनी जातिआं दे लोक भी सुणी लैंन, क्जोकि तिन्हीं मिन्जो मौत्ती दे मुँऐ ते बचाया ऐ।

1 पतरस 2:12

जेह्ड़े लोक परमात्मे पर बसुआस नीं करदे, सैह़ तुहां जो एह़ ग्लाई नैं बदनाम करी सकदे हन, कि तुहां गलत करा दे हन, अपर तुहां ऐदई ज़िन्दगी जीआ, जिसते सैह़ तुहां च खरियां गल्लां दिक्खन, कने जाह़लू प्रभु यीशु मसीह इस संसारे च बापस ओंगा, तां सैह़ ताह़लू परमात्मे जो महिमा दैन।

1 पतरस 2:14

या कोई हाकम, क्जोकि सैह़ तां घल्लेयो हन, जेह्ड़े गलत करदे हन तिन्हां जो सज़ा देई सकन, कने जेह्ड़े खरा करदे हन तिन्हां दी तारीफ करी सकन।

1 पतरस 3:16

कने अपणे जमीरे जो भी सुद्ध रखा, इसतांई कि जिन्हां गल्लां दे बारे च तुहां दी बदनामी हुंदी ऐ. तिन्हां दे बारे च सैह़ जेह्ड़े मसीह च तुहां दे खरे चाल-चलणे दा अपमान करदे हन, सैह़ सर्मिंदा होन।

1 पतरस 4:15

अपर तुहां च कोई भी खूनिये, या इक्क चोरे साइआं, बुरे कम्म करणे आल़े साइआं, या दूये दे कम्मां च दखल-अंदाजी आल़े साइआं दुख नीं झेलैं।