2 तीमुथियुस 2:15 - काँगड़ी

¹⁵ सच्चाईया दे वचने जो ठीक ढंगे नैं इस्तेमाल करदे होये परमात्मे दे ग्रहण करणे जोग्गे सेवक बणने दी पूरी कोसस करा, जिसियो सर्मिंदा ना होणा पोयैं।

2 तीमुथियुस 2:15 Iomraidhean Croise

मत्ती 13:52

तिन्हीं तिन्हां नैं ग्लाया, “इसतांई हर इक्क सास्त्री जेह्ड़ा सुअर्गे दे राज्जे दा चेला बणेया ऐ, तिस घरे दे मालके साइआं ऐ जेह्ड़ा अपणे भण्डारे ते नौईआं कने पराणियां चीज्जां कड्डदा ऐ।”

मरकुस 4:33

यीशु तिन्हां जो देहय्-देहय् बड़े भरी उदारण देई नैं तिन्हां दी अक्ला मताबक परमात्मे दा वचन सणांदा था।

लूका 12:42

प्रभुयैं ग्लाया, “सैह़ बसुआसे जोग्गा कने अक्लमंद भण्डारी कुण ऐ, जिसियो मालकैं नौकरां चाकरां पर अधिकारी बणाया कि तिन्हां जो खाणे दी समग्री दैं।

प्रेरितां दे कम्म 2:22

“हे इस्राएल देसे दे लोको, इन्हां गल्लां सुणा, कि यीशु नासरी इक्क माणु था। जिसदा परमात्मे दे पास्से ते होणे दा सबूत तिन्हां सामर्थी दे कम्मां कने हरान करणे आल़े कम्मां कने चमत्कारां ते दुस्सदा ऐ। जेह्ड़े परमात्मैं तुहां दे बिच्च तिसदे जरिये दस्से, जिन्हां जो तुहां अप्पु ई जाणदे हन।

प्रेरितां दे कम्म 20:27

क्जोकि मैं परमात्मे दे सारे मकसद तुहां जो खुली नैं कने पूरे तरीके नैं दस्सी दित्ते।

रोमियो 14:18

जेह्ड़ा कोई इस तरीके नैं मसीह दी सेवा करदा ऐ, परमात्मा तिसते खुस हुंदा ऐ, कने लोक तिसदे बारे च खरियां गल्लां करी नैं तिसदा आदर करदे हन।

रोमियो 16:10

अपिल्लेसे जो भी जिसदा बसुआस परखे जाणे ते बाद भी मसीह च लगातार बधदा गेआ, मेरा नमस्कार। अरिस्तुबुलुस दे परवारे जो भी मेरा नमस्कार।

रोमियो 6:13

कने ना अपणे सरीरे दे अंगा जो बुरे कम्मां दे हत्थयार होणे तांई पाप जो सौंपा, अपर अप्पु जो मरेयां ते जिन्दा होएया जाणी नैं अपणी ज़िन्दगी परमात्मे जो देआ, कने अपणे सरीरे दे अंगा जो धार्मिकता दे हत्थयार होणे तांई पूरी ज़िन्दगी परमात्मे जो देई देआ।

1 कुरिन्थियों 2:6

भिरी भी मैं तिन्हां लोकां च ज्ञाने दा सुसमाचार सणांदा ऐ; जेह्ड़े आत्मिक रूप ते मजबूत हन, अपर संसारिक कने इस संसारे दे नास होणे आल़े हाकमां दा ज्ञान नीं ऐ,

2 कुरिन्थियों 10:18

क्जोकि जेह्ड़ा अपणी बड़ेयाई करदा ऐ, सैह़ नीं, अपर जिसदी बड़ेयाई प्रभु करदा ऐ, सैई ग्रहण कित्ता जांदा ऐ।

2 कुरिन्थियों 3:6

तिन्हीं अहां जो नौये वादे दे सेवक होणे दा हुनर दित्ता। मूसा दिया व्यबस्था दे सेवक नीं अपर पवित्र आत्मा दे हन। क्जोकि मूसा दिया व्यबस्था जो नीं मन्नणे दा नतीजा मौत्त ऐ, अपर पवित्र आत्मा सदा दी ज़िन्दगी दिंदा ऐ।

2 कुरिन्थियों 4:2

अपर अहां सर्मा दे गुप्त कम्मां जो छड्डी दित्या ऐ, कने ना चलाकी करदे, कने ना परमात्मे दे वचने जो अपणे फायदे तांई सणांदे हन। अपर अहां परमात्मे सामणै सिर्फ सच्चाई दस्सदे हन, तांजे हर इक्क माणु एह़ गवाही दैं, कि अहां सच्च ग्लांदे हन।

