2 तीमुथियुस 2:25 - काँगड़ी

²⁵ कने जेह्ड़े तिसदा बरोध करदे हन, तिन्हां जो तिसियो बड़ी सरीफिया नैं समझाणा चाइदा, होई सकदा ऐ सायद परमात्मा तिन्हां जो सच्चाईया जो जाणने दा कने तिस पास्से फिरणे दा मौका दैं,

2 तीमुथियुस 2:25 Iomraidhean Croise

मत्ती 11:29

मेरा जुंगल़ा अपणे ऊपर चुक्की लेआ, कने मिन्जो ते सीखा; क्जोकि मैं नम्र कने मने च दीन ऐ, कने तुहां अपणे मने च अराम पांगे।

मत्ती 21:32

क्जोकि बपतिस्मा दैणे आल़ा यूहन्ना धार्मिकता दे रस्ते च होई नैं तुहां अल्ल आया, कने तुहां तिसदा बसुआस नीं कित्ता, अपर चुंगी लैणे आल़ेआं कने वैश्यां तिसदा बसुआस कित्ता। कने तुहां एह़ दिक्खी नैं बादे च भी नीं पछताये कि तिसदा बसुआस करी लैंदे।

मरकुस 1:15

कने ग्लाया, “बग्त पूरा होईया, कने परमात्मे दा राज्ज नेड़े आईआ ऐ। मने जो बदला कने परमात्मे दे सुसमाचारे पर बसुआस करा।”

यूहन्ना 5:34

अपर मैं अपणे बारे च माणु दी गवाही नीं चांह़दा; भिरी भी मैं एह़ गल्लां इसतांई ग्लांदा ऐ, कि तुहां उद्धार पान।

प्रेरितां दे कम्म 11:18

एह़ सुणी करी यहूदी बसुआसी चुप रैह्, कने परमात्मे दी तरीफ करणा लग्गे, “ताह़लू तां परमात्मैं होरनी जातिआं जो भी सदा दी ज़िन्दगी तांई पापां ते मन बदलणे दा कने यीशु मसीह पर बसुआस करणे दा दान दित्ता ऐ।”

प्रेरितां दे कम्म 2:38

पतरस तिन्हां नैं ग्लाणा लग्गा, “मने बदला, कने तुहां च हर इक्क अपणे-अपणे पापां दी माफी तांई यीशु मसीह दे नांऐ ते बपतिस्मा लैंगे; तां तुहां पवित्र आत्मा दा दान पांगे।

प्रेरितां दे कम्म 20:21

अपर यहूदी कने यूनानी माणुआं सामणै गवाही दिंदा रेह्आ कि परमात्मे दे पास्से मन बदला, कने अहां दे प्रभु यीशु मसीह पर बसुआस करा।

प्रेरितां दे कम्म 5:21

प्रेरित एह़ सुणी करी भ्याग हुंदे ई मंदरे च आई करी सिक्षा दैणा लग्गे। ताह़लू महायाजक कने तिसदे साथियां आई करी महासभा जो कने इस्राएली लोकां दे सारे स्याणेयां जो किठ्ठा कित्ता, कने जेला च संदेसा घल्लेया कि तिन्हां जो लेई ओआ।

प्रेरितां दे कम्म 5:31

तिसियो परमात्मैं प्रभु कने उद्धार करणे आल़ा ठैहराई नैं, अपणे सज्जे पास्से बड़ी ऊची पदवी दित्तियो ऐ, कि सैह़ इस्राएली लोकां जो मन बदलणे कने पापां दी माफी देई सकैं।

प्रेरितां दे कम्म 8:22

इसतांई अपणी इसा बुराईया ते मन बदली करी प्रभु नैं प्रार्थना कर, होई सकदा ऐ तेरे मने दे बुरे बचार माफ कित्ते जान।

गलातियों 6:1

हे प्यारे साथी बसुआसियो, जे इक्क माणु पाप करदे पकड़ेया जां, तां तुहां जो जिन्हां दी अगुआई पवित्र आत्मा करदा ऐ, एह़ करणा चाइदा, कि बड़ी सरीफिया नैं तिसियो धार्मिकता दे रस्ते पर बापस लेयोणे तांई तिसदी मदत करा, कने अपणा भी ध्यान रखा कि तुहां भी परीक्षा च नीं पोन, जिसते कि तुहां ते भी पाप होई जां।

1 तीमुथियुस 2:4

कने परमात्मा चांह़दा ऐ कि सारे लोक उद्धार पान, कने सच्चाईया जो जाणन,

1 तीमुथियुस 6:11

अपर हे परमात्मे दे जण तीमुथियुस, तू इन्हां गल्लां ते दूर होई जा, कने सच्चाई, परमात्मे दी भक्ति, मसीह पर बसुआस, लोकां नैं प्यार कने सबर कने नम्रता दा पीछा कर।

2 तीमुथियुस 3:7

कने एह़ जणासां हमेसा नौईआं गल्लां सिखदियां हन अपर मसीह दिया सच्चाईया जो कदी नीं समझी सकदियां।

तीतुस 1:1

मैं पौलुस जेह्ड़ा परमात्मे दा दास कने यीशु मसीह दा प्रेरित ऐ, तुहां जो एह़ चिठ्ठी लिखा दा ऐ। मैं परमात्मे दे चुणेयो लोकां दे बसुआसे जो मजबूत करणे तांई चुणेया ऐ, कने तिन्हां दी मदत करणे तांई तांजे सैह़ तिसा सच्चाईया जो जाणी करी ऐदई ज़िन्दगी जीन, जिसते परमात्मा खुस हुंदा ऐ।

तीतुस 3:2

कुसी जो भी बदनाम मत करा, झगड़ालू मत बणा; अपर दूये लोकां पर दया करा, कने सारे लोकां सौगी बड़े नरम सभावे नैं रेह्आ।

याकूब 1:17

क्जोकि हर इक्क खरा वरदान कने हर इक्क बड़ा उत्तम दान परमात्मे दे पास्से ते मिलदा ऐ, जेह्ड़ा जोतियां दा पिता ऐ। कने परमात्मा हमेसा इक्को देहया ई ऐ, कने सैह़ ढोरे साइआं नीं बदलदा।

1 पतरस 3:15

अपर मसीह जो प्रभु समझी नैं अपणे-अपणे मने च पवित्र समझा। जेह्ड़ा कोई तुहां ते तुहां दी आसा दे बारे च कुच्छ पुछैं, जेह्ड़ी अहां सारे बसुआसी अप्पु च साझी करदे हन, तां हमेसा तिसादे बारे च नम्रता कने डरे सौगी जवाब दैणे तांई त्यार रेह्आ,

1 यूहन्ना 5:16

जे कोई अपणे बसुआसी भाऊये जो ऐदेया पाप करदे दिक्खन, जिसदा नतीजा मौत्त ना होयैं, तां विणती करैं, कने परमात्मे तिसियो तिन्हां तांई, जिन्हां ऐदेया पाप कित्ता ऐ जिसदा नतीजा मौत्त ना होयैं, ज़िन्दगी दिंगा। पाप देहया भी हुंदा ऐ जिसदा नतीजा मौत्त ऐ; इसदे बारे च मैं विणती करणे तांई नीं ग्लांदा।