2 तीमुथियुस 2:22 - काँगड़ी

²² तिन्हां बुरिआं चीज्जां ते अप्पु जो दूर रख, जिन्हां जो जुआन माणु करणा चांह़दे हन, कने जेह्ड़े लोक साफ मने नैं प्रभु दी अराधना करदे हन, तिन्हां सौगी-सौगी सच्चाईया नैं, बसुआस नैं, कने प्यार नैं भी मेल-जोल बणाई नैं रख।

2 तीमुथियुस 2:22 Iomraidhean Croise

प्रेरितां दे कम्म 7:59

सैह़ सित्फनुस पर पत्थर मारदे रैह्, कने सैह़ एह़ ग्लाई करी प्रार्थना करदा रेह्आ, “हे प्रभु यीशु, मेरी आत्मा जो कबूल कर।”

प्रेरितां दे कम्म 9:14

कने इसियो प्रधान याजकां ते एह़ हक्क दित्या ऐ, कि जेह्ड़े लोक तिज्जो पर बसुआस करदे हन, तिन्हां सारेयां जो बन्दी बणाई करी यरूशलेम सैहरे जो लेई जा।”

रोमियो 14:17

क्जोकि परमात्मे दा राज्ज च खाणा-पीणा इतणी जरूरी गल्ल नीं ऐ, अपर जरूरी गल्ल एह़ ऐ, कि परमात्मे सौगी धर्मी ज़िन्दगी जीणा, सांति कने खुसी ऐ, जेह्ड़ी पवित्र आत्मा दे जरिये मिलदी ऐ।

रोमियो 14:19

इसतांई अहां तिन्हां गल्लां दी कोसस करदे रैह़न जिन्हां ते लोक अप्पु च मिल्ली जुली नैं रैह़न, कने इक्की दूये जो बसुआसे च मजबूत करन।

1 कुरिन्थियों 1:10

हे प्यारे साथी बसुआसियो, मैं तुहां नैं अहां दे प्रभु यीशु मसीह दे नांऐ नैं विणती करदा ऐ कि तुहां सारे इक्की दूये नैं सेहमत होआ, तांजे तुहां च बैर नीं पोयैं, अपर अपणे मकसदां कने इरादेयां च इक्क मन होई नैं मिल्ली करी रेह्आ।

1 कुरिन्थियों 1:2

मैं एह़ चिठ्ठी परमात्मे दी तिसा कलीसिया दे नांऐ पर लिखा दा जेह्ड़े कुरिन्थुस सैहरे च रैंह्दे हन, मतलब तिन्हां दे नांऐ पर जेह्ड़े यीशु मसीह च पवित्र कित्ते गै, कने पवित्र होणे तांई सद्देयो हन; कने तिन्हां सारेयां दे नांऐ पर भी जेह्ड़े हर जगाह अहां दे कने अपणे प्रभु यीशु मसीह दे नांऐ नैं प्रार्थना करदे हन।

1 कुरिन्थियों 10:14

इसा बज़ाह ते, हे मेरे प्यारे साथी बसुआसियो, मूर्तिपूजा करणे ते बची रेह्आ।

1 कुरिन्थियों 14:1

इक्की दूये नैं प्यार करणे दी कोसस करा, कने आत्मिक वरदानां दी इच्छा करदे रेह्आ, खास करी नैं एह़, कि परमात्मे दा वचन सणा।

1 कुरिन्थियों 6:18

ब्यभिचारे ते दूर रेह्आ। माणुये दे जरिये कित्ते गै होर पाप तिसदे सरीरे ते बाहर हन, अपर ब्यभिचार करणे आल़ा अपणे सरीरे दे खलाफ पाप करदा ऐ।

1 तीमुथियुस 1:14

यीशु मसीह च अहां दे प्रभु दा मता सारा अनुग्रह बसुआसे कने प्यारे नैं मिन्जो पर होएया।

1 तीमुथियुस 1:5

इस हुक्मे दा मकसद एह़ ऐ कि तुहां साफ मन, साफ अन्तर आत्मा कने सच्चे बसुआसे सौगी इक्की दूये नैं प्यार करा।

1 तीमुथियुस 2:8

इसतांई मैं चांह़दा ऐ कि हर जगाह सभां च मरद हत्थां जो ऊपर चुक्की करी बगैर कुसी गुस्से कने बैंह्सबाजी नैं प्रार्थना करा करैं।

1 तीमुथियुस 4:12

इस तरीके नैं बर्ताब कर कोई भी तेरी जुआनिया दिया बज़ाह ते तेरी बेइज्जती नीं करैं, अपर तिज्जो अपणे सब्दां च जेह्ड़ा तू ग्लांदा ऐ, अपणे चाल-चलण च, प्यारे च, मसीह दे बसुआस च, कने पवित्र ज़िन्दगिया च बसुआसी लोकां तांई खरा उदारण बण।

1 तीमुथियुस 6:11

अपर हे परमात्मे दे जण तीमुथियुस, तू इन्हां गल्लां ते दूर होई जा, कने सच्चाई, परमात्मे दी भक्ति, मसीह पर बसुआस, लोकां नैं प्यार कने सबर कने नम्रता दा पीछा कर।

इब्रानियों 12:14

सबना नैं मेल-जोल रखा, कने पवित्र ज़िन्दगी जीणे तांई हर तरीके नैं कोसस करदे रेह्आ। जिसदे बगैर कोई भी प्रभु जो कदी नीं दिक्खी सकदा।

1 पतरस 2:11

हे प्यारे साथी बसुआसियो, मैं तुहां नैं विणती करदा ऐ कि तुहां अपणे आप्पे जो परदेसी कने मुसाफिर जाणी करी तिन्हां संसारे दियां बुरिआं इच्छां ते बची रेह्आ, क्जोकि सैह़ तुहां दे खलाफ लड़ाई करदियां हन।

1 पतरस 3:11

तिसियो बुरे कम्म करणा छड्डी दैणे चाइदे, कने तिसदिया जगाह तिसियो खरे कम्म करणे चाइदे। कने दूयेयां सौगी मेल-जोल कने सांतिया नैं रैहणे तांई मेहनत करणी चाइदी।

3 यूहन्ना 1:11

हे मेरे प्यारे बसुआसी भाऊ, बुराईया दे नीं अपर भलाईया दे पचांह़ चल। जेह्ड़े भलाई करदे हन, सैह़ परमात्मे दे पास्से ते हन। अपर जेह्ड़ा बुराई करदा ऐ, तिन्हीं परमात्मे जो नीं दिख्या।