2 तीमुथियुस 2:2 - काँगड़ी

² कने तैं यीशु मसीह दे बारे च जेह्ड़ियां सिक्षां मतेआं लोकां सामणै मिन्जो ते सुणियां हन। तां हुण मैं एह़ चांह़दा ऐ, कि सैई सिक्षां तिन्हां बसुआसी लोकां जो भी सखा, जिन्हां पर तू भरोसा रखदा ऐ; तांजे सैह़ बसुआसी भी तिन्हां सिक्षां जो दूयेयां लोकां जो सखाणे जोग्गे बणी जान।

2 तीमुथियुस 2:2 Iomraidhean Croise

मत्ती 13:52

तिन्हीं तिन्हां नैं ग्लाया, “इसतांई हर इक्क सास्त्री जेह्ड़ा सुअर्गे दे राज्जे दा चेला बणेया ऐ, तिस घरे दे मालके साइआं ऐ जेह्ड़ा अपणे भण्डारे ते नौईआं कने पराणियां चीज्जां कड्डदा ऐ।”

मत्ती 24:25

दिक्खा, मैं पैहल्ले ते तुहां नैं एह़ सब कुच्छ ग्लाई दित्ता ऐ।

लूका 12:42

प्रभुयैं ग्लाया, “सैह़ बसुआसे जोग्गा कने अक्लमंद भण्डारी कुण ऐ, जिसियो मालकैं नौकरां चाकरां पर अधिकारी बणाया कि तिन्हां जो खाणे दी समग्री दैं।

1 कुरिन्थियों 4:2

इसतांई एह़ जरूरी ऐ, कि जिसियो एह़ जिम्मेवारी दित्तियो, सैह़ बफादार होयैं।

2 कुरिन्थियों 2:14

अपर परमात्मे दा धन्यावाद होयैं, क्जोकि मसीह च अहां दी एकता दिया बज़ाह ते सैह़ अहां जो हमेसा अप्पु सौगी चलांदा ऐ, कने अहां जो जीत्त दिंदा ऐ। कने परमात्मा मसीह दे ज्ञाने जो इक्क मिठ्ठी खुसबुया साइआं अहां दे जरिये हर जगाह फैलांदा ऐ।

2 कुरिन्थियों 3:5

अहां एह़ नीं ग्लांदे कि अहां अल्ल अपणे आप्पे च कुच्छ करणे दा हुनर ऐ, अपर अहां दा हुनर तां परमात्मे दिया तरफा ते ऐ।

कुलुस्सियों 1:7

तिसदी सिक्षा तुहां अहां दे प्यारे साथी इपफ्रासे ते सिखियो ऐ, जेह्ड़ा अहां सौगी मसीह च बसुआसे जोग्गा सेवक ऐ।

1 तीमुथियुस 1:12

मैं अपणे प्रभु यीशु मसीह दा धन्यावाद करदा ऐ, कि तिन्हीं मिन्जो सामर्थ दित्ती, कने मिन्जो बसुआसे जोग्गा समझी नैं अपणिया सेवा तांई चुणेया।

1 तीमुथियुस 1:18

हे मेरे पुत्तर तीमुथियुस, मैं तिज्जो एह़ सलाह दिंदा ऐ, कि तू भविष्यवक्ता दियां ग्लाईयां गल्लां याद कर कि तिज्जो नैं क्या होणा ऐ। तिज्जो तिसदियां ग्लाईयां गल्लां जो तिन्हां झूठी सिक्षा दैणे आल़े लोकां दे खलाफ हत्थयारां साइआं इस्तेमाल करणा जरूरी ऐ।

1 तीमुथियुस 4:14

सैह़ वरदान जेह्ड़ा भविष्यवाणी दे जरिये स्याणेयां दे हत्थ रखदे बग्त तिज्जो मिल्लेया था, तिसियो तिज्जो लगातार इस्तेमाल करणा चाइदा।

1 तीमुथियुस 4:6

जे तू बसुआसियां जो लगातार इन्हां गल्लां दी याद दिलांदा रैंह्गा, कने जिंआं बसुआस कने तिसा खरिया सिक्षा दियां गल्लां ते, जेह्ड़ियां तू मनदा आया ऐ, तेरा पालण पोसण करदा ऐ, तां तू यीशु मसीह दा खरा सेवक बणगा।

1 तीमुथियुस 5:22

कुसी पर बड़ी तौल़ी हत्थ रखी करी अगुऐ मत बणांदा, कने जे तू एह़ करदा ऐ तां तू दूयेयां दे पापां दा साझीदार हुंगा; अपणे आप्पे जो पवित्र बणाई रख।

1 तीमुथियुस 6:12

जिंआं इक्क खरा सपाई लड़ाईया च लड़ाई करणा कदी नीं छड्डदा, तिंआं ई तिज्जो भी परमात्मे पर बसुआस करणा कने तिसदे पचांह़ चलणा कदी नीं छड्डणा चाइदा। तांजे तू अपणे इनामे दे रूपे च सदा दी ज़िन्दगिया जो पाई सकैं, जिस तांई तू सद्देया गेआ, जाह़लू तैं मते लोकां सामणै साफ-साफ ग्लाया था, कि तू मसीह पर बसुआस करदा ऐ।

2 तीमुथियुस 3:10

अपर तीमुथियुस तैं मेरिया सिक्षा, चाल-चलण, मकसद, बसुआस, सेहनसक्ति, प्यार, सबर, कने जुल्म होणे पर कने दुखां च मेरा साथ दित्ता।

2 तीमुथियुस 3:14

अपर तीमुथियुस इन्हां गल्लां पर जेह्ड़ियां तैं सिखियां हन, कने जिन्हां पर बसुआस कित्या ऐ, तू लगातार इन्हां गल्लां पर बसुआसे नैं अमल करदा रैह्; क्जोकि तू जाणदा ऐ, कि एह़ सच्चाई तिज्जो कुणी दस्सियो ऐ,

इब्रानियों 2:17

इसा बज़ाह ते तिस जो चाइदा था, कि सारियां गल्लां च अपणे दूयेयां लोकां साइआं बणैं; जिसते सैह़ तिन्हां गल्लां च जेह्ड़ियां परमात्मे नैं रिस्ता रखदियां हन, इक्क दयालू कने बसुआसे जोग्गा महायाजक बणैं तांजे लोकां जो पापां ते माफी देई सकैं।