2 तीमुथियुस 2:4 - काँगड़ी

⁴ इक्क सपाई अपणे कम्मे जो छड्डी करी होर कोई कम्म नीं करदा, क्जोकि सैह़ अपणे बड्डे अफसरे जो खुस करणा चांह़दा ऐ, कने अपणे आप्पे जो संसारे दे कम्मां च नीं फसांदा।

2 तीमुथियुस 2:4 Iomraidhean Croise

लूका 8:14

जेह्ड़े बीई झुड़ां बसुन्टां च पैयो हन, एह़ सैह़ माणु हन, जेह्ड़े वचन सुणदे तां हन, अपर गांह चली करी फिकर, कने धन, कने ज़िन्दगिया दे सुख विलासे च फंसी जांदे हन, कने तिन्हां दा फल़ नीं पकदा।

2 कुरिन्थियों 5:9

इसा बज़ाह ते अहां दे मने दी आस एह़ ऐ कि चाहे अहां तिस सौगी सुअर्गे च रैह़न चाहे ऐत्थु धरतिया च रैह़न, अपर अहां प्रभु जो खुस करदे रैह़न।

गलातियों 5:1

मसीयैं अहां जो मूसा दिया व्यबस्था दिया गुलामिया ते अजाद कित्या ऐ। तां इसा अजादिया च बणी रेह्आ, कने कुसी जो भी एह़ मौका मत देआ कि सैह़ भिरी तुहां जो दुवारी व्यबस्था दा गुलाम बणाई लैन।

1 थिस्सलुनीकियों 2:4

अपर जिंआं परमात्मैं अहां जो इस जोग्गा समझी करी सुसमाचार दित्या ऐ, इसतांई अहां माणुआं जो नीं, अपर अहां दे मना जो परखणे आल़े परमात्मे जो खुस करणे तांई सिक्षा दिंदे हन।

2 तीमुथियुस 4:10

क्जोकि देमासें इस संसारे दियां चीज्जां जो प्यारा समझी करी मिन्जो छड्डी दित्ता ऐ, कने थिस्सलुनीक सैहरे जो चली गेआ। कने क्रेसकेंस गलातिया प्रदेसे जो कने तीतुस दलमतिया प्रदेसे जो चली गेआ ऐ।

2 पतरस 2:20

जाह़लू लोक प्रभु यीशु मसीह जो अपणा प्रभु कने उद्धारकर्ता मन्नेया था, ताह़लू तिन्हीं तिन्हां जो इस संसारे दिया बुराईया ते बचाई लेआ था। अपर हुण भिरी दुवारी सैह़ तिन्हां बुरे कम्मां च फंसी गियो हन, जेह्ड़े तिन्हां जो अपणे बसे च रखदे हन, इसतांई हुण तिन्हां दी हालत पैहल्ले ते भी बड़ी बुरी होई गियो ऐ।