2 तीमुथियुस 2:24 - काँगड़ी

²⁴ प्रभु दे दासे जो झगड़ालू नीं होणा चाइदा। अपर सैह़ सबना सौगी सरीफिया नैं कने परमात्मे दे वचने जो खरे तरीके नैं सखाणे आल़ा कने सबर रखणे आल़ा होणा चाइदा।

2 तीमुथियुस 2:24 Iomraidhean Croise

मत्ती 12:19

सैह़ ना झगड़ा करगा, कने ना धूम मचांगा, कने ना बजारां च ऊचिया उआज़ा च डींगा मारी नैं भाषण दिंगा।

यूहन्ना 6:52

इसा गल्ला पर यहूदी लोक एह़ ग्लाई नैं अप्पु च बुड़बुड़ाणा लग्गे, “एह़ माणु किंआं अहां जो अपणा सरीर खाणे जो देई सकदा ऐ?”

प्रेरितां दे कम्म 15:2

जाह़लू पौलुसे कने बरनबासे दी तिन्हां सौगी बड़ी लड़ाई कने बैंह्सबाजी होई तां एह़ ठैहराया गेआ कि पौलुस कने बरनबास कने तिन्हां ते कुच्छ माणु इन्हां गल्लां दे बारे च चर्चा करणे तांई प्रेरितां कने स्याणेयां अल्ल यरूशलेम सैहरे जो जान।

प्रेरितां दे कम्म 23:9

ताह़लू बड़ा सोर सराबा होणा लग्गा कने कुच्छ सास्त्री जेह्ड़े फरीसी माणु थे, उठी करी खड़ोई गै कने एह़ ग्लाई करी लड़णा लग्गे, “अहां इस माणुये च कोई बुराई नीं पांदे, कने होई सकदा ऐ, कि सायद पवित्र आत्मा या अप्पु सुअर्गदूतैं इस नैं गल्लां कित्तियां होन।”

प्रेरितां दे कम्म 7:26

दूये दिने जाह़लू सैह़ अप्पु च लड़ा दे थे, तां सैह़ तित्थु आई रेह्आ; कने एह़ ग्लाई करी तिन्हां दा मेल करवाणा लग्गा, ‘हे माणुओ, तुहां तां भाऊ-भाऊ हन, इक्की-दूये पर क्जो अन्याय करदे हन?’

2 कुरिन्थियों 10:1

मैं सैई पौलुस जेह्ड़ा तुहां सामणै दीन ऐ, अपर पिठ्ठी पचांह़ तुहां दे पास्से हिम्मत करदा ऐ। तुहां जो मसीह दी नम्रता कने कोमलता दिया बज़ाह ते मेरियां गल्लां सुणने तांई विणती करदा ऐ।

2 कुरिन्थियों 10:4

क्जोकि अहां दे हत्थयार जिन्हां नैं अहां लड़दे हन, सैह़ संसारिक नीं हन, अपर दुश्मणा दे गढ़ां जो ढाई दैणे तांई परमात्मे दे ताकतवर हत्थयार हन।

2 कुरिन्थियों 6:4

अपर हर गल्ला च अहां एह़ साबित करदे हन, कि अहां परमात्मे दे सच्चे सेवक हन। अहां अपणे खरे गुण दस्सी करी बड़िया हिम्मता सौगी दुखां झेलणे च, मुसीबतां च, खतरेयां च,

गलातियों 5:22

अपर पवित्र आत्मा दा फल़ प्यार, खुसी, सांति, सबर, दया, भलाई, बसुआस,

इफिसियों 4:2

सारी दीनता कने नम्रता सौगी, कने सबर रखी करी प्यारे नैं इक्की दूये दे बर्ताबे जो झेली लेआ;

फिलिप्पियों 2:14

सारा कम्म बगैर बुड़बुड़ाये कने बगैर झगड़े दे करदे रेह्आ,

फिलिप्पियों 2:3

अपणे फायदे तांई कने घमंड नैं कुच्छ भी मत करा, अपर दीनता नैं इक्की दूये जो अपणे ते जादा अच्छा समझा।

कुलुस्सियों 3:13

कने जे कुसी जो कुसी पर दोस लगाणे दी कोई बज़ाह होयैं, तां इक्की दूये दी झेली लेआ कने इक्की दूये दे अपराधां जो माफ करा; जिंआं प्रभुयैं तुहां दे अपराध माफ कित्ते, तिंआं ई तुहां भी करा।

