2 तीमुथियुस 2:7 - काँगड़ी

⁷ इन्हां उदारणा दे बारे च जरा सोचा कि एह़ क्या सखांदे हन, कने प्रभु इन्हां जो समझणे तांई तुहां दी मदत करगा।

2 तीमुथियुस 2:7 Iomraidhean Croise

लूका 21:15

क्जोकि मैं तुहां जो ऐदेय सब्द कने अक्ल दिंगा कि तुहां दे सब बरोधी सामणा या बरोध नीं करी सकगे।

लूका 24:45

ताह़लू तिन्हीं पवित्रशास्त्र समझणे तांई तिन्हां दी मदत कित्ती,

लूका 9:44

“तुहां तिन्हां सारियां गल्लां जो ध्याने नैं सुणा, क्जोकि मैं माणुये दा पुत्तर माणुआं दे हत्थे च पकड़ुणे आल़ा ऐ।”

यूहन्ना 14:26

अपर सहायक मतलब पवित्र आत्मा जिसियो पितैं मेरे नांऐ ते घल्लगा, सैह़ तुहां जो सारियां गल्लां सखांगी, कने जेह्ड़ा कुच्छ मैं तुहां नैं ग्लाया ऐ, सैह़ सारा तुहां जो याद करांगी।”

यूहन्ना 16:13

अपर जाह़लू सैह़, मतलब सच्च दा आत्मा ओंगी, जेह्ड़ा पवित्र आत्मा ऐ, कने परमात्मे दी सच्चाईया जो प्रगट करदा ऐ, तां तुहां जो भी सच्चाईया दा रस्ता दस्सगा, क्जोकि सैह़ अपणिया तरफा ते नीं अपर जेह्ड़ा कुच्छ परमात्मे ते सुणगा सैई दस्सगी, कने ओणे आल़िआं गल्लां तुहां नैं दस्सगा।

प्रेरितां दे कम्म 7:10

कने परमात्मे यूसुफे जो सारे दुखां ते छड्डाई करी मिस्र दे राजा फिरौन राजे दिया नजरा च अनुग्रह कने अक्ल प्रदान कित्ती, कने फिरौन राजैं यूसुफे जो पूरे मिस्र देसे पर कने अपणे घराने दा हाकम बणाई दित्ता।

1 कुरिन्थियों 12:8

क्जोकि परमात्मे दा आत्मा इक्की माणुये जो बुद्धिया दियां गल्लां सणाणे दा वरदान दिंदा ऐ, कने सैई आत्मा दूयेयां जो ज्ञाने दियां गल्लां सणाणे दा वरदान दिंदी ऐ।

फिलिप्पियों 4:8

इसतांई आखर च हे प्यारे साथी बसुआसियो, तुहां अपणा ध्यान तिन्हां गल्लां पर लग्गा, जेह्ड़ियां-जेह्ड़ियां गल्लां सच्च हन, कने जेह्ड़ियां-जेह्ड़ियां गल्लां इज्जता आल़िआं हन, कने जेह्ड़ियां-जेह्ड़ियां गल्लां खरियां हन, कने जेह्ड़ियां-जेह्ड़ियां गल्लां पवित्र हन, कने जेह्ड़ियां-जेह्ड़ियां गल्लां छैल़ हन, कने जेह्ड़ियां-जेह्ड़ियां मने भाणे आल़िआं हन। कने तुहां दा मन तिन्हां गल्लां पर लग्गी रैंह्, जेह्ड़ियां उत्तम कने तरीफां दियां गल्लां हन।

कुलुस्सियों 1:9

इसा बज़ाह ते जिस दिन ते एह़ सुणेया ऐ, अहां भी तुहां तांई एह़ प्रार्थना करणा नीं छड्डेया कने एह़ विणती करदे हन कि तुहां पूरे आत्मिक ज्ञान कने समझा च परमात्मे दी इच्छा दे सारे ज्ञाने च भरोंदे जा,

