2 तीमुथियुस 2:26 - काँगड़ी

²⁶ कने एह़ लोक दुवारी भिरी खरे कित्ते सोचणे काबल होई जांगे, कने सैताने जो मन्नणे ते कने तिसदिया चलाकिया ते जेह्ड़ी इक्क फंदे साइआं ऐ, छुटी जांगे।

2 तीमुथियुस 2:26 Iomraidhean Croise

लूका 11:21

जाह़लू ताकतवर माणु हत्थयार लेई नैं अपणे घरे दा पैहरा करदा ऐ, तां तिसदी धन दौलत बची रैंह्दी ऐ।

लूका 15:17

ताह़लू तिसदियां अखीं खुलियां तां सोचणा लग्गा, मेरे बुढ़े दे घरैं कितणे मजदूर कम्म करदे कने तिन्हां जो रोटी मिलदी ऐ, अपर मैं ऐत्थु भुखा मरा दा ऐ।

लूका 5:10

कने जबदिये दे पुत्तर याकूब कने यूहन्ने जो भी जेह्ड़े तिस सौगी थे एह़ दिक्खी करी हरानगी होई। ताह़लू यीशु शमौने नैं ग्लाणा लग्गा, “डर मत हुण जिंआं तू मच्छियां पकड़दा था, तिंआं ई अज्जे दे बाद तैं माणु परमात्मे तांई सिष्य बणाणे हन।”

यूहन्ना 13:2

जाह़लू यीशु कने तिसदे चेले राती दा खाणा- खाणा बैठेयो थे, ताह़लू सैताने शमौने दे पुत्तरे यहूदा इस्करियोतिये दे मने च एह़ गल्ल पाई चुकेया था कि यीशुये जो पकड़ुआं,

यूहन्ना 13:27

यहूदैं जाह़लू रोटी दा टुकडा खादा तां यीशुयैं तिस नैं ग्लाया, “जेह्ड़ा तू करणे आल़ा ऐ, तौल़ी कर।” तिसी बग्त सैतान तिस च समाई गेआ।

प्रेरितां दे कम्म 26:18

कि तिन्हां दी अखीं खोलणे, कने नेहरे ते कड्डी करी जोतिया च कने सैताने दे हक्के ते परमात्मे दे राज्जे च लेई ओन। कि सैह़ पापां ते माफी पाई सकन, कने तिन्हां सामणै आई जान, जेह्ड़े मिन्जो च बसुआस दे जरिये परमात्मे तांई लग्ग कित्यो हन।’

प्रेरितां दे कम्म 5:3

ताह़लू पतरसैं ग्लाया, “हे हनन्याह। सैताने तेरे मने च एह़ गल्ल क्जो पाई कि तू पवित्र आत्मा नैं झूठ ग्लां, कने जमीना दे पैसेयां च कुच्छ अप्पु तांई रखी लै?

1 कुरिन्थियों 15:34

सतर्क होई जा, कने पाप करणा छड्डी देआ। क्जोकि तुहां च कुच्छ लोक ऐदेय हन जेह्ड़े परमात्मे जो नीं जाणदे, मैं तुहां जो सर्मिंदा करणे तांई एह़ ग्लादा ऐ।

2 कुरिन्थियों 2:11

तांजे सैतान अहां दा कुसी भी गल्ला च फायदा ना लेई सकैं। क्जोकि अहां तिसदियां योजनां जो जाणदे हन।

इफिसियों 5:14

इसतांई इक्क काहवत ऐ, जेह्ड़ी एह़ दस्सदी ऐ, “हे सोणे आल़े, जाग! कने मुड़देयां ते जिन्दा होई जा; तां मसीह अपणिया जोतिया जो तिज्जो पर चमकांगा।”

कुलुस्सियों 1:13

क्जोकि परमात्मे अहां जो सैताने दे बसे ते छड्डाई करी अपणे प्यारे पुत्तरे दे राज्जे च लेई अंदा ऐ।

1 तीमुथियुस 1:20

मैं हुमिनयुसे कने सिकन्दरे जो कलीसिया ते कड्डी दित्या ऐ कने तिन्हां जो सैताने दे बसे च देई दित्या ऐ, तांजे सैह़ लोक समझी जान कि तिन्हां जो परमात्मे दी निंदा नीं करणी चाइदी।

1 तीमुथियुस 3:7

कने कलीसिया दे बाहरे आल़े लोकां च भी तिसदी इज्जत होणी चाइदी, तांजे सैह़ बेइज्जत होई नैं सैताने दे फंदे च नीं फंसी जां।

प्रकाशितवाक्य 12:9

ताह़लू सैह़ बड्डा अजगर, कने सैई पराणा सर्प जेह्ड़ा इबलीस कने सैतान ऐ कने सारे संसारे जो भरमाणे आल़ा ऐ, धरतिया पर सट्टी दित्ता, कने तिसदे दूत तिस सौगी सट्टी दित्ते,