2 कुरिन्थियों 5:9

इसा बज़ाह ते अहां दे मने दी आस एह़ ऐ कि चाहे अहां तिस सौगी सुअर्गे च रैह़न चाहे ऐत्थु धरतिया च रैह़न, अपर अहां प्रभु जो खुस करदे रैह़न।

गलातियों 1:10

हुण मैं माणुआं जो नीं अपर परमात्मे जो खुस करणे दी कोसस करदा ऐ, मैं माणुआं जो खुस करणे दी कोसस नीं करदा ऐ। जे मैं हुण तिकर माणुआं जो खुस करा दा हुंदा, तां मसीह दा दास नीं हुंदा।

इफिसियों 1:13

कने तिस च तुहां पर भी, जाह़लू तुहां सच्च दा वचन सुणेया जेह्ड़ा तुहां दे उद्धारे दा सुसमाचार ऐ कने जिस पर तुहां बसुआस कित्ता, परमात्मे तुहां जो वादे दी पवित्र आत्मा एह़ दस्सणे तांई दित्ता, कि तुहां तिसदे हन।

1 थिस्सलुनीकियों 2:4

अपर जिंआं परमात्मैं अहां जो इस जोग्गा समझी करी सुसमाचार दित्या ऐ, इसतांई अहां माणुआं जो नीं, अपर अहां दे मना जो परखणे आल़े परमात्मे जो खुस करणे तांई सिक्षा दिंदे हन।

1 थिस्सलुनीकियों 5:14

हे प्यारे साथी बसुआसियो, अहां तुहां जो समझांदे हन, कि जेह्ड़े लोक सुस्त हन, तिन्हां जो चतौणी देआ, डरफोकां जो हिम्मत देआ, बसुआसे च कमजोरेयां जो सम्भाल़ा, सबना सौगी सबरे नैं रेह्आ।

1 तीमुथियुस 4:6

जे तू बसुआसियां जो लगातार इन्हां गल्लां दी याद दिलांदा रैंह्गा, कने जिंआं बसुआस कने तिसा खरिया सिक्षा दियां गल्लां ते, जेह्ड़ियां तू मनदा आया ऐ, तेरा पालण पोसण करदा ऐ, तां तू यीशु मसीह दा खरा सेवक बणगा।

इब्रानियों 4:11

अहां भी तिस अरामे दिया जगाह च दाखल होणे दी कोसस करन, इआं ना होयैं कि कोई माणु तिन्हां साइआं हुक्म नीं मन्नी करी दाखल नीं होई पां।

याकूब 1:12

धन ऐ सैह़ माणु, जेह्ड़ा परीक्षा च पक्का रैंह्दा ऐ, क्जोकि सैह़ परीक्षा च सफल होई नैं सदा दी ज़िन्दगिया दा सैह़ मुकट पांगा जेह्ड़ा वादा परमात्मे अपणे प्यार करणे आल़ेआं नैं कित्या ऐ।

याकूब 1:18

तिन्हीं अपणिया इच्छा दे मताबक अहां जो सच्चाई दे वचनां दे जरिये नौई ज़िन्दगी दित्तियो ऐ, तांजे अहां सारियां चीज्जां च जेह्ड़ियां परमात्मे बणाईयां हन तिन्हां च खास होन, जिंआं फसला दा पैहल्ला फल़ खास हुंदा ऐ।

2 पतरस 1:10

इसा बज़ाह ते हे प्यारे साथी बसुआसियो, खरा बर्ताब करणे तांई कड़ी मेहनत करदे रेह्आ, जिसते तुहां अपणे आप्पे जो कने दूयेयां लोकां जो एह़ दस्सी सकन, कि सच्च-बिच्च परमात्मे तुहां जो चुणेया, कने तिसदे अपणे लोक होणे तांई सद्देया ऐ। जे तुहां एह़ करदे हन, तां तुहां कदी भी परमात्मे ते दूर नीं हुंगे।

2 पतरस 1:15

ऐई बज़ाह ऐ कि मैं तुहां जो एह़ गल्लां लिखणे तांई कड़ी मेहनत करगा, तांजे मेरे मरने दे बाद भी तुहां इन्हां सारियां गल्लां जो हमेसा याद रखी सकन।

2 पतरस 3:14

इसतांई, हे मेरे प्यारे साथी बसुआसियो, जाह़लू कि तुहां तिस न्याय आल़े दिने दी आस रखदे हन, तां कोसस करा कि तुहां सांतिया नैं तिस सामणै बेदाग कने बेकसूर ठैह़रन,