2 तीमुथियुस 2:3 - काँगड़ी

³ यीशु मसीह दे खरे सपाईये साइआं मिन्जो सौगी दुखां जो झेल।

2 तीमुथियुस 2:3 Iomraidhean Croise

प्रेरितां दे कम्म 23:31

तां जिंआं तिन्हां सपाईयां जो हुक्म दित्या था, तिंआं ई पौलुसे जो रातों-रात लेई करी अन्तिपत्रिस सैहरे च लेई आये।

1 कुरिन्थियों 13:7

सैह़ सारियां गल्लां झेली लैंदा ऐ, सारियां गल्लां दा बसुआस करदा ऐ, सारियां गल्लां दी आस रखदा ऐ, सारियां गल्लां च सबर रखदा ऐ।

1 कुरिन्थियों 9:7

कुण सपाई ऐदेया ऐ, जेह्ड़ा सेना च सेवा करी नैं अपणा खर्च अप्पु भुगतान करदा ऐ? कुण ऐ, जेह्ड़ा अंगूरा दे बागे जो लगांदा तां ऐ, अपर अप्पु तिसदा फल़ नीं खांदा? या कुण ऐदेया गुआल़ा ऐ, जेह्ड़ा भेड्डां दी रखवाल़ी करी नैं तिन्हां दा दुद नीं पींदा?

2 कुरिन्थियों 1:6

जे अहां पर मुसीबत ओंदी ऐ, तां एह़ अहां दी सांति कने उद्धारे तांई ऐ। कने जे अहां सांति पांदे हन, तां एह़ तुहां दी सांति तांई ऐ। जिसदे प्रभावे ते तुहां सबर रखी नैं तिन्हां मुसीबतां जो झेली लैंदे हन, जिन्हां जो अहां भी झेलदे हन।

1 तीमुथियुस 1:18

हे मेरे पुत्तर तीमुथियुस, मैं तिज्जो एह़ सलाह दिंदा ऐ, कि तू भविष्यवक्ता दियां ग्लाईयां गल्लां याद कर कि तिज्जो नैं क्या होणा ऐ। तिज्जो तिसदियां ग्लाईयां गल्लां जो तिन्हां झूठी सिक्षा दैणे आल़े लोकां दे खलाफ हत्थयारां साइआं इस्तेमाल करणा जरूरी ऐ।

2 तीमुथियुस 1:1

मैं पौलुस जेह्ड़ा परमात्मे दी इच्छा ते यीशु मसीह दा प्रेरित ऐ; कने तिसा सदा दी ज़िन्दगिया दे वादे मताबक जेह्ड़ी यीशु मसीह पर बसुआस करणे दे जरिये मिलदी ऐ।

2 तीमुथियुस 1:8

इसा बज़ाह ते तू दूये लोकां जो अहां दे प्रभु यीशु मसीह दे बारे च दस्सणे ते मत सर्मा, कने ना ई मेरिया बज़ाह ते जेह्ड़ा तिस सुसमाचारे दिया सेवा तांई जेला च ऐ। अपर तुहां जो परमात्मे दिया तिसा सामर्थी दा इस्तेमाल करणा चाइदा ऐ, जेह्ड़ी सैह़ तुहां जो दिंदा ऐ कने तुहां जो मिन्जो सौगी तिन्हां दुखां च सामिल होई जाणा चाइदा, जेह्ड़े मैं सुसमाचारे दिया बज़ाह ते झेला दा ऐ।

2 तीमुथियुस 2:10

ऐई बज़ाह ऐ, कि मैं तिन्हां लोकां दे फायदे तांई दुख झेला दा ऐ जिन्हां जो परमात्मे चुणेया ऐ, तांजे सैह़ भी प्रभु यीशु मसीह पर बसुआस करन, कने उद्धार कने तिसा महिमा जो हासल करन जेह्ड़ी सदा तांई ऐ।

2 तीमुथियुस 2:9

क्जोकि इस सुसमाचारे जो सणाणे दिया बज़ाह मैं इक्क अपराधियै साइआं दुख झेलदा ऐ, ऐत्थु तिकर कि जेला च बंद भी ऐ, फिरी भी परमात्मे दे वचने जो फैलणे ते कोई नीं रोकी सकदा ऐ।

2 तीमुथियुस 3:11

कने तुहां जाणदे हन, कि अन्ताकिया, इकुनियुम कने लुस्त्रा सैहरे च मिन्जो पर लोकां कितणा जुल्म कित्ता, कने किंआं मैं तित्थु तिन्हां जुल्मां जो झेलेया; अपर प्रभुयैं मिन्जो तिन्हां सारेयां ते छड्डाई लेआ।

2 तीमुथियुस 4:5

अपर तू सारियां गल्लां ते चौकन्ना रैह्, कने दुख झेल, सुसमाचार सणाणे दा कम्म कर, कने अपणिया सेवा जो पूरा कर।

फिलेमोन 1:2

कने बैहण अफफिया, कने अहां दे साथी योद्धा अरखिप्पुस कने फिलेमोन दे घरे दी कलीसिया दे नांऐ पर चिठ्ठी लिखा दा ऐ:

इब्रानियों 10:32

तुहां तिन्हां पचांह़ आल़ेआं दिनां जो याद करा, जाह़लू तुहां मसीह दे वचने दी जोत्ती पाई, तां तुहां दुखे दिया बड़िया मुसीबता जो झेलणे च मजबूत रैह्।

इब्रानियों 11:27

बसुआसे ते ई राजे दे गुस्से ते नीं डरी करी मूसैं मिस्र देसे जो छड्डी दित्ता, क्जोकि सैह़ जाणी गेआ, कि सैह़ अणदिखे परमात्मे जो दिक्खा दा ऐ।

इब्रानियों 6:15

कने अब्राहमे मते साल्लां तिकर सबर रखी करी परमात्मे दे वादे दिया आसीषां जो पाया।

याकूब 1:12

धन ऐ सैह़ माणु, जेह्ड़ा परीक्षा च पक्का रैंह्दा ऐ, क्जोकि सैह़ परीक्षा च सफल होई नैं सदा दी ज़िन्दगिया दा सैह़ मुकट पांगा जेह्ड़ा वादा परमात्मे अपणे प्यार करणे आल़ेआं नैं कित्या ऐ।