1 थिस्सलुनीकियों 2:7

अपर जिंआं माँ अपणे बच्चेयां जो पाल़दी पोसदी ऐ, तिंआं ई अहां भी तुहां बिच्च रेई करी नरम सभाव दस्सेया ऐ;

1 तीमुथियुस 6:11

अपर हे परमात्मे दे जण तीमुथियुस, तू इन्हां गल्लां ते दूर होई जा, कने सच्चाई, परमात्मे दी भक्ति, मसीह पर बसुआस, लोकां नैं प्यार कने सबर कने नम्रता दा पीछा कर।

तीतुस 1:1

मैं पौलुस जेह्ड़ा परमात्मे दा दास कने यीशु मसीह दा प्रेरित ऐ, तुहां जो एह़ चिठ्ठी लिखा दा ऐ। मैं परमात्मे दे चुणेयो लोकां दे बसुआसे जो मजबूत करणे तांई चुणेया ऐ, कने तिन्हां दी मदत करणे तांई तांजे सैह़ तिसा सच्चाईया जो जाणी करी ऐदई ज़िन्दगी जीन, जिसते परमात्मा खुस हुंदा ऐ।

तीतुस 1:7

क्जोकि अगुआ परमात्मे दा भण्डारी होणे दिया बज़ाह ते बेकसूर होणा चाइदा; ना जिद्द करणे आल़ा, ना गुस्सा करणे आल़ा, ना पियक्कड़, ना मारपीट करणे आल़ा, कने ना नीच कमाईया दा लालची होयैं,

तीतुस 1:9

तिसियो यीशु मसीह दे बसुआसे आल़े वचनां पर मजबूतिया सौगी भरोसा करणा चाइदा, जेह्ड़ा अहां सखाया था। तांजे सैह़ दूयेयां जो ठीक सिक्षा मन्नणे तांई हिम्मत देई सकैं, कने दूयेयां दिया गलतिया जो ठीक करी सकैं।

तीतुस 3:2

कुसी जो भी बदनाम मत करा, झगड़ालू मत बणा; अपर दूये लोकां पर दया करा, कने सारे लोकां सौगी बड़े नरम सभावे नैं रेह्आ।

याकूब 1:1

मैं याकूब जेह्ड़ा परमात्मे दा कने प्रभु यीशु मसीह दा दास एह़ चिठ्ठी तिन्हां बारांह गोत्रां जो लिखदा ऐ, जेह्ड़े संसारे च तितर-बितर होई नैं रैंह्दे हन, मेरा तिन्हां जो नमस्कार।

याकूब 3:17

अपर जेह्ड़ा ज्ञान सुअर्गे ते मिलदा ऐ सैह़ पैहल्लैं तां पवित्र हुंदा ऐ, भिरी मिलणसार, नरम, खरा लगणे आल़ा, दया, कने खरे-खरे फल़ां नैं भरोया, बगैर भेदभाव, कने बगैर कपटा ते हुंदा ऐ।

याकूब 4:2

तुहां इच्छा रखदे हन, अपर तुहां जो मिलदा नीं; इसतांई तुहां खून करणे तांई त्यार रैंह्दे हन। कने दूयेयां दी चीज्जां दा बड़ा लालच करदे हन, अपर इआं करणे ते तुहां जो कुच्छ नीं मिलदा इसतांई तुहां झगड़दे कने लड़दे हन। तुहां जो इसतांई नीं मिलदा कि परमात्मे ते नीं मंगदे।

1 पतरस 3:8

आखर च मैं तुहां सबना जो एह़ ग्लाणा चांह़दा ऐ, कि तुहां सारे इक्क मन होई नैं रेह्आ, कने इक्की दूये पर दया करा, इक्की दूये नैं प्यार रखा, भलाई करा कने नम्र बणा।

यहूदा 1:3

हे मेरे प्यारे साथी बसुआसियो, हलांकि मैं परमात्मे दे उद्धारे दे बारे च बड़ी मेहनत करी नैं तुहां जो लिखा दा था, जिस च अहां सारे साझी हन, मैं तुहां जो एह़ लिखणे तांई मजबूर होएया, कि तुहां जो सच्चाईया दी लड़ाई लड़णे तांई हौंसला देई सकैं। परमात्मैं अपणे लोकां जो एह़ सच्चाई इक्क ई बरी देई दित्तियो, जेह्ड़ी कदी नीं बदलदी।