1 तीमुथियुस 4:15

इन्हां गल्लां च बफादार बणी करी ध्याने नैं करदा रैह् तांजे तेरी तरक्की सारे लोक दिक्खी सकन।

2 तीमुथियुस 2:6

जेह्ड़ा किसान मेहनत करदा ऐ, फसला दे पैहल्ले हिस्से पर तिसदा हक्क हुंदा ऐ।

2 तीमुथियुस 2:8

यीशु मसीह जो लगातार याद रखा, जेह्ड़ा राजा दाऊदे दे वंशे ते पैदा होएया, कने परमात्मे तिसियो मरेयां ते जिन्दा कित्ता, कने ऐई सुसमाचार ऐ, जेह्ड़ा मैं लोकां जो सणांदा ऐ।

इब्रानियों 12:3

इसतांई यीशु दियां गल्लां पर ध्यान करा, जिन्हीं पापियां दे जरिये दित्ते गै डरौणे दुख इसतांई झेले, कि तुहां दुखी होई नैं हिम्मत नीं छड्डी दैन।

इब्रानियों 13:7

जेह्ड़े तुहां दे अगुऐ थे, कने जिन्हां तुहां जो परमात्मे दा वचन सणाया ऐ। तिन्हां जो याद रखा, कने ध्याने नैं तिन्हां दिया ज़िन्दगिया जो दिक्खा, कि किंआं तिन्हां अपणी ज़िन्दगी जी, कने सैह़ मरने तिकर परमात्मे दे बसुआसे च बफादार बणी रैह्। इसतांई अहां जो भी तिंआं ई तिस पर बसुआस करणा चाइदा जिंआं तिन्हां कित्या था।

इब्रानियों 3:1

इसतांई हे प्यारे साथी बसुआसियो, तुहां परमात्मे नैं मिलणे तांई सद्देयो गै हन, यीशु पर ध्यान देआ, जेह्ड़ा अहां तांई परमात्मे दा संदेस लेई करी ओणे आल़ा दूत कने महायाजक ऐ।

इब्रानियों 7:4

हुण इसा गल्ला पर ध्यान करा कि मलिकिसिदक कितणा म्हान था जिसियो अहां दे पूर्वज अब्राहमें लड़ाईया च जीत्ती करी लंदियां सारी चीज्जां दा दसमा हिस्सा दित्ता।

याकूब 1:5

अपर जे तुहां च कुसी जो बुद्धिया दी कमी होयैं, तां सैह़ परमात्मे ते प्रार्थना करी नैं मंगे, जेह्ड़ा बिना कुच्छ ग्लाये खुसिया नैं दिंदा ऐ; कने परमात्मा सबना जो दिंदा ऐ।

याकूब 3:15

इस तरीके दा ज्ञान सैह़ नीं, जेह्ड़ा सुअर्गे ते मिल्लेया ऐ, अपर संसारिक, कने सारीरिक, कने सैतानी ऐ।

याकूब 3:17

अपर जेह्ड़ा ज्ञान सुअर्गे ते मिलदा ऐ सैह़ पैहल्लैं तां पवित्र हुंदा ऐ, भिरी मिलणसार, नरम, खरा लगणे आल़ा, दया, कने खरे-खरे फल़ां नैं भरोया, बगैर भेदभाव, कने बगैर कपटा ते हुंदा ऐ।

1 यूहन्ना 5:20

अहां एह़ भी जाणदे हन, कि परमात्मे दा पुत्तर यीशु मसीह इस संसारे च आई गेआ ऐ कने तिन्हीं अहां जो समझ दित्तियो ऐ, कि अहां तिस सच्चे परमात्मे जो पणछैणन; कने अहां तिस च जेह्ड़ा सच्च ऐ, मतलब तिसदे पुत्तर यीशु मसीह च रैंह्दे हन। सच्चा परमात्मा कने सदा दी ज़िन्दगी ऐई ऐ।