2 तीमुथियुस 2:16 - काँगड़ी

¹⁶ संसारिक कने बेकार दियां गल्लां ते दूर रेह्आ, क्जोकि जेह्ड़े लोक इन्हां गल्लां च सामिल हुंदे हन, सैह़ परमात्मे ते होर भी दूर होई जांदे हन।

2 तीमुथियुस 2:16 Iomraidhean Croise

1 कुरिन्थियों 15:33

जेह्ड़े एह़ गल्लां ग्लांदे हन तिन्हां दे जरिये मूर्ख मत बणा, “बुरी संगति खरे चाल-चलणे जो बगाड़ी दिंदी ऐ।”

1 कुरिन्थियों 5:6

तुहां जो घमंड करणा खरा नीं; क्या तुहां नीं जाणदे कि थोड़ा देहया खमीर पूरे गुन्नेयो आटे जो खमीर बणाई दिंदा ऐ।

1 तीमुथियुस 1:9

अहां जाणदे हन कि मूसा दी व्यबस्था धार्मिक लोकां तांई नीं ऐ, अपर अपवित्र लोकां तांई कने परमात्मे दे बरोध करणे आल़े तांई ऐ, कने परमात्मे जो नीं मन्नणे आल़े कने हमेसा पाप करणे आल़े लोकां तांई, बुरे लोकां कने परमात्मे दी बेइज्जती करणे आल़े लोकां तांई, अपणे माँ-बुढ़े कने दूये लोकां दे हत्यारेयां तांई ऐ,

1 तीमुथियुस 4:7

अपर तिन्हां बेकार कने पूर्वजां दियां मनगढ़ंत काहणियां ते दूर रैह्, जिन्हां ते परमात्मे दी इज्जत नीं हुंदी, बल्कि अपणे आप्पे जो सारियां गल्लां च परमात्मे जो मन्नणा सीख।

1 तीमुथियुस 6:20

हे तीमुथियुस, तू एह़ निस्चा कर जेह्ड़ा परमात्मे तिज्जो दित्या ऐ कि तू सैई करदा ऐ। कने तिन्हां लोकां दी मत सुणदा जेह्ड़े हमेसा मूर्ख गल्लां करदे हन, जिन्हां नैं परमात्मे दी इज्जत नीं हुंदी ऐ कने बेकार च बैंह्स करदे हन, कने सैह़ ग्लांदे हन, कि एह़ ज्ञान ऐ, अपर सच्च बिच्च एह़ नीं ऐ।

2 तीमुथियुस 2:14

जेह्ड़ियां गल्लां मैं तिज्जो दस्सियां हन, तिन्हां जो अपणे लोकां जो भुलणा मत दिंदा, कने प्रभु दी मौजूदगिया च जेह्ड़ा इक्क गवाह ऐ। तिज्जो तिन्हां जो चतौणी दैणी चाइदी, कि सब्दां दे मतलबां जो लेई करी बैंह्सबाजी नीं करणी चाइदी, जिसा जो करणे ते कुच्छ फायदा नीं हुंदा, अपर सुणने आल़े लोकां तांई बड़ा बड्डा नकसान ई हुंदा ऐ।

2 तीमुथियुस 2:21

तिंआं ई जे कोई बसुआसी अपणे आप्पे जो इन्हां बुरिआं चीज्जां ते लग्ग करगा, तां सैह़ तिस भांडे साइआं हुंगा, जिसियो खास मकसदे तांई इस्तेमाल करदे हन, जे तिसदी ज़िन्दगी पवित्र हुंगी, तां तिसदा मालक तिसियो खरे कम्मे तांई इस्तेमाल करगा।

2 तीमुथियुस 3:13

अपर दुष्ट कने धोखा दैणे आल़े लोक होर भी जादा बुरे कम्म करगे, सैह़ दूये लोकां जो धोखा दिंगे, कने सैह़ अप्पु भी दूयेयां ते धोखा खांगे।

तीतुस 1:11

ऐदेयां लोकां जो सिक्षा दैणे दी इजाजत मत देआ, क्जोकि जाह़लू सैह़ ऐदई सिक्षा दिंदे हन, जेह्ड़ी तिन्हां जो नीं दैणी चाइदी, क्जोकि एह़ लोक सारे परवारां दा बसुआस नास करदे हन, सैह़ एह़ तां करदे हन कि पैसा हासल करी सकन।

तीतुस 1:14

तुहां यहूदियां दी मनगढ़ंत काहणियां कने तिन्हां माणुआं दे हुक्मां पर मन नीं लगाणा, जेह्ड़े सच्चाईया ते भटकी गियो हन।

तीतुस 3:9

अपर मूर्खता दिया बैंह्सबाजिया ते, कने पूर्वजां दियां मनगढ़ंत काहणिया ते, दुश्मणी ते, कने तिन्हां झगड़ेयां ते जेह्ड़े मूसा दिया व्यबस्था दे बारे च होन, बची करी रेह्आ, क्जोकि तिन्हां गल्लां दा कोई फायदा नीं कने मतलब दियां नीं हन।

इब्रानियों 12:15

तुहां चौकनै रेह्आ, कोई भी माणु परमात्मे दे अनुग्रह बगैर नीं रेई जां। ध्यान देआ, कि तुहां च बेबसुआसे दी कोड़ी जड़ निकल़ी करी तकलीफ नीं दैं, जिसते कि सैह़ लोक परमात्मे दे सच्चे रस्ते दूर होई जान।

2 पतरस 2:18

एह़ घमंडे नैं भरोईयां बेकार दियां गल्लां नैं तिन्हां लोकां जो लुचपण दे कम्मां दे जरिये सरीरे दियां इच्छां च फंसाई लैंदे हन, जेह्ड़े रस्ते ते भटकेयां लोकां ते बाल-बाल बची करी निकल़ी आएयो हन।

2 पतरस 2:2

मते लोक तिन्हां झूठे सिक्षकां साइआं रिस करगे, जिन्हां दिया बज़ाह ते सच्चाईया दे रस्ते दी निंदा कित्ती जांगी।

प्रकाशितवाक्य 13:14

तिन्हां अनोखे कम्मां दिया बज़ाह ते, जिन्हां जो तिस पैहल्ले जंगली जानवरे सामणै दस्सणे दा हक्क तिसियो दित्या था, सैह़ संसारे दे लोकां जो इआं भरमांदा था कने तिन्हां जो ग्लांदा था कि जिस जंगली जानवरे पर तलवारा नैं हमला कित्या था, सैह़ जिन्दा होईया, तिसदी मूर्ति बणा।

प्रकाशितवाक्य 13:3

मैं तिसदे सत्तां सिरां ते इक्की पर देहया बड्डा जख्म दिख्या जिंआं कि सैह़ मरने दिया हालता च ऐ, भिरी तिसदा जान्नलेवा जख्म खरा होईया, कने सारे संसारे दे लोक हरान होई करी तिस जंगली जानवरे पचांह़-पचांह़ चल्ले।