2 तीमुथियुस 2:21 - काँगड़ी

²¹ तिंआं ई जे कोई बसुआसी अपणे आप्पे जो इन्हां बुरिआं चीज्जां ते लग्ग करगा, तां सैह़ तिस भांडे साइआं हुंगा, जिसियो खास मकसदे तांई इस्तेमाल करदे हन, जे तिसदी ज़िन्दगी पवित्र हुंगी, तां तिसदा मालक तिसियो खरे कम्मे तांई इस्तेमाल करगा।

2 तीमुथियुस 2:21 Iomraidhean Croise

प्रेरितां दे कम्म 9:15

अपर प्रभु यीशुयैं तिस नैं ग्लाया, “तू चली जा; क्जोकि सैह़ तां होरनी जातिआं कने राजेयां, कने इस्राएली लोकां दे सामणै मेरे बारे च दस्सणे तांई मेरा चुणेया जण ऐ।

1 कुरिन्थियों 5:7

जिंआं यहूदी अपणे घरां ते फसह दा त्योहार मनाणे ते पैहल्लैं सारा खमीर कड्डी दिंदे हन, तिंआं ई तुहां जो भी इस बुरे माणुये जो इसा कलीसिया ते कड्डी दैणा चाइदा, तां तुहां इक्क ताजी रोटिया साइआं हुंगे, जेह्ड़ी बिना खमीरे ते बणियो ऐ, कने असल च तुहां ऐई हन। क्जोकि अहां दे फसह दा त्योहार असल च मसीह दे बलिदाने दे जरिये पूरा होएया ऐ।

2 कुरिन्थियों 7:1

हे प्यारे साथी बसुआसियो, जाह़लू अहां नैं एह़ वादे कित्ते, तां ओआ, अहां अपणे आप्पे जो सरीर कने आत्मा दिया सारी बुराईया ते दूर रखन, कने परमात्मे दा डर मन्नी करी पवित्र ज़िन्दगी जीणे दी कोसस करन।

2 कुरिन्थियों 9:8

परमात्मा तुहां जो हर किस्मां दा अनुग्रह मता सारा दिंदा ऐ। जिसते हर गल्ला च कने हर बग्त च, सब कुच्छ, जेह्ड़ा तुहां जो जरूरी ऐ, तुहां अल्ल रैंह्, कने हर इक्क खरे कम्मे तांई तुहां अल्ल बड़ा कुच्छ होणा चाइदा।

इफिसियों 2:10

क्जोकि अहां परमात्मे दे बणायो हन, कने यीशु मसीह च तिन्हां खरेयां कम्मां तांई बणायो हन जिन्हां जो परमात्मैं पैहल्ले ते अहां दे करणे तांई त्यार कित्यो।

1 तीमुथियुस 6:11

अपर हे परमात्मे दे जण तीमुथियुस, तू इन्हां गल्लां ते दूर होई जा, कने सच्चाई, परमात्मे दी भक्ति, मसीह पर बसुआस, लोकां नैं प्यार कने सबर कने नम्रता दा पीछा कर।

2 तीमुथियुस 2:16

संसारिक कने बेकार दियां गल्लां ते दूर रेह्आ, क्जोकि जेह्ड़े लोक इन्हां गल्लां च सामिल हुंदे हन, सैह़ परमात्मे ते होर भी दूर होई जांदे हन।

2 तीमुथियुस 2:20

बड्डेयां घरां च ना सिर्फ सोन्ने चाँदी दे, अपर लकड़िया कने चिक्का दे भांडे भी हुंदे हन; कुच्छ भांडे खास मकसदे तांई कने कुच्छ भांडे आम मकसदे तांई इस्तेमाल हुंदे हन।

2 तीमुथियुस 3:17

तांजे परमात्मे दा जण हर इक्क खरे कम्मे जो करणे तांई त्यार होई जां।

2 तीमुथियुस 4:11

सिर्फ लूका मिन्जो सौगी ऐ। तू ओंदे बग्त मरकुसे जो भी अपणे सौगी लेई करी औयेयां; क्जोकि सेवा तांई सैह़ मेरे बड़े कम्मे दा ऐ।

तीतुस 3:1

बसुआसी लोकां जो याद करांदा रैह् कि हाकमां कने अधिकारियां दे अधीन रैह़न, कने तिन्हां दे हुक्म मनन, कने हर इक्क खरे कम्मे तांई त्यार रैह़न।

तीतुस 3:14

कने अहां दे लोक भी जरूरतां जो पूरियां करणे तांई खरेयां कम्मां च लग्गी रैहणा सीखन, तांजे कुच्छ कम्माई सकन।

तीतुस 3:8

एह़ गल्लां सच्चियां हन, कने मैं चांह़दा ऐ कि तू इन्हां गल्लां दे बारे च मजबूतिया नैं सखा। इसतांई कि जिन्हां परमात्मे दे रस्ते जो दिख्या कने बसुआस कित्या ऐ, सैह़ खरे-खरे कम्मां च लग्गी रैहणे दा ध्यान रखन। एह़ गल्लां खरियां कने लोकां दे फायदे दियां हन।

1 पतरस 1:22

क्जोकि तुहां सच्चाईया जो मन्नणे दे जरिये पवित्र कित्ते गै, तां हुण तुहां जो अपणे बसुआसी भाऊआं सौगी प्यार करणा चाइदा, इक्की दूये नैं लगातार मन लाई नैं कने बड़ी इमानदारिया नैं प्यार करदे रेह्आ।

1 पतरस 1:7

इन्हां दुखां दा मकसद एह़ दस्सणा ऐ कि तुहां सच्च बिच्च परमात्मे पर भरोसा रखदे हन कि नीं, तुहां दा यीशु मसीह पर बसुआस सोन्ने ते भी बड़ा जादा कीमती ऐ, ठीक तिंआं ई जिंआं इक्क नास होणे आल़ा सोन्ना अग्गी च परखेया जांदा ऐ, तांजे तुहां दा बसुआस भी इन्हां दुखां दे बावजूद मजबूत रैंह्, तां यीशु मसीह दे बापस ओणे आल़े दिने च एह़ तुहां तांई तारीफ, महिमा कने आदरे दी बज़ाह हुंगा।

1 यूहन्ना 3:3

कने जेह्ड़ा कोई मसीह पर एह़ आस रखदा ऐ, सैह़ अपणे आप्पे जो तिंआं ई पवित्र करदा ऐ, जिंआं सैह़ पवित्र ऐ।